پێشبینیا په‌قینا ستێره‌کا مه‌زن دهێته‌ كرن

و: هیوه‌ر جانۆ

هژماره‌یه‌کا زانایان د راپۆرته‌کێ دا ژ په‌یمانگه‌ها سپه‌هری بۆ زانستان، پێشبینییا په‌قینا ستێرا "Eta Carinae" دکه‌ن، و ئه‌ڤ ستێره‌ یا ژ ئه‌ردی دووره‌ ب 7.5 سالێن رۆناهیێ.
لدووڤ گۆتنا زانایێ سپه‌هری، ئارمین رێست، سه‌رپه‌رشتێ راپۆرتا به‌لاڤبووی د کۆڤارا تایم یا ئه‌مریکی دا، هه‌که‌ ئه‌ڤ ستێرا کو گرانیا وێ سه‌د جاران پتره‌ ژ رۆژا مه‌ بپه‌قیت، دێ تیشکێن گه‌له‌ک ڤه‌بووی ژێ ده‌رکه‌ڤن کو رۆناهییا وان پتره‌ ژ وێ رۆناهییا ژ گالاکسی یا رێکا کادزا هه‌میێ ده‌ردکه‌ڤیت، هه‌روه‌سا دێ گۆهورینێن مه‌زن د بازنه‌ تێرێ وێ دا رووده‌ن کو نێزیکی دو ملیۆن سالێن رۆناهیێ یه‌.
هه‌روه‌سا رێست دبێژیت، کو چ ساتێن ده‌می یێن ده‌ستنیشانکری نینن بۆ ڤێ په‌قینێ، لێ هه‌می نیشان ئاماژه‌یێ دده‌نه‌ هندێ کو هه‌ر کارلێکه‌کا ناڤۆکی یا بهێز دێ بیته‌ ده‌ستپێکا ڤێ په‌قینێ، ئانکو دبیت ئه‌ڤ کارلێکه‌ پشتی هزار سالێن دی ژی روونه‌ده‌ت یانژی دبیت د چه‌ند ساتێن بهێن دا رووبده‌ت.
چاڤدێریا سپه‌هری، و خواندن و ڤه‌کۆلین بۆ پێشبینییا روودانێن کارتێکرن هه‌بیت لسه‌ر ئه‌خته‌را ئه‌ردی، ژ ئالیێ زانایانڤه‌ د به‌رده‌وامن، و لبه‌رچاڤ وه‌رگرتنا روودانێن به‌ری نها وه‌کی لێکدانا ئێک ژ نه‌یزه‌کێن گه‌له‌ک مه‌زن دگه‌ل ئه‌ردی به‌ری پتر ژ 65 ملیۆن سالان، کو ببوو ئه‌گه‌رێ ژناڤبرنا ده‌ینه‌سۆران، و گه‌له‌ک جۆرێن دی یێن بوونه‌وه‌ران، ئه‌وێن ل نێزیکی جهێ روودانێ د ژیان.

ژێده‌ر:
http://arabic.cnn.com/2012/scitech/2/17/science.Stars/index.html