سهرهكی | ئهرشیف PDF | پهیوهندی
پێدڤیێن زێده یێن هندهك وهلاتییان دبنه ئهگهرێ تێكدانا كارێ دادگههێ؟
پارێزهر: عائشه عبدالله د دهمێ نوكهدا هاووڵاتیێ مه دهمێ كارهك ههبیت ل دادگههێ سهبارهت كارهكێ خو وهك مامهلێن خانووبهران یان كاروبارێن خانهنشین كرنێ یان كاروبارێن كهفالهتان یان مامهلێن قهرهبووكرنا هاووڵاتیان یان كاروبارێن گرێدای ب گرێبهستا ههڤژینیێ، وگهلهك كاروبارێن دیتر یێن پێدڤی. دڤان كاروباران دا هاووڵاتی پێدڤی زور بهڵگهنامهیان دبیت ب تایبهت (صوره قید)، ئهڤجا زور جاران هاووڵاتی د مامهلا خودا پێدڤی ب (صوره قید) و گرێبهستا ههڤژینیێ دبیت ل ڤێرێ دێ بێژین كو بو ئاسانكرنا كاروبارێن دادگههێ و سڤككرنا بارێ وێ ههروهسا سڤككرنا بارێ هاووڵاتی یا باشتر ئهوه كو بتنێ داخوازا (صوره قید) بكهن و پێدڤی ب گرێبهستا ههڤژینیێ ناكهت چونكی هژمارا گرێبهستێ یا ئاشكرایه لسهر (صوره قید) ێ، لێ دبیت هندهك كگرێبهست ههبن تانوكه هژمارا گرێبهستێ لسهر نینه ئهڤجا دڤی حالهتی دا دروسته گرێبهستا ههڤژینیێ ژی بهێته داخوازكرن. و ژلایهكێ دیتر ڤه گرێبهستێن هژمارهكا هاووڵاتیان ل ساڵا 1991 ێ دا هاتبوونه سوتن و ل دووڤ قانوونێ نابیت گرێبهستهكا دی بهێته دروستكرن، ئهڤجا ڤێ چهندێ ژی چارهسهرییهك دڤێت. چونكی دادگههـ ههر دبنیات دا یا هاتیه دانان بو خزمهتكرنا هاووڵاتیان و رێكخستنا كاروكریارێن وان و بهڵاڤكرنا دادپهروهریێ دناڤبهرا خهلكی دا و كو هاووڵاتی ب زیترین دهم و ب كورترین و دروست ترین رێك بگههیته مافێ خو یان مامهلا خو ب رێڤه ببهت، و وهكی ئهم دزانین روژانه هژمارهكا گهلهك مهزنا خهلكی قهستا دادگههێ دكهن بو ب رێڤهبرنا كاروبارێن خو، ئهڤجا چهند كارێ دادگههێ ب ئاسانتر برێڤه بچیت و چهند هاووڵاتی یێ هاریكار بیت دێ زیتر كاروبارێن وان هێنه برێڤه برن. ئهڤجا ژبو ئاسانكرن و سڤككرنا بارێ دادگههێ و هاووڵاتیان یاباش ئهوه جهێن پهیوهندیدار هندی دشیان دابیت كارێن هاووڵاتیان بهێنه ئاسانكرن و بونمونه ههر مامهلهكا پێدڤی (صوره قید) و گرێبهستا ههڤژینیێ تێدا بیت یا باشتر ئهوه بتنێ داخوازا (صوره قید) ێ بهێته كرن چونكی وهگی مهگوتی هژمارا گرێبهستێ یا ئاشكرایه لسهر (صوره قید)ێ.
قانوون
ساخلهمی
