t
سهرهكی | ئهرشیف PDF | پهیوهندی
حهزكرن تام و خوهشییا ب ئازادی فڕینا ژنێیه
مهریهم ئهسعهد حهزكرن دیرۆكا ژدهست دانا ئازادیێ یه، یان ب زاراڤهیهكی دی دیرۆكا بهخشینا ئازادیا ژنێ یا كو هێشتا بهرپرێن وێ لههڤ پێچایی نه، لێ د ههمان دهم دا شیان وهێزا دارێژتنا ئازادیێ یه دڤێ ههبوونێ دا، حهزكرنا د دلێ ژنێ دا دهنگڤهدانا زمانێ وێ یه (ئهڤ ژیان خوهشه دا ب بهختهوهری تێدا بژین). نهێرتنا ل ههر تشتهكی ل دهورووبهر ب دلسۆزی و دلینی، ژێدهرێ لڤینا ژنێ یه دناڤ مرۆڤایهتیێ دا، لهوما د شیانێ وێ دایه ژیانێ بكهته حهزكرن و حهزكرنێ بكهته ژیان، رێبازا بهردهوامی پێدانا ژیانهكا پر ژ حهزكرن. حهزكرنا ژنێ وهكی جانییا گزیرتایه دناڤ دهریایان دا، ئانكۆ د ناڤ بڤهیێن ژیانێ دا گرێدانهكا پتر ب رێبازا بهردهوامی پێدانا جوانییان، ژبهر كو ئانكۆیا ههری ب روومهت یا حهزكرنێ ژیان بخوهیه، لهوما ژنا كێم حهزكرن هشك و مری یه، لێ ژنا پر ژ حهزكرن تهر و بشكڤی یه، حهزكرن ژنێ نووكرنا هێڤیێ یه و گرنژینا دونیایێ یه د روویێ تهنگاڤییان دا. حهزكرن سیبهرا ژنێ یه، بدووڤ دا دچیت، رهنگێ وێ ل سهر ههر تشتهكی چێدكهت، واتهیا ههبوونا وێ د ڤیانا مرۆڤان دا هاتیه وێنهكرن. فهلسهفا ژنێ د حهزكرنێ ژوێ مهزنتره كو مرۆڤ بكوورانی تێبگههیت ژبهر كو ژن حهزكرن ب خوهیه. راستیا فهلسهفا ژنێ د حهزكرنێ دا پر ب روومهت و هێژایه، لێ هندهك ژن ههنه خوه ژ پیڤهرێن جانییا حهزكرنێ یێن راستهقین دوور تێخن، حهزكرن كرنه وهكی ڤنڤنهكا ڤالا دناڤ زهلالیا ئاوازا حهزكرنێ دا. حهزكرنا كو مرۆڤی بهێز دكهت، وان لاواز و بێ تاقهت و رهشبین دكهت، حهزكرنا كو مرۆڤایهتیێ چێدكهت، وان دههرفینیت، دوورووتیێ ل خوه دكن پاشی ل حهزكرنێ، ئهو ڤنڤنا كو مه بهحسا وێ كر كو هندهك ژن پێ بانگ دكن، ئاخافتنێن مرۆڤێن چ خوه نزانن، چهوا چێدبیت ئهڤ ههستا ههری ئاست بلند ب تایبهتی بۆ ژنێ ببیته ژێدهرێ خوار رێڤهچوونێ، پیڤهرێن وان یێن حهزكرنێ ژ گهوههرێ حهزكرنێ دوورن، بهلكو پتر ئهزئهزییه بۆ وان، حهزكرن وهكی كامیرا ڤیدیۆیێ یه ل نك ژنێ، تشتێ ههری جان و خوش د جیهانێ دا یان د مرۆڤێن كو حهز ژ وان دكهت، وێنه دكهت و ان د ئهندیشهیا خوه دا پێشڤه دبهت و باشتر لێ دكهت و ههر ل دووڤ جوانییا وان وێنهیان دچیت، ل كیڤه بن، لهوما وهختێ وان وێنهیان ل بهر چاڤێ خوه دزڤرینیت، مات دبیت بێ دهنگ دبیت، پێ رزامهند و دلنیا دبیت و دكهته بیرهوهریا جوانیا دهمێن ژیانێ، سهد جاران تهماشا بكهت، د دووبارهكرنێ دا وهكو ئهڤه جارا ئێكهیه دبینیت، نوویاتیێ ژێ وهردگریت، لهوما تاما حهزكرنێ ل نك ژنێ جودایه، ههستا مرۆڤایهتبوونا وێ پێ دبهخشیت، ئاوازا ڤهشارتی یا شادیێ بۆ درێسیت. لهوما دێ راستهڤكم و بێژم (حهزكرن دیرۆكا ژدهست دانا ئازادیێ یه بۆ ژنێ بۆ ئازادكرنا مرۆڤان ژ نهفرینێ و بێ رهنگ ماینێ) ئانكو حهزكرن بخوهژی تام و خوهشیا ب ئازادی فرینا ژنێ یه.
قانوون
ساخلهمی
