| |
|
|
| 2012-07-29
|
|
د ناڤبهرا مه و وان دا |
|
چاڤلێكرن ئهگهر ل دۆر كارێن باش بيت، خۆ ئهگهر مرۆڤ چاڤ ل دينا ژي بكهت باشه، چونكه دينا ژي كارێن باش ههنه، ههر چ نهبيت هندهك دينێن ههين دبێ زهرهرن، دهرمالهيێن فهرمانبهران ل ئيراقێ ئهڤه سهرێ هنده سالانه گهلهك پتر بوون ژ دهرمالهيێن كارمهندێن كوردستانێ، پێنچ شهمبييا بۆري من بابهتهك ل رۆژناما مه ديت كو دێ دهرمالهيێن كارمهندێن مه ژي وهكي يێن ئيراقێ لێهێن و دێ ژ ئێكي ئێك ل ئهڤ ساله ههمي سهرئێك هێنه حسابكرن، ههلبهت رۆژناما وێ رۆژێ نهما ل سيكێ، خهلكي ههمي كڕين چونكه بابهتهك تێدايه گرێداي پارانه، ئهڤه چاڤلێكرنا حوكمهتا مهيه ل حوكمهتا ئيراقێ و تشتهكێ باشه و خراب نينه، چونكه خهلكێ مه دێ نهفهسهكا دي ههلكێشيت، ب ههر حال هيڤييه زوو بكهڤيته دوارێ ب جهئينانێ دا، ئهم گهلهك تشتان ژ حوكمهتا بهغدا باشترين، لێ ئهو ههمي تشت لبهر چاڤێ خهلكي نينن ژبلي كو مۆچێن وان ژ يێن مه پترن، بهري ههيامهكي ئهز ل بهغدا بووم، ل ئۆتێلهكێ رۆنشتبووم، كابرايهكێ خهلكێ بهغدا هاته سحبهتا من، ئهوي دو تشت گۆتنه من چ جاران ئهز ژبير ناكهم، گۆت؛ ئهرێ بۆچي هوون گهلهك دهاڤژنه بهرپرسێن خۆ و لسهر دنڤێسن و دبێژن پارا ددزن و دگهندهلن و ..هتد، ب راستي من ژي لبهر دهڤێ ويدا و گۆتێ ستۆپ، من گۆتێ بهرپرسێن ته ل بهغدا حهفت دهستا كۆمباخترن و ههمي بهرپرسێن مه نه دگهندهلن وهكي تو دبێژي و لبهر دهڤێ خۆ راوستێ، ئێ پا چ بكهين نهخۆشه ئهرهبهك هۆسا دگهل مرۆڤي باخڤيت و ئهم مهجبۆرين ژي بهرهڤانيێ ژ بهرپرسێن خۆ بكهين، ئهوي گۆت من ئهڤ ئاخفتنه گۆت دا ئهز تشتهكي بێژم؛ گۆت؛ مامۆستا خۆزي بهرپرسێن مه ئيراق ههمي دزي با بهس بۆ مه ئاسائيش و ئهمنيهت زڤراندبا، ئهڤجا ههرن نانهكي بخۆن و ئێكي ب خێرا بهرپرسێن خۆ بدهن كو بۆ ههوه تهناهي و ئاسائيش ل كوردستانێ چێكري، ب راستي كهيفا من ب ڤێ ئاخفتنا وي هات، پاشي گۆت، بۆ مه گهلهكا سهيره خهلكێ ههوه دچيته ئهورۆپا و داخوازا پهنابهريێ دكهن، ديسان بۆ مه سهيره حهتا نۆكه گهلهك كورد ژ دهرڤه پهنابهرن، بخۆدێ كوردستانا ههوه ژ ئهورۆپا خۆشتره، ئاڤهدانكرن و ياسا و رێزگرتن و تهناهي و ئاسائيش، ئهرێ تو نابێژيه من ههوه چ دي دڤێت؟ من گۆتێ مۆچێن مه دكێمن!! |
|
|
|
|
|
|
