سهرهكی | ئهرشیف PDF | پهیوهندی
قوتان چوو، گهفێن كێمكرنا نومرهیان و دوورئێخستنی شوونا وێ گرت!
ئهحمهد جاسم وهكو دیار كو ل سالێن بهری نها قوتان گهلهك ههبوویه ل قوتابخانهیان و پشتهڤانیا حوكمهتا بهرێ بۆ مامۆستای و هاندانا وی بۆ قوتانا قوتابییان وهلێكر ببیته كهسهك بتنێ خوشیێ ژ هندێ بینیت دهمێ قوتابی ب قوتیت و گهلهك جاران ژی بێ ئهگهر تاكو مامۆستایێن مه گههشتینه سنورهكێ غرورێ، كو گهلهك قوتابی هاتنه ئێشاندن و دهمێ قوتابی د هاته قوتابخانهی وی ههست دكر دێ چیته دوژههێ، لهورا دهرچوویێن مه یێن بهرێ نهبووینه داهێنهر، فهرمانبهرن و مووچهكی وهردگرن و خلاس، دویر ناچم ئهڤ دیاردهیا قوتانا قوتابی ژ بال حوكمهتێ ڤه هاته قهدهفهكرن و ئهڤه جهێ دهستخوشیێ یه سهرهرای هندێ كو هێشتا هندهك مامۆستا ههنه ئهڤ دیارده نههێلایینه، ئهوژی كت و ماتن ل دهوربهرێن پارێزگههێ وهكو ل رۆژنامهیا وار جارهكێ هاتیه ئاشكراكرن كو ل ئامێدیێ مامۆستایهكی قوتابیهكێگهلهك بچویك قوتابوو و ببوو جهێ دلگرانیا ههموویان دبیت، ئهڤه نهساخی بیت خودێ شیفایێ بۆ وان ڤرێكهت ژبهركو قوتان نه بۆ مرۆڤانه، پشتی قوتان چووی نها گهفێن كێمكرنا نمرا هاتینه شوینا وان ئهو نمرێن قوتابی بزهحمهتا خوه ب دستخوهڤهئینای، ژبهر پهیڤهكی یان دانوستاندنهكێ دگهل مامۆستای دهێنه خوار و زهوقێ قوتابی دشكێنن، ب ههمی پیڤهران نابیت بوچوون و بوچوونا دن ههبیت، ئانكو (الرأی والرأی الاخر) بتنێ بوچوون یا مامۆستایه ئهڤه ژی دكتاورییهته ههتا نها پهروهردهیا مه پالپشتیێ ل ڤێ چهندێ دكهت، بهری ههیامهكی ئهز ل ئامادهیهكێ بووم ژبو ئهنجامدانا دویڤچوونهكێ من دیت مامۆستایهكێ داخوازهك ژ قوتابی كر و ئهو داخواز ژی نهكارێ وی بوو، كارێ پاقژكهری بوو ئانكو ههگهر ئهڤ كاره كربا ژی دا ب خێرا خۆ كهت، لێ جامێری حهز نهكر یی وی كاری ئهنجامدهت وگۆته مامۆستایێ خوه ئهز ڤی كاری ناكهم، مامۆستای ژی كره نه مهردی پێنج نمره سلوك و سێ رۆژ بۆ ژ دهرڤه، ئهرێ دهمێ ئهم داخوزێ ژ ئێكی دكهین كارهكی بكهت و نهكهت ما یێ بێ رهوشته؟ مانه ب كهیفا وی یه ههكه ئهڤ كاره كر مالا وی ئاڤا و نهكر ژی ههر مالا وی ئاڤا، ئهرێ ما ئهڤه چییه دهمێ تو نههێلی قوتابی دهڕبرینێ ژبوچوونا خوه بكهت و ههر تشتهكێ بكهت ب گهفهكێ یه یان ژی دێ هێته دویرئێخستن، باشه ئهی پهروهردا دهوكێ تو بوچ گازندان ژ ئهنجامێن قوتابی دكهی؟ ههوه قوتابیێ دانای تشتهكێ نه لڤوك وبێ دهربڕین و ههوه دڤێت قوتابیێن مه ببنه (ئهنشتاین)! چ دچینی دێ وی بینی، كهسێ هژیر نهچاندینه و فستهق پێڤه هاتین، بهری قوتان راكربا ڤیابا هندهك خولێن رهوشهنبیری بو مامۆستایان هاتبانه ڤهكرن وتێگههاندبان كو قوتابی بهشهكێ زورێ گرنگێ ڤی وهلاتی یه، مه قوتان راكر دا ئاستێ خوانددنێ وژیریا وی پێشبێخین نه داهوین بو مه ب كێمكرنا نمرا و دویرئێخستنێ بهدهل ڤهكهن، من دڤێت بێژم و دگهل رێزگرتنێ بو مامۆستایان ئاستێ رهوشهنبیری یێ قوتابیێن نها زور باشتره ژ مامۆستای ههر تهكنولوژیهكا نوی یا دهێته بهردهست و كهڤن دكهت، ژنوی مامۆستایهك بۆ خو دكریت و دبیت نهزانیت تێبخهبتیت، قوتابیێن نها نه وهكو یێن بهرێ نه بهری نها تشتێ مامۆستای گۆت ئهوه، لێ نها ئهگهر مامۆستا تشتهكی ژ دهرڤهی وانێ بێژیت ئهو بتنێ بوچوونه نهزێدهتر ژبهركو بوچوونێن مرۆڤێن تێگههشتیتر دێ گوهـ دهتێ ل ئهنترنێت ودجیتال و... ب تنێ مهرهما من ئهوه ژ ڤی بابهتی بهێلن قوتابی نهفهسا خو ل قوتابخانێ بكێشن. Amedi.hamodi@yahoo.com
قانون
ساخلهمی
