| |
|
|
| 2012-08-15
|
|
ئهردۆگان: تهناهييا شهمزينانێ ژ ديمهشقێ دهستپێدكهت |
 بهربهارى
سهرۆك وهزيرێن تركيێ رهجهب تهيب ئهردۆگان د گۆتارهكێدا ل همبهر ئاليگرێن خوه ب ههلكهفتا شهڤا "ليلةالقدر" تهكهز كر كو وهلاتێ وى تركيا ههر دهم خوه قهردار دبينيت همبهر وان وهلات و گهلێن د شهرێ جيهانى يي ئێكێ دا سۆز و دوعا بۆ تركيا دكرن و ههر تشتێ ههى پيشكێش كرى بۆ هندێ د شهرێ سهرخوهبوونێدا تركيێ ب سهركهڤيت و گۆت: ئهو پشتهڤانى ئێمانهتهكه د ستويي مهدا و پێدڤى يه قهرێ وان جها و ئالييان بۆ بزڤرينين ههر دهما ههوجهى مهبوون.
ئهردۆگان ئهوژى دا زانين مه چ دهمان دانپێدان ب سنۆرێن جۆگرافى دناڤبهرا وهلاتێن موسلماناندا نهكريه و ههر دهم ديتنا بۆ موسلمانان ل دووراتييا هزارهها كيلومهتران ههر بگره ژ ئاراكان و ئاتشي و فهلستين و سووريا و سۆمال ههر وهكو برا تهماشاى برايێ خوه دكهت.
ئهردءگانى د پهيڤا خوهدا ئاماژه كره رهوشا وان گڕژيێن ڤێ داويێ ل دهڤهرا شهمدينان و ههكارى سهرهلداين و گۆت: هندهك ژمه داخواز دكهن لشوونا گرنگيێ ب رهوشا دهڤهر بدهين پتر گرنگيێ ب ناڤخوهييا تركيێ بدهين ئهزژى د بهرسڤا واندا دبێژم : ئهم گرنگيي ب ههردوان ددهين ، ئهم گهلهكين وهسان هزر دكهين كو ئێمناهييا دهڤهرا شهمزينانێ ل رۆژههلاتێ تركيێ ژ ديمهشقێ دهستپێدكهت، و تهناهييا ههكارى ژ تهناهييا ئهراكان و ئۆرمتشيێ يه و خۆشگۆزهرانييا ههرێمێن تركيا ژ خوهشگۆزهرانييا غهزه و سهرايڤۆ و كابۆلێ يه.
ئهردۆگان د پشكهكا ڤێ گۆتارا خوهدا ئێرشهكا توند ئاراستهى سهرۆكێ سوورى يێ نها بهشار ئهسهدى كر و ب زۆدار و بكوژێ خهلكێ بێگونههـ ل قهلهمدا و تهكهز كر كو رهخنهيێن وێ بۆ رژێما ديمهشقێ نه ژ بهگرهوهندهكێ ئۆلى يان سياسي نه بهلكو ژ بهگرهوهندهكێ مرۆڤايهتى دهستپێدكهن.
ههژى گوتنێ يه دڤێ گۆتارێدا ئهردۆگانى بهحسێ وان گڕژى و شهرۆپێكدادانان نهكر كو ئهڤه ههياما پتر ژ دو حهفتييانه ل دهڤهرا شهمزينان و ههكاريێ رووددهن كو تێدا لدووڤ داتايێن پهكهكێ و هژمارهكا ژێدهران ههتا نها پتر ژ 500 كهسان د ناڤبهرتا كوشتى و بريندارا دا د ڤان رووداناندا بوينه قوربان بتنێ ئهو نهبيت كو تهناهييا ڤان دهڤهران ژ تهناهييا ديمهشقێ دهستپێدكهت وهكو ئاماژه كرن كو گرنگيدانا تركيێ ب رهوشا سووريێ چ كێمتر نينه ب گرنگيدان ب رهوشا ناڤخوهيى ئهڤهژى پشتى ل ههيامێن بورهى ئۆپۆزسيۆنا تركى ب دژوارى سهرهدهرييا حوكمهتا ئهردۆگانى رهخنه كرى و تهكهز كرى لشوونا تركيا ههتا قورمى خوه تهڤى كێشهيا سووريێ كربا باشتر بوو كێشهيێن ناڤخوهييا وهلاتى چارهكربان. |
|
|
|
|
|
|
