| |
|
|
| 2012-08-09
|
|
بيۆكانن: يا دروست ئهوه كوردستان د نهخشهيا خوهزاييا جيهانێدا بێته ديتن |
 وار/ئاژانس
سياسهتڤانێ ئهمهريكي يێ ناڤدار پاتريك جۆزێف بيۆكانن كو بهرييا نها نوونهرێ پارتييا كۆماريان بۆ د هلبژارتنێن سهرۆكاتيێ دا ل ئهمهريكايێ و بۆ ههيامهكا درێژ دگهل سێ سهرۆكێن ئهمهريكايێ كاركريه، دوهي دگۆتارهكێدا ب ناڤێ نهخشهيێ خوهزايى يێ رۆژههلاتا ناڤين وهسان تهكهز دكهت: گهلێ كورد كو پارڤهبوويه لسهر وهلاتێن تركيێ وئيرانێ و ئيراقێ و سووريايێ بهردهوام د بزاڤاندايه پێخهمهت دابينكرنا مافێن خوه لهوما دێ بيته ئهگهرێ شهرهكي لڤێ دهڤهرێ، بهلێ يا دروست ئهوه كو د نهخشهيهيا خوهزايى يا جيهانێدا كوردستان ههبيت.
پاتريك جۆزێف بۆچانان د گۆتارا خوه ده بهحسا نهخشهيا سياسي يا ئيرۆ يا رۆژههلاتا ناڤين دكهت كو ب پهيمانا سايكس- بيكۆيێ بنهێني هاتييه پهژراندن وڤێ پهيمانێ وهكو نهخشهيهكا خوهزايى ل قهلهم ددهت وهسان بهردهوام دكهت: بهارا ئهرهبي دێ ببێ ئهگهرێ كو جارهكا دن ژ دهستپێكێ نهخشهيا رۆژههلاتا ناڤين بهێـته دانان بهلێ ڤي جارێ دێ لدووڤ سنۆرێن وێ يێ خوهزايى بيت، دڤي واريدا نڤيسهرێ ئهمهريكي ژ ڤهكۆلهر و نڤيسهرێ ديرۆكي هاربرت جۆرج وێلس ڤهدگوهێزيت دهما دبێژيت ژبلي نهخشهيێن سياسي يێن مرۆڤايهتي، نهخشهيێن خوهزايى يێن مرۆڤايهتي ههنه ئهڤهژي ژ قانوونا پێشيێ يێن تهناهييا سياسي يه، ئهوه يا كو مرۆڤ تخوبێن خوه يێن سياسي لدووڤ تخوبێن خوهزايى يێن مرۆڤان چێدكهت.
د بهردهوامييا گۆتارا خوه سياسهتڤانێ ئهمهريكێ بهحسا شهرێ دناڤبهرا شيعهو سۆنهيان دا دكهت و دبێژيت دهما كو ل سووريايێ ئهرهبێن سۆنه ب سهردكهڤن وێ دهمێ سۆنهيێن ئيراقێ ژي دێ ل همبهري شيعهيان ب هێزكهڤن وئهنجامێ ڤێ يهكێ دێ ئهو كڤانا شيعهيان يا دهێته بهحسكرن شكهستنێ بينيت و رێك لبهر ئيرانێ بهێته گرتن و بهرژهوهنديێن وێ دێ ژناڤبچن.
لدۆر رهوشا گهلێ كورد و رۆلا وان د رۆژههلاتا ناڤين و جيهانێ دا پاتيرك جۆزێف بۆچانان دبێژيت گهلێ كورد دێ ژ سووريايێ و ئيرانێ و ئيراقێ و تركيێ بێ دهنگ نامينن، ئهڤهژي دێ ببيته ئهگهرێ هلوهشاندنا پلان و نهخشهيێن كهڤن و دهركهتنا سيستهمێن نوو و داراشتنا نهخشهيهكا خوهزايى بۆ دهڤهرا رۆژههلاتا ناڤين وبڤي ئاوايي دێ كوردستان د نهخشهيا دهڤهرێ دا هێته بهرچاڤ.
ههروهسان دبێژيت: ل باكۆرێ رۆژههلاتا سووريايێ ههبوونا كوردان كو ژ چهند مليۆن كهسان پێكدهێت ههيه و يا خويايه كو پهيوهنديێن وان يێن گهلهكي خورت دگهل كوردستانا ئيراقێ و كوردێن تركيێ بهرچاڤا ويا ڤێ دهمێ دهێته خوياكرن كو بزاڤێ ددهن بهندكێ خوه دگهل ديمهشقێ قوت كهن وگرێدانا خوه دگهل پسمامێن خوه يێن ل تركيێ و ئيراقێ خورت بكهن، ئهڤه دێ هێليت لڤين لڤان وهلاتان چێببيت ودێ ئهنجامێن جودا دهرخيته هۆلێ و يا سهرهكي دێ ئهو بێ كو نهخشهيا خوهزايى يا جيهانێ جارهكا دن بهێته دانانا و وهلاتهك بناڤێ كوردستانێ تێدا بهێته ديتن. |
|
|
|
|
|
|
