| |
|
|
| 2012-08-09
|
|
كۆڤارا تايم يا ئهمريكى: دروستبوونا كوردستانا مهزن نێزيكه |
بزاڤێن كوردان ل سووريا، توركيا تووشى دودليێ كرييه، چونكى دبيته سهدهمێ زێدهتر ئالۆزكرنا كێشهيێن ناڤخۆ ل وي وهلاتي و راپۆڕتهكا ئهمريكى ب سهدهمێ سهرهكيێ دروستبوونا دهولهتا كوردى ب نێزيك دزانيت.
ئهو ههڤكارييا توركيا بۆ شۆڕشگێڕێن سووريێ دكهت، كهفتييه ناڤ بارهكێ ئالۆز، ب ئهگهرا داخوازكرنا كوردان بۆ ئۆتۆنۆميێ، ئهڤه ژى پێنگاڤێن توركيا ئێخستينه رهوشهكا نهجێگير و ترس ئێخستييه دلێ وان، چونكى دێ بيته ئهگهرێ شلهژانييا دۆخێ توركيا و ههڤڕكييا كوردان وى وهلاتى دا دێ زێدهتر كهت.
د راپۆڕتهكا كۆڤارا تايم دا هاتييه، ئهو گوهۆڕينێن جيۆپۆلۆتيك پشتى شكهستنا سهدامى ل سهر دهستێ ئهمريكا و شۆڕشێن ئێك ل دووڤ ئێكێن ئهرهبى دێ ل سووريا داوى پێ هێت، دبيته ئهگهرێ گوهۆڕينا رههوريشالى ل رۆژههلاتا ناڤهڕاست.
كوڤارا تايم يا ئهمريكى يا ههر هژمارهكێ 10 تا 15 مليۆن دانه ژێ دهێنه چاپكرن، د پشكهكا راپۆرتێ دا دبێژيت: كورد هژمارهيا كێما وان 30 مليۆن كهسن و به گهورهترين مللهتێن جيهانێ ئهوێن تا نها دهولهتا سهربهخۆ نهيى دهێته دانين، ههر وهكو چهوا باشترين نهتهوهنه ژ ئاليێ خۆ بڕێڤهبرنێ ڤه و ههژى هندێ نه ببنه دهولهت ههر ژبهر ڤێ ئێكێ رهنگه د گوهۆڕيناندا جهێ وان ژى ههبيت.
محهمهد بيراند، نڤيسهرێ ب ناڤودهنگێ توركيا دبێژيت: دروستبوونا ناوچهيهكا ئۆتۆنۆمي ل باكوورێ رۆژههلاتا سووريێ، پشتى دروستبوونا دانهيهكا دى ژ ڤى جۆرى ل ئيراقێ بهرهف ئێك ئارمانج دچن، ئهڤه ژى مهزنترين دلگرانييه بۆ توركيا ئهو ژى دروستبوونا دهولهتهكا مهزنا كوردييه.
رۆژنامهيا تايم ژ زار دهڤێ مستهفا گۆندۆگدۆ پهيڤدارێ ب ناڤێ پڕۆژهيێ مافێ مرۆڤێ كورد ل بارهگايێ خۆ ل لهندهن پايتهختێ بريتانيا دبێژيت: پێنگاڤا كوردان ل سووريا يا ديرۆكييه، ل جهێ هندێ د ناڤبهرا ئۆپۆزيسيۆن و رژێما سووريا دا بهێنه فهرامۆشكرن، كوردان پێنگاڤا خۆ هاڤێت ئهو ژى تهكهزيێ ل سهر بهرژهوهنديێن دوورێن خۆ دكهن، ئهو ل گهل ئۆپۆزيسيۆنێ كار دكهن، لێ كهسێ ژ وان خۆ نهكره قوربانى ئالييهكى بهلكو ئهو ب خۆ بوونه ئالييهكێ جودا.
ژبهر وان سهدهمان، رهجهب تهيب ئهردۆگان سهرۆك وهزيرێ توركيا راگههاند، ب چو رهنگان بێي دهستپێشخهرييهكێ رازى نابيت ببيته لێدانا بهرژهوهنديێن ئاسايشا توركيا، ئهردۆگان ل ڤێ ئێكێ نه راوهستا و گۆت: ئهگهر پارتا كرێكارێن كوردستانێ PKK ل سووريا جهێ پێ خۆ توند بكهت، سوپايێ توركيا ل سهر سنۆرێن سووريا دێ هێنه بهلاڤكرن و دێ ئامادهباشى هێنه كرن بۆ ههر هێرشهكێ.
|
|
|
|
|
|
|
