| |
|
|
| 2012-08-09
|
|
دهۆك: چێكرنا پهيكهرێن لهيلا قاسم و صادق بهائهددين |
 ئاري محمد
برياره ل ڤان دهمێن نێزيك پهروهردهيا پارێزگهها دهۆكێ پهيكهرێ شههيدا نهمر لهيلا قاسم و نڤيسهرێ نهمر صادق بهائهددين دروست بكهت و ل ناڤ مهيدانێن وان قوتابخانهيێن پێ هاتينه ناڤكرن بهێنه دانان.
رێڤهبهرێ چالاكيێن قوتابخانهيان زياد عابد بۆ وار دياركر، ب پشتهڤانييا جهنابێ وهزيرێ پهروهردێ و لسهر بودجهيا پهروهردهيا گشتييا دهۆك دهست بچێكرنا ههردو پهيكهرێن لهيلا قاسم كو دێ ل ئامادهيا لهيلا قاسم هێتهدانان و ههروسا پهيكهرێ نڤيسهرێ كورد صادق بهائهددين ئامێدي دێ ل ئامادهيا صادق بهائهددين هێته دانان هاتييه كرن.
ژلايێ خوهڤه ڤهمان ئيسماعيل بهرپرسێ پشكا كارێن دهستي ل رێڤهبهرييا چالاكيێن قوتابخانهيان كو دێ ب ئهنجامدانا ڤي كاري رابيت، دياركر كو ئهڤ ههردو پهيكهره ژ لايێ رێڤهبهرييا گشتييا پهروهردهيا پارێزگهها دهۆكێ ڤه هاتينه پێشنيازكرن و ل 8/8/2012 دهست ب چێكرنا وان هاتييه كرن و بزاڤ دێ هێنه كرن كو ل دهمهكێ كونجاي بهێنه تهمامكرن و ل مهيدانێن وان قوتابخانهيێن ژێگۆتي بهێنه دانان. ڤهماني گۆتژي: ئهڤ پڕۆژه ژ كۆما وان پڕۆژه و كارێن نوويه كو دبياڤێ هونهري دا ل ناڤ كهرتێ پهروهردهيێ دهێنه ئهنجامدان.
|
|
|
|
|
|
|
