| |
|
|
| 2012-08-01
|
|
لـهشكركێشييا حوكمـهتا ناڤـهندي د ناڤبـهرا نيشادانا زهڤلـهكان و پالدانا ئـهقليمي دا |
 تـهحسين ناڤشكي
لـهشكركێشييا حوكمـهتا ناڤـهندي ژ نشكانڤـه، بيێ هـهبوونا هـهڤكارييـهكێ دگـهل حوكمـهتا هـهرێما كوردستانێ، بۆ سـهر دهڤـهرێن نـهئازادكري و جڕه لسـهر و بـهرسينگرتنا ڤي لـهشكري ژ لايێ هێزێن پيشمـهرگـهيڤـه، مـهودايێ كووراتييا ناكۆكيێ ل ناڤبـهرا هـهولێرێ و بـهغدايێ دياردكـهت. راستـه د دستۆرێ نوو يێ ئيراقا فيدرال دا، ب كارئينانا هێزێ بۆ چارهكرنا ناكۆكيێن ناڤخوه حـهرامكرييـه، لێ بۆچوونا تاكرهويا دهستـههلاتا سـهرۆك وزيرێن ئيراقێ ئـهڤ بڕيارا تاكانـه، ب هێجـهتا كو لـهشكرێ ئيراقێ ماف هـهيـه هـهر جـههكي ئيراقێ بچيتێ، فـهرمان دا كو چـهند يـهكـهيێن خوه يێن سـهربازي بچن سنۆرێن ل ناڤبـهرا هـهرێما كوردستانێ و كوردستانا رۆژئاڤا بگرن، داكو نـههێلن، هاتنوچوون ل سنۆري نـهبيت.
ئـهڤ لڤينا نـهچاڤـهڕێكري ژ لايێ مالكيڤـه، ديار دكـهت، راستـه لڤينـه كـه پتر ب فيتييا هندهك لايـهنێن ئـهقليمي هاتييـهكرن داكو سـهنگـهرێ خوه يێ پێشيێ يێ كو نوكـه كێمينـهيا مالباتا ئـهسـهدێ عـهلهوي سـهركێشييا وي دكـهت بپاريزيت. ل ڤێره مالكي ژي ئـهجندايا خوه هـهبوويـه كو ئـهوژي لبن ڤێ سيبـهرا ئـهقليمي هێزا زهڤلـهكێن خوه نيشا هـهرێمێ بدهت و ژێڕه خۆيا بكـهت كو ئـهو هـهر دهمـهكي دشێت ب هـهمان ئـهقليـهتا رژێما ژ ناڤچوويا جاران، هـهشامـهتێن (تحشدا)تێن لـهشكري بينتـه سـهر ئاخا كوردستانێ، كانێ چـهوا ل سالا 2008 ل بـهر چاڤێن ئـهمريكييان بۆ سـهر دهڤـهرێن خانـهقين و كفري هيناين؟!
ئـهڤ پێنگاڤا تاكانـهيا كو سـهرۆك وهزيرێن ئيراقا دهمۆكراسي، فيدرالي، پشتي ڤـهكێشانا هێزێن ئـهمريكي ژ سالـهكێ كێمتر هاڤيژتي، زهنگا مـهترسيێ لێدهت كو راستـه رژێمـهك دكتاتۆري، وهك رژێما سـهددام حسيني ب هێزا ئـهمريكا هاتـه گوهۆڕين و شوونێ سيستـهمێ دهمۆكراسي دانا و حوكمراني ژ دهست كێمينـهيا سني هينا دهر، پشتي چـهندين چـهرخێن حوكمرانيێ كره ددهست شيعـهيان دا. ئـهڤ جۆره رهفتارێن تاكانـه د ئيراقا نوو دا خۆيا دكـهن كو تـهنييا تدارهكا (شكلێ) مرۆڤێ ئيراقي هاتييـه گوهۆڕين، لێ گـهوههرێ ئـهقلييـهتا وي ههر گـهوههرێ ديرۆكا خويناوي يا ئيراقييـه، گـهوههرهك دكتاتۆرييـه و تنێ باوهري ب لۆژيكێ هێزێ و دژواريي هـهيـه بۆ چارهكرنا هـهر كێشـهيـهكا هـهبيت.
هـهلبـهت ل دووڤ قانوونا فيزيائي ژي هـهر كارهكي كاردانـهڤـهيـهك هـهيـه. واتـه دهمێ حوكمـهتا ئيراقا فيدرال، بێي ئاگـههدارييـهك و هـهماهـهنگييـهك د ڤێ رهوشا شـهلـهژاني و ناسك دا بـهرێ هێزێن خوهيێن لـهشكري ددهتـه دهڤـهرێن نێزيكي دههـ سالانـه د ئازادكري، هـهر وهك بـهرێ وان ددهتـه باژێڕين (عماره) و (ديالا) و باژيڕێن دي يێن باشۆر و ناڤـهراستێن ئيراقێ... دبيت ئـهڤ دهستـهـهلاتا دكتاتۆري ژي باش دزانت، هاڤێتنا ڤێ پينگاڤێ هێلا سۆه و دوورنينـه پرۆسـهيا سياسي ل ئيراقێ بۆ چوارگۆشـهيا دهستپێكێ بزڤڕينت.
هـهڤڕكييا ڤێ كار و كارڤـهدانێ، گـهلـهك ب زهحمـهت ب لايـهنێن ئـهقليمي بـهێتـه چارهكرن، ژبـهر كو ئـهو لايـهن ژي د ڤێ كێشـهيا كـهڤن و نوودا، پارچـهيـهكن ژ ههمان ئاڕيشـهيێ. كـهواتـه چ جاران لايـهنێ پارچـهيـهك ژ كيشـهيێ ب ميكانزمـهك شارستاني كێشـهيێ چاره ناكـهت. ل ڤيره پتر تـهپـه دكـهڤيتـه د مـهيدانا ئـهمريكادا، وهك لايـهنـهك هێشتا خوه ب خودانێ ئيراقێ دزانيت، ل دووڤ رێكـهفتنا ستراتيژييا ل ناڤبـهرا ئيراقێ و وان دا هاتييـه ئيمزا كرن، ل سـهر ڤـهكيشانا هێزين ئـهمريكي ل ئيراقێ دمينيت كو ئـهو ب ڤي ئـهركي رابيت و جارهكا دي ئاڤێ بزڤرينتـه جۆيێن وان داكو سـهر باركێن وێ زێدهتر لێ نـههێن و دوماهيێ كارتێكرنێ ل سـهر خوهديێ ئـهمريكا بكـهن، تايبـهت هـهلبژارتنێن وان يێن سـهرۆكاتيێ هـهموو سێ هـهيڤـهك ماينـه بكـهن.
ژ لايـهكي دي، هـهر دێ دوباره و سێ بارهكـهم؛ هـهكـه ناڤمالييا كوردي نـههێتـه رێكخستن و هـهموو لايـهن د كێشـهيێن چارهنڤيسسازدا و خـهتر ل سـهر ئاساييشا نـهتـهوهيي ئێك رێز و ئێك چـهپـهر نـهبن، گـهلـهكا ب زهحمـهتـه ئـهمريكا ب ناڤێ جڤاكێ نيڤدهولـهتي، وهك پێدڤي پێنگاڤان د بـهرژهوهندييا مـهدا بـهاڤێژيت و مالكي ژي هزرهكێ بۆ مـه بكـهت كو گرهنتيێ بدهت ئێدي ب هێزا لـهشكري وهك ئـهقليـهتێن دكتاتۆريێن بـهرێ گـهڤان ل مـهنـه كـهت و كێشـهيێن ل ناڤبـهرا هـهرێمێ و ناڤـهندي ب ڤێ ئـهقلييـهتێ چاره بكـهت.
|
|
|
|
|
|
|
