| |
|
|
| 2012-07-29
|
|
بارزانيێ نهمر ل تركيێ دێ هێته خهلاتكرن |
 : سهحهر محهمهد
ژبهركو مهلا مستهفا بارزاني سهرۆكهك بوو ههموو دهمان ئاشتي و ئازادي و برايهتي دخواست، كۆمپانييهكا تركي و ب ئامادهبوونا 195 وهلاتان و 207 زانكۆيێن جيهاني، دێ خهلاتێ ئاشتي و برايهتيێ ل مێردينێ پێشكهشي مهلا مستهفا بارزاني كهت.
لدۆر ئهڤێ خهلاتكرنێ مراد چوههدار ژ كۆمپانييا م. ر. ف يا تركي ئهوا ب ئهڤي كاري رابووي، تايبهت بۆ وار گۆت: دێ كۆنسێرتهكا مهزن ل رۆژا 31 مهها داهاتي ل مێردينێ هێته ئهنجامدان ژبۆ خهلاتكرنا مهلا مستهفا بارزاني سهرۆكێ ئاشتيخواز و ئازديێ ل ههموو جيهانێ.
ههر لدۆر مهرهما پێشكێشكرنا ئهڤي خهلاتي مورادي گۆت: ئهم ههموو دهيندارێن مهلا مستهفا بارزانينه و ئهڤ خهلاته دياركرنا ئهو رۆناهي و ئاشتييا د دلێ مهلا مستهفايدا بۆ ههموو جيهانێ ددهته دياركرن. خوياژيكر كو د دێ كۆنفرانسيدا دهنه دياركرن كو مهلا مستهفا بارزاني نه بتنێ كورده، بهلكو نموونهيا ئاشتيێيه بۆ ههموو ئهو وهلاتێن ئاشتيێ دخوازن و ئهو سهرۆكێ ههموويانه و د ههموو ژيانا خوهدا شۆرهش و خهبات بۆ ئاشتي و جيهانێ يا كري، لهوما دێ هێته خهلاتكرن.
دياركر ژي: د كۆنفرانسيدا دێ دكيۆمێنتهك لدۆر ژيان و خهباتا بارزاني هێته پێشكێشكرن و ئهو ههموو زانكۆيێن پشكدار ههر ئێك دێ بلۆكهكي ژ وهلاتێ خوه ئينيت و بهرهكێ مهزن و بناڤێ مهلا مستهفا بارزاني ل ههولێرا پايتهخت هێته دانان. |
|
|
|
|
|
|
