| |
|
|
| 2012-07-26
|
|
ئهندامێ سهركردايهتييا پارتا ئێكهتى ل رۆژئاڤايێ كوردستانێ حهسهن سالح بۆ وار : ليژنهيهك بلند يا 10 كهسى ل رۆژئاڤايێ كوردستانێ هاتييه پێكئانين |
 وار: زێرهڤان دۆسكى
پشتى ئازادبوونا پڕانييا باژار و دهڤهرێن رۆژئاڤايێ كوردستانێ ژ هێزێن رژێما بهعس، نێرين و شۆپاندن بهر ب وێ يه كێڤه دچن كا هێزێن كوردى يێن رۆژئاڤا كو ژ چهندين پارتێن سياسى پێكهاتنه د چوارچووڤهيا جڤاتا گهل و ئهنجومهنێ نيشتيمانى يێ كوردى ده ، دێ چاوا بكارن يهكڕزييا خوه بپارێزن بۆ پاراستنا دهستكهڤتێن كوردێن رۆژئاڤايێ كوردستانێ و رزگاركرنا دهڤهرێن ماين ژى؟.
دڤێ چوارچووڤێ ده و دبهرسڤاندنا پرسهكه رۆژنامهيا وار ده كا وێ رهوشا رۆژئاڤايێ كوردستانێ ئارام بمينه يان مهترسييا ئالوزبوونا وێ ههيه؟ حهسهن سالح ئهندامێ سهركرداتييا پارتا يهكيتى ل رۆژئاڤايێ كوردستانێ بۆ رۆژنامهيا وار دا زانين: هنهك ناكۆكى و نهخوهشى ههبوون لێ پشتى بهيانا لههڤگههشتنێ يا دنێڤبهرا ئهنجومهنێ نيشتيمانيێ كوردى و جڤاتا گهل يا رۆژئاڤايێ كوردستانێ يا ههولێرێ، وێ هيڤيێ دده چێكرن كو ئاليێن كوردى ب يهكڕێزى تهڤبگهرن، و پڕاتيك ژى ڤێ يهكێ دده نيشادان، كو ژ ههر دو جڤاتان نها كوميتهيهكه بلند هاتييه پێكئانين 5 ئهندامێن وێ ژ جڤاتا گهل و 5 ئهندام ژ ئهنجومهنێ نيشتيمانينه و د رۆژێن پێش ده دێ ل ههموو دهڤهران ليژنهيێن ههڤپشك وهرن دانين و ئيدارهيا رهوشێ بكن.
دهربارهى پلان و بزاڤێن تركيێ بۆ ئالۆزكرنا رهوشا رۆژئاڤايێ كوردستانێ ژى ئهندامێ سهركرداتييا پارتا ئێكهتى گۆت: پشتى كو هێزێن پارتا ئێكهتييا ديمۆكراتى (پهيهدێ) گهلهك دهڤهر خستن ژێر كۆنترۆلا خوه، دهولهتا ترك ترسيايه و هێزێن خوه ل سهر سينور ل (نسێبين) ا مێردينێ كۆمكرنه. لێ ئهگهر كارێ ههڤپشك دنێڤبهرا مه دا ههبيت ئهم دكارن ل همبهرى مهترسييان راوهستن. هينا مهترسييا رژێمێ ههيه ئيرۆ ژى ل گوندهكێ عهرهب و كوردان 60 كيلومهتران ل ر ۆژهلاتێ قاميشلو، شهڕ دناڤا گوند ده چێبوويه و نێزيكى 11 كهسان هاتنه كۆشتن. رژێم دخوازه كورد و ئهرهبان بينه بهرانبهر ئێك ژبۆ ڤێ يهكێ ژى دڤێت ئهم دناڤا گهلێ خوه دا بن رێ نه دن ڤان بزاڤان.
|
|
|
|
|
|
|
