| |
|
|
| 2012-07-26
|
|
عهزيز سهبۆك: ئهز گهلهك كهيفخوهشم دهما ل وهلاتێن بياني گوهدارييا سترانا كوردي دكهم |
 ديدار: نهشـــوان گــوههرزي
عهزيز سهبۆك گهنجهكێ كورده، ژ باكوورێ كوردستانێ يه، ل باژێڕێ دياربهكر ژدايكبوويه، ژ ئهگهرێ ڤيانا وي بۆ سترانگۆتنێ ل ژييێ زاڕۆييێ ئهڤ ئارهزوويه ل دهف دياربوويه، ل گهلهك ئاههنگ و سهر سالاندا ل گهلهك بيرهوهري يێن تايبهت و بيرهوهرييێن نهورۆزێ ستران گۆتينه و شيايه ب دهنگێ خوه يێ زهلال بگههيته ئاستهكێ باش، هيڤييا وي ئهوه بگههيته بلندترين ئاست د وارێ هونهري دا تايبهت سترانگۆتنێ و زمانێ خوه بۆ ههمي جيهانێ بدهته نياسين, ناڤبري گهلهك حهز ژ زمانێ خوه يێ كوردي دكهت، تايبهت بۆ گۆتنا سترانێ، گهلهك داخباري سترانبێژێن كورده و دبێژيت "ئهز ههمي دهما و ل ههر جهێ بيت، ئهز گوهدارييا سترانا كوردي دكهم و ل ههر جههكێ بيت ئهز دبێژم ژي"
ل بهراهييا ئهڤێ ديدارێ عهزيزى بۆ رۆژنامهيا وار گۆت" من ل باژێڕێ ستهنبۆلێ بهرنامهيهكێ هونهري ههيه ل ئێك ژ كهنالێن تركي ب تايبهته بۆ سترانا كوردي و زۆر پێ خوهشم" ناڤبري ئهوژي نه ڤهشارت كو هاتنا وي بۆ بهرنامهيێ رێكا ستێران گهلهك مفا گههاندێ ههر ژ نياسينا گهلهك هونهرمهندێن باژێڕێ دهۆكێ و تێكلييا هونهرا ڤێدهرێ و گۆت ژي" قۆناغهكا نوو بوو بۆ من، پتر من خوه دناڤ هونهري دا ديت و بۆ من پتر وێرهكي دروست بوو ژبۆ گۆتنا سترانێ دناڤ ئاههنگان دا و بۆ ههلبژارتنا سترانان و نوكه ژي ئهز مژوولم بئامادهكرنا چهند سترانهكان ب هاريكارييا چهند ههڤالێن من يێن مۆزيكژهنێن ترك دێ ڤان سترانا تۆماركهم" ديسا گۆت" ئهز گهلهك كهيفخوهشم دهما ئهز گوهدارييا سترانا كوردي دكهم ل وهلاتێن بياني و هيڤييا منه ئهز ژي ب دهنگێ خوه سترانا كوردي بۆ خهلكێ بياني بدهمه نياسين. |
|
|
|
|
|
|
