| |
|
|
| 2012-07-24
|
|
10 هزار فهرمانبهر و پێشمهرگه ل ڤێ دهڤهرێ ل هيڤييا وهرگرتنا ئهردێن خوهنه |
 راپۆرت: بورهان يهحيا
ههتا 10 هزار ناڤێن فهرمانبهر و پێشمهرگهيان بۆ وهرگرتنا ئهردى ل باژێڕڤانييا فهيديێنه، لێ ئهڤه سێ سالن ئهرد ل وێرێ نههاتييه بهلاڤكرن، چونكو ئهرد بۆ بهلاڤكرنێ نينن، لهوا خهلكێ ناڤێ وان دهركهڤتين گازندهيا ژ ڤێ گيرۆبوونێ دكهن. ل دۆر ڤێ كێشهيێ مه وهكو رۆژنامهيا وار بۆچوونێن چهند كهسێن پهيوهنديدار بۆ پتر رۆهنكرن و ئازراندنا بابهتى وهرگرتينه.
پێشمهرگهيهكێ ئيلۆنێ كو ناڤێ وى بۆ وهرگرتنا پارچه ئهردى بۆ ناحيا فهيديێ چوويه، نهڤيا ناڤێ خوه ديار بكهت، بۆ وار دبێژيت: “چهندين ههڤالێن مه يێن پێشمهرگههـ پارچه ئهردێن خوه ئهڤه نێزيكى سالهكێيه ل دهۆكێ وهگرتن، لێ ناڤێ هندهك ژ مه بۆ ناحيا فهيديێ چووينه و ههتا نوكه كو ژ سالهكێ بوورينه ژى هێشتا چ سوحبهتێ دانا ئهردى بۆ مه نينه، ههرچهنده مالا من دكهڤيته تاخێ مالتايێ ل دهۆكێ ژى. لهوا داخواز دكهين زووترين دهم پارێێزگهها دهۆكێ چارهيهكێ بۆ كێشهيا مه ل فهيديێ ببينيت، يان ل جههكێ ديي باشتر ئهردى بدهنه مه.”
رێڤهبهرێ ناحيا فهيديێ (قادر ياسين) ل دۆر هژمارا ناڤێن بۆ وهرگرتنا ئهردى هاتينه دهڤهرا وان كو هێشتا وهرنهگرتينه، بۆ وار دبێژيت: “بريارا دانا پارچه ئهردان بۆ فهرمانبهر و پێشمهرگهيان و چينێن دى ل ناحيا فهيديێ دهركهڤتييه كو دبنه نێزيكى 10 هزار كهسان كو ناڤێن وان هاتينه باژێڕڤانييا فهيديێ، و ئهڤه ماوهيێ سێ سالانه ئهرد ل فهيديێ نههاتييه بهلاڤكرن، ئهگهر ژى بۆ هندێ دزڤرن كو ل ڤێ دهڤهرێ ئهردێ بهرههڤ بۆ بهلاڤكرنێ نينه، ب تنێ 1200 ئهرد نهبن كو ئهوژى بڕيارا دهمێ بهلاڤكرنا وان ديار نينه و ئهڤه د دهستێ ليژنهيا بهلاڤكرنا ئهردييه ل پارێزگههێ، لێ ناڤهشێرم كو ئهڤ بڕياره ژى گيرۆ بوو.”
ل دۆر كێشهيێن نهبوونا پارچه ئهردان بۆ بهلاڤكرنێ ل سهر ڤان فهرمانبهر و پێشمهرگهيان ژى قادر ئهڤ گۆتنه ههبوو: “ئێك ژ كێشهيێن مه ئهوه كو وهزارهتا چاندنێ رازى نابيت ل گوندێ بازهلانێ ئهردێ چاندنێ ببيته پارچه ئهرد بۆ فهرمانبهران، و ئهم يێ دووڤچوونێ ل سهر ڤى بابهتى دكهين لێ هێشتا نهگههشتينه چ ئهنجامان، كێشهيا دى ئهوه كو گرێبهستا خهلكێ گوندى ل دووڤ ئهردێ چاندنێيه و ل دووڤ رێنمايان قهرهبووكرنا وان 3% يه لێ وان داخوازا پترێ كرينه، ديسان پشكهكا دهڤهرا گرێ پانێ ژى گونجاييه بۆ بهلاڤركنا ئهردى، لێ ل وێرێ ژى دو كێشه ههنه ژ وان ب 3% رازى نابن و ديسان ئهو رازى نابن كو پسمام ل دهڤهرێن وان ئاكنجى ببن چونكو دبينن دابونهريتێن وان وهكو ئێك نينن، و ئهم پێشبينى دكهين كو ب ئاسانى ئهڤ كێشه چارهسهر نابن.”
ههر ديسان رێڤهبهرێ كارگێريێ ل دهزگايێ ئيلۆنێ تايێ دهۆكێ (ئيبراهيم ئحسان) ل گۆر كێشهيێن پێشمهرگهيێن ئيلۆنێ بۆ وهرگرتنا پارچه ئهردان بۆ وار ئهڤ گۆتنه ههبوو: “د 12 سالێن دامهزراندنا دهزگايێ ئيلۆنێ دا گهلهك جاران مه داخواز كرييه كو پارچه ئهرد بۆ پێشمهرگهيێن مه دابين بكهن، لێ ههر جار ژ لايێ پارێزگهها دهۆكێ ڤه دهاته رهدكرن، ب تنێ جارهكێ رازيبوون بۆ سهر بهلاڤكرنا 600 پارچه ئهردان ل سهر هژمارهكا پێشمهرگهيێن ئيلۆنێ هاته وهرگرتن، و چونكو باژێڕڤانييا دهۆكێ ئهرد بۆ بهلاڤكرنێ ههبوونه هژمارهكا پێشمهرگهيان ئهرد وهرگرتن، لێ هندهكێن دى ناڤێن وان بۆ ناحيا فهيديێ چوون و ل وێرێ كێشهيا نهبوونا ئهردى ههيه، لهوا ههتا نوكه ژى چ ژ وان پێشمهرگهيان ئهرد ل وێرێ وهرنهگرتينه. ناڤبرى دياركر كو ل ڤان نێزيكان دێ ليستهيهكا دى يا ناڤان بۆ وهرگرتنا پارچه ئهردان دێ بۆ پاريزگههێ هنێرين.”
ل گۆر بزاڤێن وان بۆ چارهكرنا ڤان كێشهيان ژى رێڤهبهرێ ناحيا فهيديێ ئهڤ گۆتنه ههبوو: “ل دۆر كێشهيا مه دگهل وهزارهتا چاندنێ و بڕيارا ئهردێن چاندنێ، ئهم بهردهوامين ل سهر بزاڤێن خوه، لێ ل دۆر كێشهيا 3% بۆ قهرهبووكرنێ كو خهلكى داخوازێ پترێ كرينه، نوكه چ بزاڤ بۆ چارهسهريێ نينن.”
|
|
|
|
|
|
|
