| |
|
|
| 2012-07-22
|
|
دهما ژڤانهكي ددهي و تو ب خوه نهچي!؟ |
 راپۆرت: بێوار سپينداري
ژڤان ئێك ژگرنگترين تشتانه مرۆڤ پێ بهێت نياسين كائهڤ كهسه د ژيانێ دا چاوانه بو ئاخفتنێت خوه، لێ ژڤان دهێت بو وێ يهكێ كا مرۆڤ چبكهت دهما كهسهكێ ئاگههدار دكهت بۆ ژڤانهكێ كا ئهو ژڤان چبيت و د ڤێ ژڤانێ دا تو ب خوه ئامادهنهبي دێ ههستا ته چ بيت، ل گهلهك جهان بهحس لسهر ژڤانێ دهێت كرن ئايا ئهو كهسێ ژڤانێ ددهت ههست و دهروونێ وي يێ چاوانه؟ ئايا كهساتيا ڤي كهسي چاوانه بهرامبهري ڤێ چهندێ؟ د ڤێ راپۆرتێ دا چهندين بۆچوونێن جودا هاتينه دياركرن.
ل دهستپێكێ وهلاتييهك سالح حهكيم گۆت: ئێك ژ رێيێن ههرهگرنگ بۆ سهركهڤتنێ راستگۆيا مرۆڤييه د ههموو بياڤێن ژيانێ دا دهستپێكێ بۆ خوه پاشي بۆ خهلكهكي ژي بهێته ئاراستهكرن، نابيت مرۆڤ خهمساريێ د ژڤان و سوزان دا بكهت، بهلكو دڤێت ههردهم رژدبيت لسهر راستگۆيێ و پێگێريێ ب ژڤانێن خوه بكهت، ديسان دێ بيني گهلهك جاران كهسهكي ژڤانهك دا كهسهكي لێ لدووڤ ژڤانێ خوهيێ دياركري نهچوو يان دێ بههانهيان گريت وهكو پا ئهز نهگههشتم، گۆتنهك ههيه دبێژيت ئهگهر ته ژڤانهك دا كهسهكي بهري ژڤاني خوه ئامادهكه، لهو پێدڤي ناكهت داخوازا لێبۆرينێ ژێ بخوازي لێ ئهگهر پشتي ژڤانێ دياركري چووي هينگێ لسهر ته پێدڤيه داخوازا لێبۆرينێ ژێ بكهي ئهگهر بهێن تهماشهي وان كهسان بكهين ئهڤێن بڤي رهنگي سهرهدهريێ دگهل خهلكي دكهت گرنگيێ ب ژڤانا نادهت كا ئايا بهايێ وان چيه دجڤاكي دا يان ب ئێكجاري كهساتيا خوه هنداكريه.
گهنجهك ب ناڤێ ههوار عهبدلكهريم ژي لدۆر گرنگييا ژڤانان گۆت: ههبوونا ژڤاني و دياركرنا جهي د ژڤانێ دا رامان ئهوه كو راستگۆيا وي كهسي دياردكهت ڤێ د ژيانێ دا، لێ ئهگهر ئهز ب خوه ئامادهنهبم ل ژڤانێ خوه ئهڤه خهمساريه من كري همبهري وي ههڤالێ من ژڤان دايێ، ديسان ئاخڤتن و كريارێت مرۆڤ دكهت و سوزێ بدهته كهسهكێ ئهوژي ژڤانه لێ مرۆڤ ئاخڤتن و كريارێت خوه بجهنهئينێت، ئهڤهژي شكاندنا ژڤانيه، لێ مرۆڤ ژڤانێ خوه بجهنهئينيت ئهڤه رامانا هندێ ددهت كو مرۆڤ دژيانێ دا يێ راستگۆبيت دا ژينهكا خوهش و بهختهوهر ببهتهسهر.
كچهك ب ناڤێ دێژين عهبدولا گۆت: نهخۆشترين تشت دژيانێ دا ئهوه كو كهسهك ژڤانهكێ بدهت و بێي سهدهم لدووڤ نهچيت، ئهڤجا تشت ژڤێ شهرمتر نينه و ئێدي مرۆڤ باوهر ژڤي كهسي ناكهت، نهخاسمه دهما هندهك مێهڤان تهلهفۆنێ دكهن و دبێژن ئهم دێ هێينه جهم ههوه؛ مرۆڤ گهلهك دشهپليت و خوه ئامادهدكهت و ناهێن ئهڤه خهمساريه د راستا وێ مالێ دا كر، ئهگهر ئهز ب خوه ژڤانێ بدهم و نهچم؛ ئهز بمرم خۆشتره، ئهو كهسێ من ژڤان دايێ دڤێت ئهز داخوازا لێبوريێ ژێ بكهم يان بهري ژڤانێ خوه پهيوهنديهكێ پێبكهم.
گهنجهك ب ناڤێ محهمهد بهشير دبێژيت: دهما ژڤانێ كهسهكي سهرڤهدچيت و ئامادهنهبيت ئهز گهلهك تۆرهدبم چونكو مرۆڤي ههموو كارێن خوه بجهـ هێلاينه و لسهر خاترا ژڤانێ وي ئهو ئامادهنهبيت ئهڤه وي خوه شكاند و ئێدي مرۆڤ باوهريێ پێ نائێنێت، لهو دڤێت مرۆڤ ژڤانێ خوه نهشكێنيت.
ئهندازيار حهميد عهبدولخالق كو فهرمانبهرێ ميري يه سهبارهت ژڤانان گۆت: نابيت ب هيچ رهنگهكێ مرۆڤ خوه دووربكهت لسهر ژڤانێ خوه و نابيت گيرۆكرن د ژڤانێ مرۆڤي دا ههبيت، ههلبهت ئهگهر ئهز ژڤانهكێ بدهم و نهچم دبيت وهسا د ژيانا من دا پهيدانهببيت، لێ ئهگهر چێبوو ئهز دێ گهلهك ژ خوه تۆرهبم و دێ لێبۆرينهكا ئێكجار مهزن ژ وي كهسێ بهرامبهر خوه كهم لسهر وێ ژڤانێ، و نابيت مرۆڤ خوه خهممسار بكهت د ژڤانێن خوه دا لسهر ههر كارهكي، چونكو شكادندنا ژڤاني دبيته ئهگهرێ هندێ كو ئێدي كهسێ باوهري ب مرۆڤي نههێت، لهو هيڤيدارم ژ وي كهسێ ژڤانێ ددهت يێ رژدبيت لسهر ژڤانێ خوه دا ببيته جهێ باوهريا ههر كهسهكێ.
|
|
|
|
|
|
|
