| |
|
|
| 2012-07-18
|
|
ل دهۆکێ: کێشانا رهههكێ ژ مهژي بۆ دلي زارۆيهکي ژ مرنێ قورتال دکهت |
 راكێشانا رههكێ ژناڤ ژورێن مهژي دا و بنهجهكرنا وێ دناڤ دهمارهكا ستۆيدا كو ب دهمارا ستۆي يا سهرهكي ڤه دهێته گرێدان و پاشي دچيته دلي؛ ئهو نشتهرگهرييه يا كو ب سهركهفتيانه بداوي هاتي كو ژبۆ زاروكهكێ چوار سالي هاته ئهنجامدان يێ کو توشي نهخوهشيا كومبوونا ئاڤێ ببو د مهژي دا، نێزيكي شهش جاران نشتهرگهري ژبۆ هاتبوو كرن كو رههك ژ مهژي ژبۆ زكێ زارۆكي هاتبوو كێشان لێ ههمي جاران د بێ مفا بوون و د بوو ئهگهرێ کومبوونا ئاڤێ د زکي دا.
دهوك –نزار چێي
نۆشدار "رێبهر سندي" بسپورێ نشتهرگهريێن كوما دهماران و مێشكي و بڕبرهيا پشتێ ژبۆ وار گوتي: زارۆيهكێ چوارسالي كو توشي نهخوشيا كومبوونا ئاڤێ ببوو د مهژي دا ژبهر چهندين ئهگهران مينا کهشهفرێتێن زکماکي, كوڵبوونا مهژي و سهحايان، رشتنا خوونێ د ناڤ مهژيدا, پهنچهشێرا مهژي...هتد، شيان ل نهخوهشخانهيا تهنگاڤيان ل دهوكێ ڤێ ئاريشهيێ ب ئێكجاري چارهسهر بكهن ب شێوهيهكي كو ڤي زارۆكي ئيدي پێدڤي ب چ نشتهرگهريهكا دي نهبيت ئهو ژي ب كێشانا رههك ژ ناڤ ژورێن مهژي و دبن چهرمێ سهري ڤه تا ستۆي پاشي دناڤ ستۆيدا ئهڤ بۆريه دناڤ دهمارهکا ستۆيدا كو دچيته دهمارا ستۆي يا سهرهکي و ژ وێرێ بهرهف دلي ڤه دچيت.
نۆشدار سندي زێدهتر ديارکر: چهند نشتهرگهريهك ژبۆ هاتبوونه كرن كو رههك ژ مهژي بۆ زكێ زارۆي هاتبوو برن لێ ههمي جاران ئهڤ زارۆكه توشي کومبوونا ئاڤێ د زکيدا دبوو و چ مفا نهبوون، نۆشدار نهچاربوو كو ڤێ رهێ بينيته دهر و جارهكا دي ئاڤ د مهژي دا كومبوو و د بوو ئهگهرێ مهترسييێ ل سهر ژيانا ڤي زارۆکي. زارۆك توشي فشارهكا گران ل سهر مهژي و سهنتهرێ دلي و ههناسهيێ بوو كو ببوو ئهگهرێ تێکچوونا هوشيارييا وي، و دهليڤهيا مرنێ لجهم زارۆي پهيداببوو.
ئهڤێ نشتهرگهريێ دو ساتان ڤهكێشا، و ئهڤ نشتهرگهرييه ب ئاميرێ تيشكێ fluoroscope فلوروسكوپي دهێتهكرن لێ ئهڤ ئاميره ل نهخوشخانهيا مه ژ كاركهتيه، لهوما ئهم نهچاربووين كو بێي وي ئاميرهي نشتهرگهريێ بكهين.
ئهڤ نشتهرگهرييه يا سهرکهفتي بوو و نهخوهش ڤهگهرييا ژيانهکا نۆرمال بێي کو چ مهترسي لسهر ژيانا وي پهيداببيت. .
|
|
|
|
|
|
|
