| |
|
|
| 2012-07-18
|
|
كهمينه د مهترسيێدانه و پتري ژى پۆشمانه لێ پشتي ههمي تشت ب دووماهي دهێن |
 فهوزي ئهترووشي
بهري چهند رۆژهكان من دهرهێنهرا فيلمێ (كهمينه د مهترسيێدانه) خاتوون ئامينا زهههبي ديت، ئهوا كو كار دكهت دگهل (موئهسهسه مهسارات) يا تايبهتمهند ب بلندكرنا رهوشهنبيرييا ئيراقي ب گيانهكێ ههمهرهنگي و جوراوجوري بۆ پاراستنا رهوشهنبيري و ماييێ كو پێكئينايي زهنگينييا ههموو رهوشهنبيرييا ئيراقي، ل وي دهمێ كو رهوشهنبيرييا جورهكي ب تنێ، جورهكێ دي ژناڤ دبهت كو دبيته ژناڤبرنا رهنگاورهنگييا رهوشهنبيريێ و جڤاكێ ئيراقي. فيلمێ (كهمينه د مهترسيێدانه) ب بهلگه دهردهسهريێن مهسيحييان ل ئيراقێ لسهر دهستێن تيرۆرا كوره ديار دكهت، ههروهسا نامهيهكا دي يا كوور رامان دگههينيت كو ژناڤبرنا ههر پێكهاتهيهكێ ئيراقي دێ وهكو سێدارهدانا پارچهيهكا كهڤنار و هێژا ل كيانێ جڤاكي كو هاتييه گوهۆرين بهرهڤ پهيكهوتوويێ و ههلگرێ نهخۆشييهكا دۆمدرێژ بةت، ههر وهكو وي مرۆڤێ پارچهيهكا خوه ژدهست ددهت و دبيته كهسهكێ بێي بهرههم.
جڤاكێ ئێك رهنگي زۆر پرێن پهيوهنديێن مرۆڤايهتي و لههڤهاتنا شارستاني دگهل يێن ديتر ژ دهستددهت، چنكو ئهو ب زمانهكي ب تنێ د ئاخڤيت و رێكهكا ب تنێ بۆ كاركرنێ ههيه، ل وي دهمێ كو جڤاكێ ههمهجور و تهژي زمان و رێ دبيته ئهگهرێ خوهگونجاندنێ دگهل يێن ديتر، چنكو ئهو يێ تهژي بهرههم و ههمهجورييا رهوشهنبيرييه، ئهو ژههڤ دووركهڤتنا جڤاكێ پتريدا كو كهمينهيان ژناڤ دبهن پۆشمان دبن، بهلێ پشتي كو پۆشماني بێي مفادبيت.
راستيێن ديرۆكي دبێژن؛ دهمێ شاهـ (فهيسهلێ ئێكێ) هاتييه ئيراقێ كو دامهزرێنهرێ دهولهتا ئيراقێ يا سڤيل بوويه، 20% ژ وهلاتييان جهوو يێن ئيراقي بووينه ئهوێن كو ئهڤ وهلاته بجهـ هێلايي كو ژمارهيهكا زۆر ژ وانا رهوشهنبير و وهزير و هۆنهرمهند و داهێنهر و خۆدان شيانێن ئابووري بووينه كو بهێز و كاريگهر هاريكارييا ئاڤاكرنا ئيراقێ كربوون، بهلێ پا ئهڤرۆ ئهو وهسان كێم بووينه كو ب تبلێن ئێك دهست دهێته هژمارتن، ل دووماهيێ ژي ئهرشيفێ وان ژي هاته ڤهگۆهاستن بۆ ئهمريكا و تاكو نهۆ ئهم يێ دانوستاندنێ دكهين بۆ ڤهگهراندنا وي كو دووماهي شوونوارێن ڤي پێكهاتهيێ ئيراقييه د ناڤا دهستێن مه دا.
هندي كو صائيبه يێن مهندائي نه، پترييا وان ژ جهێن خوه يێن رهسهن باركرينه بهرهڤ وهلاتێن ئهورۆپي، نهخاسمه ل سوێد و ئهمريكايێ خوهجهـ بووينه، ههروهسا هندهكان ژ وان باشۆر و بهغدا بجهـ هێلايه و بهرهڤ كوردستانێ چووينه كو ل ههولێرێ (بنگههێ رهوشهنبيرييا مهندائي) دامهزراندييه، ئانكو ل ههموو ئيراقێ كێمتر ژ (5000) هزار كهسان ژ ڤي پێكهاتهيێ زۆر رهسهن ماينه.
هندي كو سوحبهت لدۆر كريارێن تيرۆريستي و تاوانباري دژي كهنيسه و بنگههێن مهسيحييان و وێ گونههبارييا دژي كهنيسهيا (سهيده ئهلنهجات)، ئهوچهند يا نهفرهت لێكرييه و مهزنييا دهردهسهريێن ڤي پێكهاتهيێ كو پێدڤييه ههوهكا بهرگريكرنا سهرانسهري ژ وان ههبيت داكو رۆل و ههبوونا وان ل ئيراقێ كاريگهر ببيت. جارهكا دي ئهم خوه دبينين پۆشمان و ههموو باشيێن وان ئهوێن وهلاتي بجهـ دهێلن و برين و دهردهسهريێن وان دگهل وانن كو چو جاران ساخ نابن و ناگههنه ئێك، ئيلا كو قۆناغا پۆشماني و گريێ نهبۆرينين و بگههينه قۆناغا هاريكارييا سهرانسهري دگهل وان بۆ پاراستن و ب خۆدانكرنا وان و گرهنتيكرنا ئاراميێ و بههڤڕا ژييانێ بۆ وانا.
هندي كو مللهتێ كورده، دهردهسهريێن وي لسهر دهستێن رژێما دكتاۆرييا بۆري بووينه بيرئانينێن مرۆڤايهتي و دديارن بۆ چاڤان، چنكو رژێما بۆري بزاڤا ژناڤبرنا وي دابوو كو د ههبوونێدا نهمينيت و بكهته بيرهاتنهك يان چهند رێزكهك د پرتووكا ديرۆكێدا و پارچهيهك ژ ئهرشيفى. (4500) گوند دگهل ئهردي راستكرن، (5000) كهس ل ههلهبجه ب چهكێ كێميايي كوشتن كو تاوانهكا بێي وێنه بوو د ديرۆكێدا، (180) هزار كهس د پرۆسێسهكا ناڤكري (ئهنفال)ـدا بهرزهكرن، ب كورتي؛ رژێما بۆري ب كريار و رهوشتێ خوه بزاڤدكر بۆ ژناڤبرنا بهر و مرۆڤ و شينكاتي و ئهردي ل كوردستانێ، ئهڤه ههموو بۆ ئارمانجهكا چوجار بجهـ نههێت كو ئيراقهكا ب تنێ بۆ نهتهوهيهكێ ب تنێ، زمانهكێ ب تنێ، حزبهكا ب تنێ كو ئهڤه ژ ئهفسانهيێن ديرۆكا مرۆڤه، ئهڤ ئارمانجا پيس بجهـ نههات، چنكو خواست و رژدييا مللهتێ كوردستاني ئازا بوويه وهكو چيايان، ئهگهر ڤيانا خودێ و ڤي گهلي و ههوا پشتهڤانييا نيڤدهولهتي نهبايه، دا نهۆ د بارۆدۆخهكێ زۆر نهباشدا بۆريت.
ل دووماهيێ دێ بێژم؛ لسهر مه پێدڤييه ئهم ههموو پێكهاتهيێن ئيراقێ ب پارێزين بۆ دهولهمهندييا ههمهجوريێ، ياكو جوانترين وێنهيێ ههبوونێ ژ ئيراقا رهسهن نيشانددهت.
|
|
|
|
|
|
|
