| |
|
|
| 2012-07-10
|
|
ئۆباما بۆ سهرۆك بارزاني پێكڤه كاري بۆ دابينكرنا پاشهڕۆژهكا گهش دكهين |
سهرۆكێ ئهمريكايێ باراك ئۆباما د نامهيهكا ئاراستهكريدا بۆ سهرۆكێ ههرێما كوردستانێ مهسعوود بارزاني، تهئكيد ل وێ چهندێ كرييه كو لێكتێگههشتنا ناڤبهرا ههردوئالييان،بهردهوام جهێ گرنگيدانێ يه لجهم وان و ئهو دێ پێكڤه كاري بۆ دابينكرنا پاشهرۆژهكا گهش بۆ ههمووان كهن.
سهرۆك بارزاني دوهي پێشوازي ل پۆل سهتفن كونسولێ تازه يێ ئهمريكايێ ل ههرێمێ كر، د ههڤديتنهكێدا سهتفين زێدهباري دياركرناشادبوونا خۆ ب دهستبكاربوونێ وهكو نوونهرێ ئهمريكايێ ل ههرێمێ،وي راگههاند، شهرهفهكا مهزنه ئهو ل كوردستانێ بيت و ئهوي ئاگههيێن باش لسهر ديرۆكا كوردستانێ ههنه و دزانيت گهلێ كورد چهند قورباني ژبۆ ب دهستخستنا مافان داينه.
كونسولێ گشتيێ ئهمريكا تهكهزي ل وێ چهندێ كر كو ئهو دێ بزاڤێ كهن ئهمريكايێ ههبوونهكا بهرچاڤ ل ههرێما كوردستانێ ههبيت، ههروهسا ئهو ب خۆ ژى ببيته كهنالهكێ راستهوخۆ يێ ڤهگوهاستنا كهتوارێ ئهڤرۆيا كوردستانێ و پێدانا گرنگييهكا زێدهتر ب ههرێمێ، ههڤدهم ئهوا ل كوردستانێ ههيي بهر ب پێشتر ببهت، سهبارهت ب ئيراقێ ژى سهتفين ئاماژهكر كو وهلاتێ وي دگهل ئيراقهكا فيدرال و ديمۆكرات داييه.
سهرۆك بارزاني پيرۆزباهي ل دهستبكاربوونا سهتفي وهكو كونسلێ تازه يێ ئهمريكا ل ههرێمێ كر و هيڤي سهركهفتنێ دوي پۆستهيي دا بۆ خواست، ههروهسا بهرههڤييا خۆ بۆ ههڤكاري و هاريكارييا بهردهوام ل پێناڤێ سهرخستنا كارێن وي و زێدهتر بهێزكرنا پهيوهنديێن ناڤبهرا ههردوئالييان.
سهرۆك بارزاني ههروهسا راگههاند، ههبوونا كونسلخانهيا گشتييا ئهمريكا ل ههرێما كوردستانێ جهێ ئومێد بهخشي و دلنيابوونا خهلكێ كوردستانێ يه.
ژ ئالييهكێ دنڤه كونسلێ گشتييێ ئهمريكا نامهيهكا سهرۆك ئۆباما ب سهرۆك بارزاني گههاند، تێدا ئۆباما تهئكێد ل پێكڤه كاركرنێ بۆ دابينكرنا پاشهرۆژهكا گهش بۆ ههمووان كريه، ههروهسا دياركرييه كو لێكتێگههشتنا ناڤبهرا ههردو ئالييان جهێ گرنگيدانا وهلاتێ وييه.
|
|
|
|
|
|
|
