| |
|
|
| 2012-07-09
|
|
لاڤارۆف: رژێما ئهسهدي يا بهرهڤ ههڕفينێ دچيت |
 ئا: گۆڤهند
دڤان رۆژێن بوري دا وب تايبهتي پشتي ئهنجام دايينا كۆنگهريێ دۆستێن گهلێ سووريێ چهند پێشهاتێن نوو دهركهتنه هۆلێ ئهوژي ههلويستێ واشنتۆن و لندن و پاريس يێ توند كو لبهرن پرۆژه بريارهكي پێشكێشكێ جڤاتا ئاساييشا نێڤدهولهتي بكهن لدۆر نهخشێ ئهنان ب تايبهت لژێر خالا حهفتێ يا نهتهوهيێن ئێكگرتي دا كو گڤاشتن لسهر رژێما سووري دژوارلێبهێن، ههروهسان ئاشكهراكرنا سهرۆك وهزيرێن قهتهرێ ژ شاندێ جڤاتا نشتماني يا سووري ژ مهساژهكا مۆسكۆيێ ره كو وهزيرێ دهرڤه يێ رۆسيايێ تهكهزكريه كو رژێما بهشار ئهلئهسهد بهرهڤ روخاندنێ دچێ لێ ئهم نابنه ههڤكار د ئهگهرێ كهتنه ويدا.
ههر دڤي ئالي ده ولدووڤ ژێدهرێن بلند يێن ئۆپۆزسيۆنا سووريايێ دانه زانين كو وهزيرێن دهرڤه يێن وهلاتێن كهنداڤێ دكۆمبوونا خوه يا دوماهيكێ دگهل ئاليێن ئۆپۆزسيۆنێ تهكهزكرينه ئهگهر ڤێ جارێ رۆسيا مافێ ڤيتۆيێ لدژي بريارێن جڤاتا نێڤدهولهتي لدۆر رهوشا سووريايێ ده بكاربينت، وێ دهمێ تهڤهگهرهكا جودا دهرڤهيي جڤاتا ئاساييشا نێڤدهولهتێ دهێـته ئهنجامدان ب ئارمانجا مايتێكرن دناڤ رهوشا سووريايێ دا و لادانا رژێما بهشار ب هێزا لهشكري.
ژ ئالييهكي دنڤه وهزيرا دهرڤه يا ئهمهريكا هيلاري كلنتۆن د داخويانييهكێدا تهكهز كر كو ئهگهر توندوتيژي ل سووريێ نههێته راوهستاندن، وێ دهمێ رژێما بهشار ئهلئهسهد دێ ببيته ئارمانجا ئێريشهكا مهزن ژئاليێن جودا. ئهڤ داخوياني د دهمهكێ ده دهێت پشتي كو كوفي ئهنان بنكهفتنا پلانێ خوه د دهربارێ سووريايێ راگههاندێ هاته كرن.
وهزيرا دهرڤه يا ئهمهريكا د بهردهوامييا داخويانييا خوه يا دوهي د دهمێ سهرهدانا وهلاتێ ژاپۆنێ كري ئهوژي گۆت: بێ گۆمان هێزێن چهكدار يێن ئۆپۆزسيۆنا سووريايێ گهلهكي بهێزبوينه ژبهر ڤێ چهندێ پێدڤييه دهولهتا سووريێ خوه بۆ ئێريشهكا مهزن و بهرفرههـ خوه بهرههڤكهت كو ئهنجامێن وێ ده كارساتيبن و نهتنێ سووريايێ بهلكو وهلاتێن دهوروبهر ژي دێ كهڤنه بهر ڤێ كارساتێ. ههروهسان ئهوژي تهكهزكر كو دڤێ رژێما بهشار ئهلئهسهد باش بزانێ كو ئێدي رۆژێن وي د دهستههلاتداريێ ده كێم مانه.
ئهڤ داخويانييا بالكێش يا وهزيرا دهرڤه يا ئهمهريكا بو جهێ گۆمانا گهلهك ئاليێن رۆژنامهڤاني و يێن ڤهكۆلينێ، ئايا واتايا داخويانييا كلنتۆن لدۆر ئێريشي كا دێ ژئاليێ ئۆپۆزسيۆنا سووريايێ ڤه بيت، يان ژي ژئاليێ ههڤپهيمانيهكا نێڤدهولهتي ڤه ژ دهرڤهيێ جڤاتا نێڤدهولهتي بهێته ئهنجامدان.
|
|
|
|
|
|
|
