| |
|
|
| 2012-07-09
|
|
كولتۆرێ دووڤهلانكيێ ل ئيراقێ! |
 مافپهروهر
ئهحمهد عارف ئامێدى
پرۆسێسا ديمۆكراسى ل ئيراقا ئێكگرتى بهرامبهرى ئاستهنگێن ناڤخۆيى و دهرهكيێن دووڤهلانك و ب دووڤكهڤتيێن هندهك ژ پێكهاته و هێزێن سياسى ب رهشهنبيرييا ئيراقا نوو بوويه، ئهوا ئهڤ حوكمهته ب سندۆقێن ههلبژارتنێ ئينايى، ئهڤرۆ ب شێوهيهكێ گشتى ئيراق بهرامبهرى ئاستهنگ و رهههندێن ههمهجۆر دبيت، چنكو كێشه ئهڤرۆ نه بهس رێككهفتنێن سياسيێن بۆرينه كو ڤى لايهنى دگهل لايهنێ دى گرێداينه، يان ب تنێ بهرژهوهنديێن بدهستكهڤتينه كو ههڤدژن دگهل خواستێن سياسى، چنكو ب ديتنا پترييا مللهتى، وهسا هزر دكهت كو كێشه گهلهك ژ وێ كوورتره ئهوا نهۆ پێشچاڤ د حوكمهتا مالكيدا، چنكو ژيوارێ سياسى ههتا نهۆ يێ ژبهرك چوويه ژبهر بهانهيێن حوكمهتا نهۆ يا نهبابهتيانه، چنكو گۆتارا سياسييا نهۆ هێشتا يا سهرڤهسهرڤهيه، ژبهر كو ئهڤ حوكمهت ب تنێ ب چهند كهسهكێن نێزيكى مالكى كار دكهت كو ئهو ب تنێ بهلاڤكارێن هندهك درووشم و گۆتارێن فيرياينه كو لدووڤ كاودانان دهردكهن و بهرژهوهنديێن خوه لسهر بهرژهوهنديێن گشت مللهتى دئێخن كو مللهت نهۆ ژ دهردهسهرى و نههامهتێن ڤێ حوكمهتێ دناليت، ههروهسا مللهت ژ بهر پێدڤيێن رۆژانه و ههڕڤتنا باري ئاراميێ دناليت.
گۆمان تێدا نينه كو پرۆسێسا لێكڤهكرنێ چهندين بهربهستێن ههراڤتنێ تێدا ههنه.. ئهگهر ب شێوهيێ ديمۆكراسى و ئاڤاكهر نههێنه بكارئينان، چنكو ئاڤاكرنا حوكمهتێ لسهر شهنگستهيێ لێكڤهكرنا دهستههلات و دهستكهڤتييان و مفايان بێى كو بهرنامهيهكێ سياسى ههبيت، دێ ئيراقێ ههرێفيت و ڤهگهڕينيته چوارگۆشهيا ئێكێ، چنكو ئهوا ئهڤرۆ ئيراق تووش دبيتێ ژ كارتێكرنێن ناڤخۆيى و دهرهكى لسهر هندهك پێكهاته و حزبان بۆ مفايێ دهرڤه، ب تايبهتى ژى ئيرانێ كارتێكرنێن ديار لسهر پرۆسێسا سياسييا حوكمهتا نهۆ يا ئيراقێ ههنه، چنكو ئهڤ حوكمهته بۆ بهرژهوهندين دهرڤه و ئيرانێ بههڤڕا كار دكهت.
ئهڤرۆ دياره كو جهێ داخێيه ئهقلييهتا ئيراقييان ب (رهوشهنبيرييا دووڤهلانك)يێ كار دكهت، يان سۆزدارى بۆ كهسهكێ دى كو چو مافا نينه ژ بلى بجهكرنا ئارمانجێن خوه و ههيمهنا لسهر دهڤهرێ ب رێكا تائيفييا ديار كو دڤێت ههڤسۆزييا خوه بۆ ئيرانێ ديار كهت دژى بهرژهوهنديێن مللهتێ ئيراقێ، ئهو مللهتێ باوهرييا خوه دايێ ب رێكا سندۆقێن دهنگدانێ، چنكو جهێ داخێيه كو ئهڤرۆ پترييا حوكمهتا دهولهتا قانوونێ بوويه پرهك بۆ دهربازبوونا سۆزدارييا دهرهكى و مێژتنا دووڤهلانكيێ ب شێوهيێ ئهجندهيێن دبنه ئهگهرێن راوهستاندا پرۆسێسا سياسى و ئاڤاكرنێ و گوهۆرينێ ب دروستى و ديمۆكراسييا نوو ل ئيراقا نوو يا ئێكگرتى، چنكو ئهم ئهڤرۆ دبينين هندهك خوه ب ڤى لايهنێ ههرێميڤه دگرن و ئێرشێ دكهنه سهر لايهنێ ديتر و بهروڤاژى دروسته كو ههموو حزب و پێكهاتهيان ژ لايێ دى ژى، هۆشدارييا مايتێكرنێ دكهت و لايهنان گونههبار دكهت ب خوهفرۆشيێ و...هتد، ئهها هۆسا سياسهت لجهم دهولهتا قانوونێ و ئيراقا نوو برێڤه دچيت.
ب داخڤه دێ بێژين، ئهڤرۆ حوكمهتا مالكى و دهولهتا قانوونێ كار دكهن بۆ ههراڤتنا پرۆسێسا سياسى ب شێوهيهكێ سهركوتكار كو بۆ وان ژ رژێمێن گۆڕبهگۆڕێن بهرێ مايه! چنكو حوكمهتا نهۆ كار دكهت بۆ ب ههدهردانا سامانێ ئيراقا ئێكگرتى و كار دكهت بۆ لاوازكرنا بريارا سياسى كو دێ خزمهتا ئيراقا نوو و گشت مللهتى كهت، چنكو ئيراقا نوو ب دووڤهلانكيێ ئاڤانابيت و ژ ئهڤرۆ وێڤه ههموو مللهتێ ئيراقێ دلۆڤانيێ ب ڤان حزب پێكهاتهيان نابهت.
|
|
|
|
|
|
|
