| |
|
|
| 2012-07-08
|
|
كورد و كهڤر و وهريسێ خهلكێ بياني! |
 ئهحمهد سادق زاويتهيي
دياره ڤێ گاڤێ دهڤهرا رۆژههلاتا ناڤهراست ههموو ئالۆزييه و لسهر سێلهكا شارييايه كو ئيراق ژي ژ ڤێ چهندێ دوور نينه، ههروهسا بابهليسكا بهارا ئهرهبي د بهردهوامبوونێدايه، ب تايبهتي ل وهلاتێ سووريايێ كو ڤێ چهندێ كارتێكرنهكا نيگهتيڤ كرييه سهر دهڤهرێ ههموويێ و ژ ههموو لايانڤه، ههر د ڤي چوارچۆڤهييدا پهيدابوونا قهيرانهكا سياسي ل ئيراقێ ل ڤێ دووماهيێ د ناڤبهرا ئاليێن سياسيێن ئيراقێدا رۆژ بۆ رۆژێ ئالۆزي و ناكۆكي بهرفرههتر لێدهێن، ههتا گههشتييه وي راددهيي كو ههول و بزاڤ بهێنه كرن بۆ ڤهكێشانا باوهريێ ژ سهرۆك وهزيران نوري مالكي كو ڤێ چهندێ نيگهراني و بێ ئارامييهك پهيداكرييه ل جاددهيا ئيراقێ بگشتي و يا كوردستانێ ب تايبهتي، بهلێ ئهز ل وێ باوهرێمه كو لادانا مالكي دێ گهلهكا بزهحمهت بيت، چنكو ئهوچهند نه د بهرژهوهندييا ئهمريكايێ دايه، ب تايبهتي ژي يا سهرۆك ئۆباماي، ژبهر گهڕا بهێت يا ههلبژارتنێن سهرۆكاتييا ئهمريكايێ، بهلێ يا ههره گرنگ ئهڤهيه كو دڤێت كورد سهبارهت ڤي بارودۆخي هۆشياربن و ژ ههر دهمهكێ دي پتر ناڤ مالييا كوردي يا ئێكگرتي رێكخستي تر بيت و ئێكرێزييا وان يا پاراستي بيت، ژبهر كو زۆربهيي سياسهتمهدارێن ئهرهبێن ئيراقى، چ شيعه، يان سوننه، د شهڤ و رۆژهكێدا ژ سۆزێن خوه پهشێمان دبن و پێگريێ ب چو رێككهڤننامهيان ناكهن! چنكو وهكو مه ل دهستپێكێ ئاماژه پێكري، ئهڤ سێلا شاريايي كورد ژي لسهرن و ئهگهر بارودۆخێ هۆسان بيت.. نهدووره گۆڕانكاري د رێكێدا بن و پهيدا ببن ل دهڤهرێ، رهنگه ژي شهڕهكێ ههرێمي رووبدهت، ههروهسا دڤێت ئهم كورد بۆ خوه سهربۆران ژ رابڕدويێ خوه وهربگرين و باوهرييا خوه ب چو لايهنهكي نهئينين، چنكو باوهر بكهن ههر لايهنهك لبهر بهرژهوهنديێن خوه د گهڕيێت، ئانكو چو جاران ئهرهب نابنه ئێك، بهلێ گاڤا بههسێ مه كوردان هاته د ناڤا بابهتيدا.. دێ بنه ئێك و وهكو برا دگهل ههڤ دێ سهرهدهريێ دگهل كوردان كهن.
كهسێ ئهرهب چو جاران ئهرهبى نادهته ب كوردان، بهلێ ئهڤا ئهم ڤێ گاڤێ دبينين كو ههردو لايهنێن ئهرهب ل ئيراقێ، چ شيعه، يان سوونه، ههر ئێك ژبهر يێ دى پهيوهنديێن خوه دگهل لايهنێ كوردي خۆرتتر لێدكهت، چنكو بهرژهوهنديێن وان ڤێ چهندێ دخوازن، ههروهسا سهپاندنا بارودۆخي ژي بوويه فاكتهرهك كو ئهو ب ڤێ چهندێ رابين و ههر لايهنهك ژبهر يێ دي مه كوردان ب برايێ خوه يێ مهزن دادنن.
گۆمان تێدا نينه كو زۆربهيي لايهنان ئهون كو تاكو نهۆ نهشێن بێژن ههرێما كوردستانێ، و دبێژن (باكۆرێ ئيراقێ)، يانژي پهيڤا پێشمهرگه ژ دهڤێ وان دهرناكهڤيت، و دبێژنێ (ميليشيات)، ئانكو ڤێ چهندێ ژى ئهوه وهكو دبێژن (دژمنێ بابێ نابيته دۆستێ كوڕي)، بۆ نموونه؛ سالا پار وهكو هندهك گرۆپهيێن توندڕهو و شۆڤينيێن گرێدايي لايهنگرێن ڤي لايهنێ مه بههس ژێ كري و خهلكهك هاندايي كو ئێرشێ بكهنه سهر دامودهزگههێن ميري ل قهزا حهوێجه و دهردۆرێن كهركووكێ كو مهرهما وان ئهوبوويه بارهگايێن پارتێن سياسيێن كوردستانى و پێشمهرگهيان دووربێخن ژ ڤان دهڤهران، ههر ئهو لايهنن رۆژانه دبنه ئهگهرێ هندێ كو چهندين خێزانێن كورد ل دهڤهرێن سهعدييه و جهلهولا و دهردۆرێن خانهقينێ كو مال و مولكێ خوه ژ ترسێن ڤان شۆڤينييان بجهـ بهێلن و چهندين كهس تاكو نهۆ بووينه قوربان، ههروهسا ههر ئهو رێگرن و ئالۆزييان د رێكا بجهكرنا ماددهيێ (140)ـێدا چێدكهن، ژبهر بهرژهوهنديێن خوه ئهم كورد يێن كرينه خۆشتڤي و برايێن خوه يێن ئهزيز، ئهڤه ژ لايهكيڤه، ژ لايهكێ ديڤه، لايهنێ ديتره كو ل ڤێ دووماهيێ ئهوژي بوويه دو بهش و ههر بهشهكي بۆچوونێن خوه يێن جياواز ههنه، بهشهك ئهوه كونترۆل لسهر دهستههلاتێ كرييه ژ ههموو لايانڤه كو مالكي سهرۆكايهتييا وى دكهت و دژايهتييا خوه ئاشكرا كرييه بهرامبهرى كوردان و ليستهيا ههڤپهيمانييا كوردستاني، كو پێنگاڤهك ژێ ئهوبوويه وهكو بهري ماوهيهكي گرۆپهكێ توندرهو يێ گرێدايي وي لايهني بناڤێ (ئهبناو ئهلعيراق ئهلغهيارا) ل باشۆرێ ئيراقێ ب سهرۆكايهتييا عهباس ئهلمهحهمهداوي د داخۆيانييهكێدا گۆتبوو (دڤێت كورد نهميننه ل باكۆرێ ئيراقێ) و دههـ رۆژ دياركربوون كو كورد بهغدايێ چۆل بكهن! ههروهسا خانهنشينكرن و لادانا پلهدارێن لهشكري و مهدهني يێن كورد ژ پۆستهيێن وان كو ئهڤچهنده ههموو بووينه ئهگهرێ هندێ كو دهستتێوهردانێن دهرهكي و ههرێمي و جيهاني د كاروبارێن ئيراقێدا ههنه و پتر لێبهێن. لهوا ب ديتنا من، دێ د ڤێ ههڤسهنگيێدا تهنها كورد زيانێ بينن، ئهڤجا دڤێت ئهم كورد گهلهك هۆشياربين و پتر مه ژ دو چاڤ و دو گۆهان ههبن و ب ئهقلانه سهرهدهريێ دگهل بارودۆخێ نهۆ بكهين، ئهم لدووڤ حهز و ئارهزويێن چو لايهنان نهچين، دڤێت ڤێ د كێشهيێدا مه كوردان ههلوهستهكێ ههڤسهنگ ههبيت همبهرى ههردو لايهنان، چنكو دياره ههر لايهنهكێ ژ ڤان يێ گرێدايه ب هندهك وهلاتێن دهردۆرڤه و تهنها لايهنێ كوردي نهبيت، ئهڤه ژي قهدهرا مه كوردانه، چنكو ل ههر جههكى ئهم بێى پسيارين و بێى مام و خالين.
|
|
|
|
|
|
|
