| |
|
|
| 2012-07-05
|
|
پهقينێن سياسي يان پهقينێن تهرۆرى؟ |
 بهختيار قادر
پشتي بارودۆخێ نهۆ يێ ئيراقێ نهئارامييهك ب خوهڤه ديتي، و بۆمبهيهك د ناڤا پێكهاتهيێن سياسيدا پهقي، رهوشا ئيراقێ رۆژ بۆ رۆژێ بهرهڤ لاوازيێ چوويه، ههڤدهم دگهل هندێ چهندههان پهقين لسهرانسهري وهلاتي هاتنه روودان، لهوا ئهڤ پهقينه يان يێن سياسي بووينه، يان يێن تيرۆريستى بوون، ب سهدهمێ ڤێ چهندێ ژى ب سهدان وهلاتي بووينه قوربانى و هێشتا رهوش وهكي خوه مايه.
بۆچي وهلاتي دبنه ئارمانجێن ڤان پهقينێن دهێنه ئهنجامدان و رهوش دهێته تێكدان؟ لهوا دڤێت ههموو پێكهاته بهرپرساتييا خوه ل همبهرى ڤێ چهندێ ديار بكهن.
بێگۆمان رۆژ بۆ رۆژێ گۆڕانكاري و ئالۆزى د پرۆسێسا سياسييا ئيراقێدا پهيدا دبن، ئهوژي ژ ئهگهرێ نهبوونا ئاشتيێ د ناڤبهرا هندهك پێكهاتهياندا كو قهيرانا سياسي نهۆ ل وهلاتى ئازراندييه، گشت خهلكێ ئيراقێ ب ڤێ چهندێڤه هاتييه گرێدان و مژوولكرن، سهرهرايي وان قوربانيێن رۆژانه پێخهمهت وهرگرتنا دهستههلاتێ ژ لايێ ليستهيێن سياسيڤه، ددهن، ئهرێ حوكمهت ههتا كهنگي دێ ژيانا وهلاتييان پارێزيت و ڤان پهقينان كێمكهت يان ناهێليت؟ ژبهر كو ئهڤ پهقينێن ل ڤێ داويێ هاتينه روودان پترييا وان ب رهوشا نهۆڤه دهێته گرێدان، ژ لايهكێ ديڤه، ئهڤه نههـ سال لسهر رزگاركرنا ئيراقێدا دهربازبوون، بهلێ بهردوام كريارێن دژي وهلاتيێن بێ گونههـ دئێنه ئهنجامدان، ئهرێ ههتا نهۆ كي ل پشت ڤان روودانايه؟.
ئهرێ مهترسييا شهڕێ ناڤخۆيي د ناڤا خهلكێ ئيراقێ ههيه؟ دهمێ پهقينێن بهێز ل دهڤهرێن جودايێن ئيراقێ چێد بن، ئێكسهر تۆمهت بۆ رێكخراوا قاعيده دهێته ئاراستهكرن، يانژي بۆ وهلاتێن دهوروبهره، سهرهرايى وێ گهرماتييا د ناڤا ليستهيێن سياسيدا ل ئيراقێ، وهكو بۆ خهلكي هاتييه ئاشكرا كرن، رۆژانه ژمارهيهكا وهلاتييان دبيته قوربانيێن پهقينان و هێشتا بهر ب زێدهبوونێ نه، زێدهباري وێ ئارامييا ئيراقێ ب خۆڤه گرتي، لهوا ئهڤ سيناريۆيێن هاتينه روودان جارهكا دي دێ هێنه ئهنجامدان و كێشه وئالۆزي هێشتا دێ پهيدابن.
|
|
|
|
|
|
|
