| |
|
|
| 2012-07-04
|
|
ئاڤا ب ميكرۆوێڤێ دهێته گهرمكرن.. نهدوورة بپهقت!! |
 و.: وارڤان
بهرى چهند رۆژهكان ههڤالهكى ئيمێلهك ب زمانێ ئهرهبى بۆ من هنارت كو گوايه؛ كوڕێ كابرايهكى كۆپهكێ ئاڤێ يێ كريه د ئاميرێ ميكروێدێ دا داكو ئاڤێ بۆ قههوهيهكێ يان چايهكێ بكهلينت. پشتى دهمژمێرا ميكرۆوێڤێ راوهستاى، ئهوى گهنجى دهرگههێ ڤهكرى و يا ديتى برچك نههاتينه ئاڤێ، ئهوى ژى يا هزركرى ئاڤ گهلهك گهرم نهبوويه و پهرداغ يا ئينايه دهرێ دا بزانت بۆچى نهكهليه؟!.. دگهل لڤاندنێ و لێ نێڕينێ ئاڤا كۆپى يا پهشكيه ناڤ چاڤێن وى و زيانێن مهزن گههاندينه دێم و چاڤێن وى.. پاشى، چيرۆك ل خهستهخانێ و هندهك ئامۆژگاريان ب دوماهى دهێت.
چونكى ب دههان جاران مه ئاڤ هۆسا گهرم كريه و هيچ تشتهكێ خهتهر روونهدايه، من ب گومان ڤه ل ئنتهرنێتێ نێڕى، كانێ راسته يان چيرۆكه.
ل جههكى دى ههمان چيرۆك ب دو شرۆڤهيێن زانستىڤه هاتيه وهشاندن، من ديت ههژى زانينێيه، نهكو ب سهرێ كهسهك ژ مه بهێت.
شرۆڤهكرنا ئهڤێ دياردهيێ
وهختێ ئهم تشتهكێ رۆهن لسهر ئاگرى دكهلينين، پشتى دگههته پلا كهلينێ، برچك دهێنێ (پهقووشك ژ بنێ ئامانى بسهر دكهڤن). هۆسا ئهم دزانين ئاڤ يان ئهو تشتێ رۆهن گههشتيه پلهيا كهلينێ. لێ ئهڤه ههردهم روونادهت!! هندهك جاران ئاڤ ژ پلهيا كهلينێ دهرباز دبت و هێشتا برچك ناهێنێ! چاوا؟
وهختێ ئاڤ دگههته پلهيا كهلينێ، پێدڤيه هندهك پرتووشكێن ئاڤێ ئهوێن پتر گهرم خوه بدنه ئێك داكو برچك يان پهقووشكا هلمێ چێكهن و بسهر ئاڤێ بكهڤن. چێبوونا ئهڤێ پهقووشكێ ههوجهى تشتهكێ هووره د ناڤ ئاڤێ دا يان پرتهكا باى يان جههكێ خورمچى ل ئامانى بخوه.
وا دياره سيناريۆيێ ئهڤێ چيرۆكێ هۆسا بوويه: وا دياره كۆپ نوو بوويه و ئاڤ گهلهك پاك بوويه.. لهو، گهرماتيا ئاڤێ يا ژ پلهيا كهلێ دهربازبووى و برچك نههاتينه ئاڤێ (چونكى ئاڤ پاكه و كۆپ نوويه). ههروهسا ژبهر ئاوايێ ميكرۆوێڤ پێ كار دكهت، ئاڤا ب كۆپيڤه يا گهلهك گهرم بووى و يا نيڤا كۆپى هند گهرم نهبوويه، دگهل ههژاندنێ (وهختێ كۆپ ژ ئاميرى ئينايه دهرێ، ههژاندن يا بوويه ئهگهرێ هندێ ئهو ئاڤا ب كۆپيڤه ببته هلم و ئهوا ل نيڤێ بهاڤێژته دهرڤه.
ژێدهر:
http://www.truthorfiction.com/rumors/m/microwavewater.htm
|
|
|
|
|
|
|
