| |
|
|
| 2012-07-03
|
|
ئيران گهفێن خوه نوو دكهت: ئهم ئسرائيلێ لسهر روويێ ئهردي ناهێلين |
 وار/ئاژانس
دگهل دهسپێكرنا سزايێن نوو لسهر كهرتێ پترۆلا ئيرانێ ژئاليێ وهلاتێن رۆژئاڤايێ ڤه و داخويانييا وهزيرێ پترۆلێ يێ ئيرانێ روستهم قاسمي دهما تهكهز كري كو وهلاتێ وي بهرههڤه ل هبمهر ڤان سزايان بهرخوهدانێ بكهت، چاڤهرێيه ئهڤرۆ هێزێن لهشكرێ ئيرانێ دهست ب مانۆرهكا رۆكێتان دناڤ دهڤهرا كهنداڤێ دا بكهت.
دڤي واريدا ئيرانێ راگههاند كو هێزێن وێ ئهڤرۆكه دێ دهست ب مانۆرهكا سهربازي كهن و ههموو جورێن رۆكێتان دڤێ مانۆرێدا دێ هێنه بكار ئينان كو لبهره بۆ ههياما سێ رۆژان يا بهردهوامبيت.
ئاژانسا دهنگوباسێن ئيراني لسهر زارێ ژهنهرال ئهمير عهلي حاجي زاده سهركردهيێ هێزێن ئاسماني دا خوياكرن كو ههر ئێريشهك ژئاليێ ئسرائيل چێببێ، ئيران دێ بهرسڤهكا توند دهت و ودێ بيته سهدهما وێ يهكێ كو ئسرائيل لسهر نهخشهيا جيهانێ نهمينيت.
حاجي زاده ئهوژي ئاشكرا كر كو پێدڤي يه ئهڤ مانۆرێن ههنێ وهكو مهساژهكێ لدژي ههموو گهفێن ترسێ يێن ئسرائيل و ئهمهريكا بێته قهبوولكرن و بلا ههركهس بزانێ ئهم دێ بتوندي و ب هێزهكا مهزن بهرسڤا گهف و ئێريشێن وان دهين. ههروهسان ئهوژي گۆت: د شيانێ ڤان جورا رۆكێتاندايه ههموو بنگههێن لهشكري يێن ئهمهريكا ل دهڤهرا رۆژههلاتا ناڤين بكهت ئارمانجا خوه، ژبهر ڤێ يهكێ ئهم دبێژم ئيران ب ڤان رۆكێتان ژ دهورهبهرێن خوه پاراستييا و ئهمهريكا دێ چ هاريكاريێ نادهته ئسرائيل د ئێرشكرنا ئيرانێ دا.
دهێته زانين كو ئسرائيل و ئهمهريكا داخويانيێن خوه ههردهم دوپاتدكهن كو مايتێكرنهكا لهشكهر لدژي بهرنامێ ئيرانێ يا ناڤۆكي يێ ههيه ئهگهر رێكێن ديپلۆماسي بۆ چارهكرنا كێشه ناڤۆكي يا ئيرانێ بێ ئهنجام بوون.
ههژي گوتنێ يه دگهل ڤان مانۆرێن ئيرانێ د ئاڤا كهنداڤێ ده، دهزگههێن راگههاندنێن وهلاتێن كهنداڤێ دانه زانين كو وهلاتێن ميرگههێن عهرهبي و بهحرهين دوهي دهست ب مانۆرهكا ههڤپشكا ئاسماني كرينه و دێ چهند رۆژان ئهڤ مانۆره ڤهكێشيت.
|
|
|
|
|
|
|
