| |
|
|
| 2012-06-27
|
|
دهمێ ژن ژ ژيانێ هاڤى دبن |
 مهريهم ئهسعهد
ئهو ژنێن كو هێڤي دكهن ئهگهر ژ رۆژهلاتا ناڤين دهركهفتن دێ بايێ ئازاديێ بكهڤيته دهستێ وان بۆ كو بشێن بهرێ گهميێ ل دووڤ حهزا خوه بهرهڤ پێشڤه ببهن، دبيت شاش بن. ههر مرۆڤهكێ ژ بچووكانيا خوه ڤه حهزا ب ئازادي ژيانكرنێ د بيرا وي دا ههبيت، دهما راستي قهدهغه و نهههقيي و بێ عهدالهتيێ دهێت و ژيانا دڤێ جيهانێ دادوهر نابينيت، دبيژيت دێ كهدا من تێرێ كهت ئهز مروڤان قورتال كهم و ژيانێ ئازاد كهم. لێ پاشێ دهردكهڤيت كو وهسا نينه، ژبهر كو دهما كو ئێك كارێ ئاڤاكرنێ دكهت، سهد كهسێن دي ههنه كارێ خرابكرنێ دكهن. ژن ژي دهما دچيته دهرڤهي وهلات سهرێ وێ ل زنارا راستيێن ب ئێش دكهڤيت، گهلهك دێ ل خوشيا مه چيت كو ئهم مفايێ ژ مافێن خهلكي ببينين، لێ توجارا ل خوشيا كهسهكي ناچيت كو ئهو مافێ ب قوربان دايينێ وهرگرتێن، ئێكي دي بهێت بساناهي ببيته خودانێ وان مافان.
ئهم ژنێن رۆژهلاتا ناڤين وهكي رهملێ نه، نهشێن ههدڤدو بگرن يان ئاڤا بارانێ بمێژن، بهلكو فێري وێ نه ل بهر بايێ خهلكي بهلاڤ ببن، لێ ئهم نزانن كو ئهگهر نه ل بيابانێ بيت جهێ رهملێ نابيت. ئاخافتنهك ههيه دبێژيت: يێ مالا خوه تهرك دكهت نرخێ وي كێم دبيت، ئهم ژ كيرێ درهڤنه كيرێ، ژخوه بهرێ ئهم ل دووڤ نرخێ خوه دگهريێن وهكو ژن و ل وهلاتێ خوه ل ناڤ كهسوكارێن خوه نابينين، چهوا دێ ل وهلاتێ خهلكي مه نرخ ههبيت. ل ناڤ ژنێن هنده خهبات بۆ مافێن خوه كرين و د ئاستهكي بلند دا پێگههشتين و بۆ ڤێ ڤێ مهرهمي پۆستێن ههره بلند وهرگرتين، دهنگێ مه دێ چهوا هێته بهێستن، چما ئهم وي دهنگێ خوه ل وهلاتێ خوه بلند ناكهين، دێ بێژين ئاستهنگي ههنه، د كيژ خهباتێ دا، د چ دۆزهكێ دا ئاستهنگي نينن، ههبوونا ژنهكێ ل وهلاتێ خهلكي و بيانيبوونا وێ ژ كهلتوور و ههمي وارێن ژيانا وهلاتێ غهريبيێ نه ئاستهنگهكهكا ههري مهزنه. چهوا ب تايبهتي ژنهك دشێن ژ دهيكا خوه دوور كهڤيت، كۆكا خوه بدهستێ خوه ببريت، گهر ئهم چهند زلال بن د ئارمانجێن خوه دا و جدي بن د كارێ خوه دا دێ هنده ژي ئهنجامێن خهباتێن مه كوور و قۆل بن و جيگربن، جه و وارێ ههر ژنهك لێ ژ دايك بوويه روومهتا وێ يه، ئهم دشێت بۆ گهشتياريێ بچينه وهلاتي خهلكي، ئهزموونێن وان بۆ خوه وهرگرين و ل دووڤ شهرت و مهرجێن خوه تاقيبكهن، لێ وهلاتێ خوه ب ئێكجاري هێلان وهكو چهوا تو دايكا خوه بهێلي، بێ عهسل ببي، ژێدهرێ تو ژێ هاتي هشك بكهي، ژيانكرن ل وهلاتێن بياني ژنان ژ ژيان و مرۆڤايهتيێ بياني دكهن.
|
|
|
|
|
|
|
