| |
|
|
| 2012-06-26
|
|
بهوژينا بهفرا جهمسهرێ باكوور گهفێ ل گۆيا ئهردى دكهت |
 وهلات
ل گوهرى سايتێ فورات نيۆز ناڤهندا ڤهكولينێن ئاسمانى يا ئهمريكا، وێنهيێ ڤهكۆلينێن خوه سهبارهت ب رهوشا گۆيا ئهردى و حهليانا بهفرا جهمسهرێ باكور بلاڤكر و دهستنيشانكر كو د ماوهيێ 10 سالان دا 15% ژ بهفرا جهمسهرێ باكور ژ ناڤچوويه.
ئاژانسا ناسا وێنهيێ جهمسهرێ باكوريێ گۆيا ئهردى بلاڤكر كو تێدا ب ئاشكرايي ههست ب مهترسييا وێ ئاڤا پهنگياى يا ل جهمسهرى و بهۆژينا بێ ئهندازه يا بهفرا وى جهمسهرى دهێته كرن. د ماوهيێ 30 سالێن بۆرى ب ئاوايهكێ بهرچاڤ بهفرا جهمسهرێ باكور دبوهۆژيت و ئهڤهژى تيۆرێن زانيارێن ژينگههێ سهبارهت ب دياردهيا پهنگينا گهرمێ پشتڕاست دكهت.
ژۆي کامايسۆ کو زانايهکێ ناڤهندا ناسايه راگههاندي يه :"ب لهز بهۆژينا کۆتلهيێن بهفرا ستۆر و كهڤنار، د وهرزێ هاڤينێ دا هێدى هێدى دبيته ئهگهر كو ئهڤه كۆتلهيه ژ بهرك بچن و بحهليێن."
د وێنهيێ ڤهكولينێ دا دياره کو شيانێن كوتلهيێن بهفرين يێن كهڤنار د (30) سالێن بۆرى دا بچووكتر بووينه ئهڤ كوتلهيێن كهڤنار ژى (15%)ي دهريايا بهفرگرتى پێكدئينيت، سنوورێن ڤان كوتلهيان ژى د ماوهيێ ههر (10)سالاندا ب رێژهيا (15.1%) بچووكتر دبن.
|
|
|
|
|
|
|
