| |
|
|
| 2012-06-21
|
|
لێژنهيا ل سهر ئێككێمكرنا پڕۆژهيان بۆ نههێلانا گرفتێن كۆمپاني و بهلێندهران كۆمبوونهك سازكر |
 : راگههاندنا پارێزگههێ
دوهي ل هۆلا ئێكهتييا نڤيسهرێن كورد و ب سهرپهرشتيا گورگيس شليمۆن جێگرێ پارێزگهرێ دهۆكێ كۆمبوونهك دگهل سهنديكا بهلندهران و چهندين خودان كۆمپانيي و بهلندهرێن پارێزگههێ هاته گرێدان.
دكومبونێدا ب ئامادهبوونا چهندين رێڤهبهرێن فهرمانگههێن پهيوهنديدار جێگرێ پارێزگهرێ دهۆكێ و سهرۆكێ لێژنهيا ناوهندي يا ل سهر ئێككێمكرنا پڕۆژهيان ل پارێزگههێ گۆت: ئارمانج ژ كۆمبوونێ ئهوه دا ژ نێزيك وان ئارێشه و ئاستهنگا بزانين يێن دكهڤنه درێكا بجه ئينانا پڕۆژهيان دا و بههڤرا و لدووڤ ياسايێ چارهسهركهين، پاش چهندين رێنوما و شيرهتێن نوو ئاراستهي ههموو كۆمپاني و بهلندهرانكرين بۆ وێ يهكێ ژ نها و پێدا ههموو كاري پێ بكهن دا كار و پڕۆژه ب ساناهي و بێ گرفت بهێنه ئهنجامدان.
ل داويێ ژي جێگرێ پارێزگهرێ دهۆكێ سهرۆكێ لێژنهيا ناوهندي يا ل سهر ئێككێمكرنا پڕۆژهيان تهكهزي ل سهر رۆلێ بهلندهر و كۆمپانيێن كهرتێ تايبهت دپرۆسا ئاڤهدانكرنێ كر بۆ ملبملێ فهرمانگههێن حوكمهتێ خزمهتێ دكهن و پشتهڤانيا پارێزگههێ بۆ ههر هاريكارييهكێ د ههر ئاسانكارييهكێ دا نيشاندا، بۆ هندێ پڕۆژه بێ گرفت بهێنه ئهنجامدان و بكهڤنه د خزمهتا وهلاتيياندا.
تێ زانين پتر ژ 500 كومپاني و بهلندهر ل سنۆرێ پارێزگههێ ههنه و ملبملێ فهرمانگههێن حوكمهتا ههرێمێ پڕۆژهيان ل دهڤهرێ بجهـ دكهن.
|
|
|
|
|
|
|
