| |
|
|
| 2012-06-12
|
|
ئاستێ ئاڤا ژێرئهرد يا ههرێما كوردستانێ ل كێميێ دايه |
 ئا: زێرهڤان دۆسكى
ئاڤا ژێر ئهرد ل ههموو وهلاتان وهكوو عومبارهكا يهدهگ بۆ دهمێن پێتڤى دهێته بكارئينان. ل كوردستانێ پشتى ڤان چهند سالێن ل دووڤك يێن هشكهساليێ كو رێژهيێن بارينان گهلهك گوههڕتن بسهر دا هاتينه و كوردستان وهكو وهلاتێن دى يێن رۆژههلاتا ناڤين د سهقايهكێ نهسرۆشتى دا دهرباز دبيت. ژبهر ڤێ ئێكێ ژى ژبهر پێدڤييا خهلكێ كوردستانێ ب ئاڤێ ههم بۆ پێتڤيێن رۆژانه و ههم بۆ ئاڤدێريێ گهلهك بيرێن ئيرتوازى ل سهرانسهرى كوردستانێ هاتينه كۆلان و ئهڤه ژى بوويه سهدهم كو ئاستێ ئاڤا ژێر ئهرد ل كێمى بدهت.
ژێدهرهكى ژ وهزارهتا چاندنێ و ژێدهرێن ئاڤێ خوهيا كرييه كو بۆ دههان مهتران ئاستێ ئاڤا ژێر زهڤى ل ههرێما كوردستانێ چوويه خوار، ژ بهر ڤێ يهكێ ههرێمێ پێدڤى ب پلان و بهرنامهيان ههيه بۆ رێگرتنا ل زێدهبوونا كاريگهرييا دابهزينا ئاستێ ئاڤا ژێر ئهرد.
برێڤهبهرێ گشتى يێ ژێدهرێن ئاڤا ههرێمێ” محهمهد ئهمين فارس” ب ئاژانسا پهيامنێر راگههاندييه كو ژ ئهگهرێ كاريگهريێن درێژێن هشكهساليێ كو ماوهيێ چهن سالانه كوردستان و وهلاتێن جيهانێ ڤهگرتييه، ئهڤه ژى بوويه سهدهم كو بهردهوام ئاستێ ئاڤا ژێر ئهرد بچيته خوارێ كو ل هنهك دهڤهران 60 مهتران ئاستێ ئاڤا ژێرزه ئهرد چوويه خوار. مهترسييا دابهزينا ئاستێ ئاڤا ژێر ئهرد پتربوويه پشتى كو هژمارهكا مهزن يا يبيرێن ئيرتوازى ل ههرێما كوردستانێ هاتينه لێدان ژ لايێ وهلاتييان ڤه بۆ مهرهمێن جودا جودا، كو نها 20 هزار بيرێن ئيرتوازى يێن بێ مۆلهت ل ههرێما كورددستانێ هاتينه لێدان.
محهمهد ئهمين ئهوژى دياركرييه كو زێدهبارى ڤێ يهكێ هژمارهكا مهزن يا كانيێن ئاڤێ ل كوردستانێ هشكبووينه كو سهدان سالن ئاڤ تێدا ههبوويه، ئهڤه ژى وه دكهت كو پشتبهستن ب ئاڤا ژێرئهرد پتر لێبهێت.
دهربارهى رێيێن چارهسهريێ ژى مهحهمهد ئهمين گۆت: حوكمهتا ههرێمێ دشێت چارهسهريێ ببينيت ئهگهر پرۆژهيێن ستراتيژى بهێنه دانان كو ئاڤا سهر ئهرد بهێته كێشان ههم بۆ ڤهخوارنێ و ههم بۆ ئاڤدانێ، و ئاڤدان ژى ب ريێێن ههڤچاخ بهێته كرن ب ئاوزايێ دلۆپاندنێ داكو ئاڤ ب ههروه نهچيت.
|
|
|
|
|
|
|
