| |
|
|
| 2012-06-12
|
|
وهرزێ قهدهغهكرنا نێچيرا ماسييانه پا ئهڤ ماسييه ژ كيڤه دهێن؟ |
 ههلگر
وهك دهێته زانين ههر سال ل پارێزگهها دهۆكێ ژ ئێكى مهها ئادارێ تا 15ى خوزهيرانێ ئانكو بۆ ههياما سێ مههـ و نيڤان گرتنا ماسييان قهدهغهيه و ههر ماسيگرهك؛ ل گۆرهى رێنمايان دهێته دهستهسهركرن و سزادان، ئهڤه ب ئارمانجا هندێيه كو ئهڤ ههياما دهستنيشانكرى دهمێ خهزرا ماسييانه ئانكو ل دهمى ماسى هێكان دكهن، لهو نابيت ماسى بهێته گرتن، داكو زێدهببن، ب راست ئهڤه تشتهكێ جوانه و دڤێت د ڤێ ههياما قهدهغهكرنا راوا ماسييان چ كهس تهماعييا خوه نهبهته گرتنا ماسييان ههتا دهمێ خهرزا وان ب دووماهى دهێت، پاشان رێ دڤهكرينه و ههر كهسهك ئازاده بچيت ماسييان بۆ خوه بگريت، ههروهسا ژى دهمێ مه پێگيرى ب رێنمايان كرن و د ڤێ ههمايێ دا ماسى نهگرتن؛ دڤێت بزانين ئهڤه ماسييان ب دروستى خهرزا خوه كر و ماسى دێ مشه بن، ئهڤجا تا نێزيكى ههياما نههـ مههان دێ شيێن ماسييان گرين و خوين، لێ ئهز وهسا دبينم كو د ڤێ ههياما قهدهغهكرنا راوا ماسييان دا گهلهك سهرپێچى دهێنهكرن و راوگير و خهلكهك ههنه ههر ماسييان دگرن و خهرزا ماسييان بۆ وان نهخهمه، گرتنا راوگير و نێچيرڤانێن ماسييان ههر چهند رۆژان جارهكێ و نيشاندانا وان لسهر شاشهيێن تێلهڤزيۆنان ڤێ چهندێ دسهلمينيت، لێ ههر راوكرنا ماسييان د ڤێ ههيامێ دا نه يا كونترۆل كرييه، چونكى رۆژانه ئهم دبينين ماسى ل بازارى دهێنه فرۆشتن و جاران ژى پيكهم د ناڤ تاخ و كۆلانان دگهڕن و ماسييان دفرۆشن، باشه پا ئهڤ ماسييه ژ كيڤه دهێن و چاوا دهێنه د ناڤ بازاڕى دا، دياره هندهك جۆره سهرپێچى ب بهرزهيى ڤه دهێنهكرن، ههر چهنده هێزا پێشمهرگهيێ پاراستنا ژينگههێ گهلهك رێگريێ ل راوا ماسييان دكهت و چهند جاران سهرپێچكار دهستهسهر كرينه، لێ فهره پتر بهێته كونترۆل كرن و رێگرى ل راوا ماسييان موكمتر لێ بهێن، داكو د ڤێ ههمايێ دا ماسى ب دروستى خهرزێ خوه بكهن و زێده ببن، لێ سهرهراى ڤێ چهندێ ژى دڤێت وهلاتى و راوگير ب خوه ژى ڤێ چهندێ بهرچاڤ وهربگرن و سهرپێچييان نهكهن، چونكو ئهگهر خهلكى خهزا سهرپێچيێ و نێچيرا ماسييان ههبيت؛ چ كهس و لايهن نهشێن رێگريێ لێ بكهن، ژبهركو خوه حوكمهت نهشێت ههر كهسهكى زێرهڤانهكێ ل بهر دانيت دا ماسييان نێچير نهكهت، ئهڤجا ب هيڤييا هندێ كو ههر كهسهك ژ مه خوه و دهوروبهرێن خوه ژ سهرپێچييان دووربكهت، ئهڤجا چ نێچيرا ماسييان بيت يان ههر سهرپێچييهكا دى.
|
|
|
|
|
|
|
