| |
|
|
| 2012-06-07
|
|
17زادێن بهرگرييا پهنجهشێرا مهمكى دكهن |
 و.: وارڤان
ئامارێن وهلاتێن ههڤگرتيێن ئهمريكا دياردكهن كو تاكو ژىيێ 95 ساليێ 1 ژ 8 ژنێن ئهمريكى تووشى پهنجهشێرا مهمكى دبت. راسته بۆمانێ (جێنهتيكێ) رۆلهكێ مهزن ل هندهك پێكهڤتيان ههيه، لێ شێوازێ ژيانێ و فاكتۆرێن خوارنێ ژى رۆلهكێ گرنگ بۆ هندهكێن دى ههيه. ل خوارێ 17 رهنگێن زادى (خوارن و ڤهخوارن) هاتينه رێزكرن، نهدووره نههێلت پهنجهشێر پهيدا ببت، يان وهختێ پهيدا دبت، نههێلت زوو يان ب سانههى بهلاڤه ببت.
1 رهها زهر Turmeric
لێكۆلينهكێ لسهر مشكان دياركريه كو رهها زهر ناهێلت پهنجهشێرا مهمكى بگههته سيهان. ب گۆتنهكا دى، رهها زهر رێ لبهر بهلاڤهبوونا پهنجهشێرا مهمكى دگرت.
2 شينهگوهيشك Blueberries
ب گۆرهى لێكۆلينهكێ، كهرستهيێن ب ناڤێ فيتۆكێميكهل كو د شينهگوهيشكان دا ههنه، ههم وهرارا پهنجهشێرێ رادوهستينن، ههم ناهێلن بهلاڤه ببت.
3 باجانسۆرك Tomatoes
باجانسۆرك ب كهرستهيێ لايكۆپێن lycopene زهنگينه، و ئهڤه دهليڤا تووشبوونێ ب پهنجهشێرێ كێم دكهت.
4 ئهڤۆكادۆ Avocados
گهلهك ترشا ئۆلايك oleic acid د ئهڤۆكاتۆىدا ههيه، ئهڤ كهرسته ب كێمكرنا دهليڤا تووشبوونێ ب پهنجهشێرا مهمكى، ناڤداره.
5 مهيا سۆر Red wine
دبێژن ڤهخوارنا مهيا سۆر ب تهرزهكێ ناڤنجى، دهليڤا تووشبوونێ ب پهنجهشێرا مهمكى، كێم دكهت. لێ نابت ئهم ژبير بكهين كو رۆژانه ڤهخوارنا دو تشتێن كهۆلى، دهليڤا تووشبوونێ زێده دكهت.. ئهڤجا، كليلا بابهتى د پهيڤا ناڤنجىرايه.
ههروهسا هاتيه زانين كو مهيا سۆر باندۆرا تيشكێ لسهر ژنكا ب تيشكێ هاتيه چارهكرن، كێم دكهت. لێكۆلينهكێ ديار كريه كو كهرستهيێ رێزڤيراتۆل resveratrol د مهيا سۆر دا، خانهيێن پهنجهشێرى بهرههڤدكهت بۆ تيشكێ و يێن دروست ژێ دپارێزت.
6 نێركێن برۆكسلێ Brussels Sprouts
نێركێن برۆكسلێ و شينكاتيێن دى ژ جۆرێ كهلهميێ، گلۆكۆسينۆلات glucosinolates تێدا ههنه، ئهڤانه خورتهبهرگرێن پهنجهشێرێنه. وا دياره نێركێن برۆكسلێ ژ ههمى ههڤالێن خوه، پتر تێكلهيهكێ ئهڤان گلۆكۆسينۆلاتان ههيه، كو بهرسينگا پهنجهشێرێ دگرن.
7 شابرمان (دۆشاڤا هنارێ) Pomegranate Juice
لێكۆلينهكا ئيسرائيلى دياركريه كو دۆشاڤا هنارێ (شابرمان) خانهيێن پهنجهشێرا مهمكى خراب دكهت و يێن ساخ دهێلت. ههروهشا شابرمان ناهێلت خانهيێن پهنجهشێرى پهيدا ببن.
8 زهيتا فلاكسيد Flaxseed Oil
تۆڤێ كتافى Flaxseed رێژهيهكا بلندا ليگنان lignans تێدايه، ئهڤه مرۆڤى ژ پهنجهشێرێن لسهر ئسترۆجينى پهيدا دبن، دپارێزن.
9 چايا كهسك Green Tea
لێكۆلين ديار دكهن كو چايا كهسك دشێت دهليڤا تووشبوونێ ب پهنجهشێرا مهمكى كێم بكهت و بهلاڤهبوونا وێ راوهستينت وهختێ پهيدا دبت. ههلبهت ئهڤه ب كهرستهيێ Epigallocatechin gallate (EGCG) دهێتهكرن كو د ناڤ چايا كهسك دا ههيه.
10 سير Garlic
دبێژن سير خانهيێن پهنجهشێرى دكوژت وهختێ هندهك سيرێ بكهنه دگهل گۆشتى. لێكۆلينێن زانستى ديار دكهن كو كهلاندنا سيرێ دگهل گۆشتى، كهرستهيێن پهنجهشێرێ پهيدا دكهن د ناڤ گۆشتى دا كێم دكهت كو ههڤبهندى دگهل پهيدابوونا پهنجهشێرێ ههيه.
11 برۆكۆلى Broccoli
كهرستهيێ ئيندۆل-3-كاربينۆل indole-3-carbinol تێدايه كو بهرسينگا پهنجهشێرا مهمكى دگرت. وا دياره ئهڤ كهرسته ب رێكا گوهاڕتنا ئيسترۆجينێ پهنجهشێرێ چێدكهت بۆ يێ چێنهكهت، كار دكهت.
12 قهرنابيت Cauliflower
وهكى برۆكۆليێ، قهرنابيت ژێدهرهكێ گرنگێ كهرستهيێ ئيندۆل-3-كاربينۆله.
13 سپيناغ Spinach
لێكۆلينهكێ ديار كريه كو ژنكێن ب كێماتى ههفتيێ دو جاران سپيناغێ دخون، رێژهيا پهنجهشێرا مهمكى ل نك وان نيڤا ئهوانه يێن سپيناغێ نهخون.
14 گرێپفرۆيت Grapefruit
لێكۆلينان ديار كريه كو نهدووره گرێپفرۆيت زێدهكرنا خانهيێن پهنجهشێرێ راوهستينت.
15 گێلاس Dark Cherries
ئهزموونێن لسهر مشكان هاتينهكرن ديار دكهن كو هندهك كهرستهيێن گێلاسێ نهدووره پهنجهشێرا مهمكى راوهستينن.
16 گيايێن دهريايى Kelp
لێكۆلينهكا زانكۆيا كاليفۆرنيا بێركلى ديتيه كو زادێ زهنگين ب گيايێن دهريايى رێژهيا ئيستراديۆلێ ئاڤخوونێ ل نك ژنكان كێم دكهت و شيانێن فيتۆئيسترۆجينيكphytoestrogenic ههنه. ههروهسا، كهسكاتيێن دهريايى، كلۆرۆفيلۆن chlorophylones تێدانه، ئهڤ ترشه بهزێ ههنێ، نهدووره هاريكار بت بۆ نههێلانا پهنجهشێرا مهمكى. گيايێن دهريايى فلۆكۆيدان fucoidan ژى تێدا ههيه، لێكۆلين ديار دكهن كو ئهڤى شيانا مراندنا خانهيێن پهنجهشێرێ ههيه.
17 سهدرى Artichokes
لێكۆلين دياردكهن كو ئاڤا بهلگێن سهدريێ (ئارتيچۆك) شيانا مراندنا خانهيێن پهنجهشێرێ ههيه و زێدهبوونا خانهيێن گهلهك پهنجهشێران رادوهستينت، پهنهشێرا مهمكى ئێك ژ وانه. لێكۆلينهكا ئيتالى دياركريه كو كهرستهيێ فلاڤانۆيد flavanoids د ئارتيچۆكێ دا، دهليڤا تووشبوونێ ب پهنجهشێرا مهمكى كێم دكهت.
ژێدهر
http://www.healthdiaries.com/eatthis/17-foods-that-prevent-breast-cancer.html |
|
|
|
|
|
|
