| |
|
|
| 2012-06-06
|
|
ناهيلا خان: ژنێن فهرمانبهر ژي ب سهر مهڤه ناهێن |
 دووڤچون: سامي رێكاني
ئهنجومهنێ شێلادزێ يێ ئافرهتان ل 14-12-2011 هاتيه دامهزراندن و بتنێ ب هيڤيا ژوورهكێ نه و تانها نهكارينه كارێن خوه بدروستاهي ئهنجام بدهن، ههروهسا ژن نهشياينه پهيوهنديێ پێ بكهن و ل بارهگههێ وێ ئامادهببن، لهوما فهره ئاڤاهيهكێ سهربهخوه ههبيت، داكو پتر خزمهتا تهخا خوه بكهن. ژبۆ ڤێ پرسێ و چهندين پرسيارێن دي مه ئهڤ ديداره دگهل خانم (ناهيلا عهبدولقههار) بهرپرسا ئهنجومهنێ ئافرهتان سازكريه و وێ ژي بڤي ئاوايێ ل خوارێ بهرسڤا پرسيارێن وار دايه.
ل دۆر دهستپێكا كارێ خوه ناهيلا خانێ دادياركرن كو بهريا ئهنجومهن بۆ مه بهێته دامهزراندن، مه زۆر كارو چالاكي ب رێكا رێكخراوێ بۆ ژنان ئهنجام داينه و مه ههڤ نێزيكبوونهك ژي دگهل وان ژنێن دمالدا دروستكرينه و مه گههاندينه وي ئاستي كو هنهك ژوان شياينه دناڤا دهزگههێن ميري و حزبي كاربكهن، ههروهسا دبوارێ رهوشهنبيركرنێ دا ژي تا رادهيهكي پێگهههشتينه. پشتي ڤێ چهندێ ئهوبوو ئهنجومهنهك بۆ مه هاته دامهزراندن كو ژ كومهلگههێن سيريێ و شێلادزێ و گوندێن دهورووبهران بخوه ڤه گرت، كارێ مه بهرفرههتر لێ هات.
ل دۆر كارو چالاكيێن وان بو ژنێن دهڤهرێ ئهنجام داين ژي دادياركرن و دبێژيت: ئهو چالاكيێن ئهم لسنورێ خوه ئهنجام ددهين مينا سمينارو ورك شوپان ژبۆ رهوشهنبيركرنا ژنان، ههروهسا ئهم ل سهر وان مافان ئاگههداردكهين ئهوێن بۆ هاتينه دياركرن و كا دێ چهوا ب چ رێك شێن مافێن خوه يێن رهوا پارێزن. ههروهسا ئهم شياينه تا رادهكي بهشداري خولێن دهستپێكێ بكهين كو بشێن برێكا ڤان خولان فێري كارهكي ببن و بشێن ژيارا خوه پێ بكهن، مينا خولێن دروارێ و شريناهييا. ههروهسا ئهم شياينه چهند خولهكێن ساخلهميێ ژي بكهين ل سهر دهستێ كهسانێن بسپور دڤي بواري دا.
دهربارهي پهيوهنديێن ژنێن فهرمانبهر دگهل واندا ناهيلا خانێ گوت: براستي مهژمارهكا زۆرا ژنێن فهرمانبهر ههنه، لێ ئهو دگهل مه كار ناكهن، خوه نادهنه كاري ههتا كو روژێن جيهاني و دامهزراندنا ئێكهتيا ئافرهتان كو رۆژێن بهرچاڤن دناڤ جڤاكي دا، ئهم نابينين كو ژنێن فهرمانبهر ئێك ژي قهستا مه ناكهن كو رۆژا خوه ژي رۆژا مه ژي پيرۆزبكهن و ئهم نابينين كو ئهگهرهك ژي بۆ ڤێ چهندێ ههبيت، بتنێ وان يێ خوه ب كارێ فهرمانبهريێ ڤه گرتي. دڤێت ژن دههر بياڤهكي دا كاربكهت دا سهركهفتنێ بدهست خوه ڤه بينيت.
زۆر جاران دهما ژن توشي ئاريشهيهكێ دبيت، دێ پهنايێ بهته بهر خوه كوشتنێ، بۆ چي ئاريشهيا خوه ناگههينيته ههوه؟ براستي بهلكو تا نها ئهنجومهنێ مه يێ بهرچاڤ نهبيت كو ژن قهست بكهنێ، ژبهر كو بتنێ مه ژوورهكا بچووك ههيه و نه دئاڤاهيهكێ سهربخوه دايه، لهوما ئهڤه ژي ئهگهرهكه كو ژن قهستا مهنهكهن وجورئهتێ نادهنه خوه، لێ ئهگهر ئاڤاهيهكێ جودا بيتن و ژن بزانن دێ وێ پارێزيت، برێكيچن خورا دێ ئهو پتر قهستا مهكهن. بۆچوونا دي ژي كو هێشتا جڤاكێ مه نهگهههشتييه وي ئاستي كو ژن بشێت ئاريشێن خوه بگههينيته جهێن بهرپرس و ب بۆچوونا من خوه كوشتنا ژنان كارهكي نهرهوايه و دبيته ئهگهرێ مهزنبوونا ئاريشێ لهوما دڤيت ژن دهشياربن و كۆنترولێ ل سهر خوه بكهن، ژبهر كو چ ئاريشه نينه چارهسهري بۆ نهبيت و ئهو بخوه ژي پهشيمان دبن دهما خوه دكوژن .
|
|
|
|
|
|
|
