| |
|
|
| 2012-05-31
|
|
د رۆژا جيهانييا نههێلانا جگارهکێشانێ دا جگارکێش! ما نه بهسه؟ |
 ئا : ئاواز مسعود
ئهڤرو رۆژا جيهانييا نههێلانا جگارهكێشانێيه، سهر ئهڤێ چهندێ را گهلهك كهس ب جگارێ ڤه هاتينه گرێدان ئانكو ئهم دشێين بيژين وهكي ههڤالهكي لێ هاتيه ژبۆ کهسێ جگارا دكێشيت، لێ چهند ههڤالهكێ خوهشتڤي بيت چهند جارهيان زهرهر ژي ژێ پهيدادبن، زهرهرێن ئهڤي ههڤالي ب چهند رهنگان دهێنه دياركرن و سهرهراي كو ژينگههێ ژي پيس دكهت و ديسان كارتێكرنا دووكێلا وێ لسهر کهسێ نه جگارهکێش ژي ههيه، بلا ئهم ههمي پێكڤه ههمي بزاڤان بكهين كو د ڤێ رۆژێ دا ئهڤێ دياردا نه شرين نه هێلين و خوه ژ جگارهكێشانێ دوور بكهين دا كو ساخلهمييا خوه و كهسێن دهوروبهري خوه ب پارێزين، دهمێ مرۆڤ جگارهيان دهێليت، چ رووددهت؟
*د 20 خۆلهكان دا فشارا خوونێ و لێدانا دلي و گهرماتيا لهشي ل دهست و پێيان ڤهدگهريت ژبۆ ئاستێن نۆرمال.
* پشتي 8 ساتان نيكوتين دناف خوونێ دا ژ رێژهيا 93.75 % دێ هێته خوارێ ژبۆ 6.25% ژ ئاستێ بلندێ رۆژانه.
* پشتي 12 ساتان ئاستێ ئوكسجينێي و دووهم ئوكسيدێ كاربوني دناف خوونێ دا ئاسايي دبيت.
* پشتي 48 ساتان رهێن خوونێ يێن تێکچووي نوو دبنه ڤه و ههستێ بێهنكرنێ و تامكرنێ لدهڤ مرۆڤي ڤهدگهريته ڤه ژبۆ شيانێن ئاسايي.
* پشتي 72 ساتان لهشێ مرۆڤي 100% ژ نيكۆتيني پاقژ دبيت و دگهل دهستئاڤێ دهردكهڤيت و و بۆرێن ههناسهيێ پاقژ دبن و كارێ خوه باشتر دكهن و شيانێن سهان باشتر دبيت.
* پشتي 5-8 رۆژان دێ جارهكا دي کهسێ جگارهکێش بزاڤێ کهت جگارێ بكێشيته ڤه ژ ئهگهرێ حهزا وي ژ بۆ نيکۆتيني و دێ گهلهك دلێ وي چيتێ يا پێدڤييه لسهر جگارهكێشي خوه راگريت.
* پشتي 10 رۆژان ئهو کهسێ جگارێ دهێليت حهزا وي ژبۆ جگارهکێشانێ گهلهک کێمدبيت و رۆژانه كێمتر ژ دو خولهكان هزرا جگارهکێشانێ لدهف پهيدا دبيت و پتر دشێت کونترۆلێ لسهر حهزا خوه بکهت.
* پشتي 2 ههڤتييان جگارهكێش دێ ژ غهريبييا جگارهکێشانێ دوورکهڤيت و گهلهك دلێ وي نا چيته جگارێ و دووباره خوون ل پێتييان و ددانان دێ ڤهگهريتهڤه و دێ وهكي وي كهسي لێ هێت يێ جگاره نهكێشاين.
* پشتي 2 تا 4 ههفتييان ههمي نيشانهيێن گرێداي ب جگارهكێشانێڤه مينا تۆرهبوونا پشتي هێلانێ، ئالۆزي، هزرێن شاش، بهێنتهنگي، خهو شهپرزهيي، و ئهگهر پشتي ئهڤي دهمي نيشانهك ژڤانا بمينيت پێدڤييه ئهو كهسێ جگارا دهێليت سهرهدانا نوشداري بكهت داکو بشێت لسهر هێلانا جگارهکێشانێ يێ بهردهوام بيت ب رێکێن ساخلهمي.
* پشتي 21 رۆژان وهر گرێن مهژي ئهوێن کو فێري نيكۆتينێ ببوون ڤهدگهرنه رهوشا خوه يا بهرێ وهكي وي كهسي لێ دهێت يێ جگاره نهکێشاين.
* پشتي دو ههفتييان تاكو دو مههان مهترسييا نهخوهشييێن دلي لسهر وي كهسي رادبن.
* پشتي سێ ههفتييان تاكو سێ مههان ئهو كهسێ جگارا دهێليت ئهگهر كوخكهكا بهردهوام لدهف ههبيت؛ نا مينيت.
* پشتي مهههکێ تاكو نههـ مههان ئهو تشتێن گرێداي ب جگاره كێشانێ ڤه وهكي سست و خاڤي، بهێن تهنگي، كولبوونا سهان نامينن .
* پشتي سالهكێ مهترسييا جگارێ لسهر بۆرييێن خوونێ يێن دلي كێمتر لێ دهێت ژ وي دهمێ جگاره دكێشان.
* پشتي 5 تا 15 سالان مهترسييا جهلتهيێن مێشکي وهکي کهسێ نهجگارکێش لێ دهێت.
* پشتي 10 سالان مهترسيا پهيدابوونا پهنجهشێران لجهم کێمدبيت تاکو دگههيته رادهيهکێ چ جوداهي دگهل کهسێ نه جگارکێش نامينيت.
|
|
|
|
|
|
|
