| |
|
|
| 2012-05-22
|
|
سهرهراي نهبوونا داخوازيێ ل سهر ترومبێلان، بهايێن وان ههر گرانن |
 راپۆرت : تاهر رێكانى
وهكو ديار د سيستهمێ بازرگانييا ههموو وهلاتێن جيهانێ، بلند بوون و نزمبوونا بازارى لدووڤ زێدهبوون و داخۆازيێ دهێته كرن ئانكو (عرض و طلب)، بهلێ وهكو ديار بازارێ مه نهوهكو ڤێ چهندێ يه، ئهوژى كو دهمهكه بازرگانييا ترۆمبێلان ل پێشانگههان مايه ههلاويستى، ئهڤهژى چهند ئهگهر بوو ههنه ژ وانا بلندبوون و نزمبوونا بهايێ دۆلارى، زێدهبارى ئهو رێژهيا زور يا ترۆمبێلان دهێته ناڤ پارێزگههێن ههرێمێ بێى لايهنهك ههبيت كۆنترۆلا ڤێ چهندێ بكهت، داكو بزانين ئهو كهسێن قهستا پێشانگههان دكهن بۆچوونێن وان دهربارهى نهبوونا بازارى و گرانييا ترۆمبێلان چييه دڤێ راپۆرتێدا بخۆينن:
لدهستپێكێ ولاتى دژوار سهلام دبێژيت: ئهڤه دهمێ 15 رۆژانه ئهز دهێمه پێشانگههان داكو بخوه ترۆمبێلهكێ پهيداكهم ههر رۆژهكێ بازار ب رهنگهكێ يه، بازار ژى نينه و ههر د گرانن، يا ژ ههموويێ نهخۆشتر هندهك فرۆشيار ههنه بازارێ دۆلارى دكهنه ناڤ بابهتى دا، ئهگهر گرانبوو بهايێ وان ههر وهكو بهرێ دفرۆشن، ئهگهر دۆلار هاته خوارێ دێ بهايێ ترۆمبێلێ گرانكهن، ژبلى هندێ گهلهك كێم خهلك ترۆمبێلان دكريت و بازار ههر يێ گرانه.
ژ ئالييهكێ ديڤه و داكو بزانين سهقايێ بازارێ ترۆمبێلێن بارههلگر د چ رهوش دايه بۆ ڤێ مهرهمێ خهليل ئهحمهد فهتاح ژ پێشانگهها ههۆلێر يا ترۆمبێلێن بارههلگر ل سێمێلێ دبێژيت: پشتى رهوشا سياسى ل دهڤهرێ نهخۆش بووى بتايبهت سوريێ بازارێ ڤان جوره ترۆمبێلان ب ئيكجارى راوهستيايه، ژ بلى هندێ ئهگهر ئهم بهرێ خوه بدهينه بازرگانێن مه ههر كهسێ بڤێت دێ ترۆمبێلا ب رێيا توركيێ يان ئيران و سوريێ ئێنيته ناڤ ههرێمێ و بێى چاڤدێريهك ههبيت، لێ ئهگهر كۆمپانيێن تايبهت ههبان بۆ ئينانا ڤان جوره ترۆمبێلان دا بازار يێ خوهجهـ بيت، ئانكو نه ههر رۆژهكێ بازارهك بيت.
فارس زاهر خۆدانێ پێشانگهها كانى دبێژيت: دهربارهى بازارى گهلهك يێ لاوازه و ياكێمه ئهگهر ههبيت ژى ب قهر دهێنه كرين و فرۆتن. لدۆر ئهگهرێ ڤێ چهندێ ژى ناڤبرى دبێژيت: نوكه ترۆمبێل گهلهك كهفتينه ناڤ پێشانگههان و ب هژمارهكا زور دهێنه ناڤ ههرێمێ، و ژلايهكێ ديڤه دبێژيت بهرتهنگييا جادهيانژى كارتێكرنێ ل كرێن و فرۆتنا ترۆمبێلان دكهن، ههر وهسان ژئالييهكێ ديڤه ههر وهرزهكى بازارهكێ تايبهت يێ ههى، بتايبهت دهمێ نێزيكبوونا بيرهوهرييان وهك سهرێن بهارێ و نهورۆزێ هندى ترۆمبێل بهێنه ناڤ بازارى دێ هێنه فروتن خوه ئهگهر ب رێژهيا 10% ژ بهايێ وان بهێته زێدهكرن، تشتهكێ دى يێ سهير د ڤێ چهندێ دا ههيه ئهوژى ل دهمێ نێزيكبوونا بيرهوهريێن ئادار و نهورۆزێ كۆمپانييان بۆ ههر ترۆمبێلهكێ دۆرێن 15 تاكو 20 وهرهقێن دولارى هاڤێتنه سهر ههر ترۆمبێلهكێ، پشتى بازار هاتييه خۆارێ جارهكا دى ئهو بها ژێڤهكرهڤه، ئهڤجار خهلك هزر دكهت كو بلند دبيت و دهێته خۆارێ لێ وهك بازارێ گشتى يێ خوه جهه ئانكو چ گۆهرينێن بهرچاڤ بخوهڤه نهگرتييه، لێ كاودانێن سياسى كارتێكرنهكا مهزن ل بازارى كريه، ئهوژى بهرى نوكه ههر ترۆمبێهكا هاتبا ناڤ ههرێمێ بهايێ شهحن دورێن 500 دولاران بۆ، ژ بهر كاودانێن سياسى نوكه بۆينه 2 هزار دولار، دهربارهى بلندبوونا بهايێ دولارى ناڤبرى دبێژيت: ئهز نابينم كارتێكرنێ ل بازارى كربيت، ژبهركو بازار ههموو ب دولارى يه، ئهڤجار بلندبوون و نزمبوونا وى گۆهرينان پهيداناكهن. ژلايهكێ ديڤه ژى ناڤبرى دبێژيت: ل ههموو جيهانێ بازار لدووڤ كرين و فرۆتنێ يه، بهلێ ل دهف مه نه وهسانه، ئهوه هندى مه ديتى ل دهمێ نهبوونا بازارێ ئێكسهر بازار نزم دبيت، بهلێ نوكه بها ههر يێ گرانه.
ديسان گوتژى بازارێ هندهك ترۆمبێلان ههموو وهرزان يێ ههي وهك ترۆمبێلێن ئهمريكى بهرى ژ شهحنێ بهێنه خۆار دهێنه فرۆتن.
ژ ئالييهكێ دويڤه عهزيز بێشينكى دبێژيت: ب ديتنا من بازار يێ گرێداى سێ ئهگهرێن سهرهكى نه ژوانا بارێ سياسى و ئابوورى و جڤاكى كو خهلكێ مه فێرى هندێ بويه ل وهرزێ بهارێ دێ بخوه ترۆمبێلهكێ پهيداكهت خوه ئهگهر بزانيت يا گرانه ژى، ئهڤهژى ب مهرهما هندێ كو دگهل خێزانا خوه بچنه سهريرانا، بێ گومان ئهگهر ئهڤه بڤى رهنگى هاته كرين دێ ب بهايهكێ كێمتر فرۆشيتن، ههر وهسان لدهمێ نزمبوونا بهايێ دۆلارى بازار خۆشتر لێ دهێت. دهربارهى ئهو ترۆمبێلێن پرانييا خهلكى دكرن ناڤبرى دياركر كو خهلكێ مه بهرێ خوه نادهته جورێ باش يێ ترۆمبێلێ تنێ چاڤێ وان يێ ل هندێ كا چهند يا ئابوورى يه بۆ مهزاختنا پانزينێ.
لدووماهيێ كهمال محهمهد بريكارێ كومپانييا سهردار دبێژيت: دهربارهى بازارى ل كومپانييا مه ب چ رهنگان گۆهرين ناهێنه كرن، كارتێكرنا بازارى ل مه ناهێتهكرن، ژبهركو ئهم بريكارێن سهرهكى نه ل ههموو ئيراقێ و بازارێ مه يێ خۆجهه. دهربارهى بازارێ مه ب دو رهگان دهێته كرن ب شێوهى قست و كاش، ب شێوهيێ قست 40% بهايێ پێشهكى ددهن، د ماوهيێ ئێك تا سێ سالان مافێ ههى بدهت، ههر ديسان ترۆمبێلێن مه ژ جورێ نيسان كو كارێ يابانييه و ژ باشترين جورێن كومپانييا، لهورا ئهڤهژى دبيته ئهگهر كو بازارێ مه ههموو دهمان يێ گهرمه و بلندبوون و نزمبوون رهوشا بازارێ مه تێكنادهن.
|
|
|
|
|
|
|
