| |
|
|
| 2012-05-22
|
|
مذدێن: چو جارێن دي خوه چپلاق ناكهم و پرِۆژةيێن نووتر من ههنه |
 ههڤپهيڤين: ژهنيار/ ههولێر
خانما سترانبێژا كورد مژدێن سالح كو د راگههاندنا كوردي دا پتر ب "مژدين" هاتييه ناسين، خهلكا باژێڕێ سلێمانييێ يه و ل وهلاتێ هۆڵهندا ئاكنجييه، ههر ل وي وهلاتي دهست ب كارێ هونهري كريه و دو سترانێن كليپكري ههنه، د ئێك ژ ڤان كليپان دا ب نيڤ چپلاق دهردكهڤيت و ئهو دبينيت كو ئهو يهك داهێنانه، د ڤێ ههڤپهيڤينێ دا چهند پرسهك ل دۆر ژيانا وێ يا تايبهت و كار و پڕۆژهيێن وێ يێن هونهري هاتيه بهحسكرن.
وار: مه دڤێت مژدێن ژ نێزيكڤه بناسين، دير ژ بيۆگرافي و چالاكيێن هونهريێن ته؟
-ئهز نه كهسهكا ساده مه، پتريا دهمێ خوه ب هزركرنێ ڤه دبم ، چهوا كارهكي بكهم كو مفا بۆ جڤاكي و ههموو جيهانێ ههبيت، ب تايبهت ژي بۆ رۆژههلاتا ناڤين، چونكو ئهو دناڤا خوونا من دانه و دخوازم هاريكاريا وان بكهم ب هزر نهكو ب جهسته!.
وار: د ڤێ گهردوونا مهزن دا، مژدێن هزرا خوه د چ دا دكهت و هيڤيێن وێ چنه؟
-ئهگهر ل سهر ئاستێ جيهانێ بيت، دخوازم وهكو كوردهك زمانێ كوردي ب رێكا هونهرێ خوه ب جيهانێ بناسينم و ئهز دێ كاري ژ بۆ ڤي لايهني ژي بكهم، لهوما پهيجا من يا ب ناڤێ (Mzhden World) ئانكو "مژدێن جيهان"، ئهڤه ژي نهك ژ بهركو ئهز كهسهكا جيهاني بم، من دڤێت زمانێ مللهتێ خوه بگههينمه جيهانێ، وهك زمانێ ئسپاني و فهرنسي كو ستران پێ بهێنه گوتن، ئهڤه هيڤييهكا منه. هزرێن خوه د وێ چهندێ دا دكهم كو جڤاكێ رۆژههلاتى ژ جڤاكهكێ ئۆلي بكهمه جڤاكهكێ پهروهردهيي و زانستي، ئانكو ل سهر بنهمايێن زانستي تاكێن ڤي جڤاكي بهێنه پهروهردهكرن
وار: دهمێ بوري دا ته كليپ و چهند وێنهيێن خوه ب بێ جلوبهرگ بهلاڤكرن ئانكو باشتر بێژين تو ب نيڤ رويس دهركهفتي، ته ڤيا ب رێكا ڤي كاري چ بێژي؟
-بهلێ من وێنهيێن خوه ب رويسي بهلاڤكره، د كليپا "پاداشت" دا، ب وێ چهندێ ژي ئهز چوومه د خانهيا ديروكێ دا، ژ بهركو ئهز ئێكهم هونهرمهندا ئافرهت بووم كو ل رۆژههلاتا ناڤين ڤي كاري بكهت، بێگومان من رێك نه دا خوه ژي كو وي كاري ئهز بێ هزركرن د ڤێ چهندێ ئهنجامبدهم. فهلسهفهيا خوه رويسكرنێ ل دهڤ من، خونيشاندانه وهك سروشتێ مرۆڤي ب خوه، رازيبونه ب جهستهيێ مرۆڤي وهكي كو ههي، ئهگهر پێ رازي ژى نهبيت دشێت چاكسازيێ تێدا بكهت، ئهڤه ژي بۆ وان كهسان كو ئاريشهيهك د شێوهيێ وان دا ههي و نهشێن خوه ب خوه رازيبن، خوه ئازار ددهن و ئانكو پتر دنڤن و ب ڤێ چهندێ پتر خوه دشێوينن، ئهز دبێژمه وان كو ههرنه بهر خوهديكێ و ب بێ جلوبهرگ خو ببينن، ئهگهر ته ديت تو يا جواني د وي دهمي دا دێ ته پتر باوهري ب خوه ههبيت، ئهگهر جههكێ ته يێ كرێت بوو، ب هاريكاريا كهسێن پسپۆر چارهسهريێ ژبۆ بكه، ب كورتي ئهڤهيه فهلسهفهيا من د ڤي كاري دا كو ل سهر بنهمايێ زانستي دهروونناسييه. ئهگهر سادهتر ژي بێژين بو وێ چهندێ يه كو زهلامێن رۆژههلاتي كێمترين تشت رێكێ ب ههڤژين و خوشكێن خوه بدهن جلوبهرگان ب دلێ خوه لبهر بكهن، پترايا ئافرهتان دخوازن كراسهكێ ساده ل بهر بكهن، بهلێ زهلام رێكێ پێ نادهت.
وار: ل ڤان داويا ته راگههاند كو ئهزموونێ خوة رويسكرنێ دووباره ناكهي، سهدهم چنه؟
-من ئهڤه كاره كر كو بچيته دخانهيا ديروكێ دا، وهكو كارهكي كو نههاتيه كرن و من بهحسێ فهلسهفهيا ڤێ چهندێ ژي كر، دێ يا بێ مانا بيت ئهگهر ئهز ڤي كاري دووبارهبكهم و ئهز ڤي كاري دووباره ناكهمهڤه، من گهلهك هزر و كارێن نوو ههنه، گهلهك كارێن دي ههنه ئهز بكهم، دوير ژ خوه رويسكرنێ.
وار: وهك كو ژ ته ژ پهيجا تهدا يا بهرچاڤه، گهلهك كهسا دهستخوهشيا ڤي كاري ل ته كريه و گهلهكا ژي رهخنه ژ ته گرتنه، ئهڤ دوو پهيامه ته چهوا خوهندن؟
-سهركهفتنا ڤي كاري ژ ههردوو لايێن باشي و خراپي، كهسێن رهوشهنبير ل دۆر ڤێ چهندێ نڤيسي و شيكاري ژي ژبۆ كرن، ئهز سوپاسيا وان دكهم ههر ژ جهماوهرێ خوه و نڤيسهر و رۆژنامهنڤيسێن كورد، تورك، عهرهب و هۆڵهندي ژى. وهك ئهم دزانين تهنێ كارێن دووباره دهستخوهشي لێ دهێته كرن و لهوما دژايهتيا وێ ژي هاتهكرن، ئهڤ كاره نههاتبوو ديتن و تايبهت و ئاوارته بوو، پتريا وان ژي داخوازا لێبوريێ كرن و نها مفاي ژ بابهت و نڤيسينێن من وهردگرن.
وار: نها دبينين كو تو ب رێكا فهيسبووكێ ڤه بهحسي بابهتێن دهرووني دكهي و رێناماييێن دهرووني ددى خهلكي، ب تايبهت ژي رێناماييێن سێكسي؟
- د بواري دهرووناسي و زانستێ دا، دهروونناسيا سێكي دا كهس نييه ل ههموو رۆژههلاتێ بشێت مفاي بگههينيت، جهماوهر ژي پێدڤييهكا بهرچاڤ ب بهرسڤا وان پرسياران ههيه كو د مێشكێ ويدا چێدبن، ئهز د ڤي بواري دا هاريكاريا وان كهسان دكهم، ژ بهركو من بۆ دهمێ 14 سالان زانستێ دهروونناسي يا نهخوهشيان خوهنديه، نهكو بابهتێن سێكسي بهلێ زانستێ سێكسي. ههر كهسهكي پرسيار ل ڤي بابهتي ههبن دێ شێت سهرهدانا پهيجا من ب ناڤێ مژدێن وۆرلد (Mzhden World) بكهت.
وار: ژيانا خوه يا رۆژانه چهوا دهربازدكى؟
-د ڤي دهمي دا ئهز د بێنڤهدانا خوهندنا زانكويێ دا مه كو ل زانكويا ئهمستردام د پشكا بێهن و پێدڤيێن پێست وهك كرێم و پێدڤيێن وێ دخوينم و بهري نها ژي من د پهيمانگهها پسپۆريا جوانكاريێ داخوهنديه. نها ئهز دخوينم ژبوي خوه ئامادهكردن بۆ تاقيكرنا دوماهيا سالێ، ل وهرزشێ دووركهتمه و روژێ دووجارا دچمه دهرڤه ژ بوي دهم بوراندنێ، هندهك جارا ب پايسيكلێ دچمه دهف رووبارهكي ژ بوي كو كێشهيا من زێدهتر نهبيت و پارێزگاريێ لێ بكهم، چهند رۆژهكا د ههفتيێ دا من يا دياركري ژ بوي كو هوشياريێ بدهمه خهلكي ب رێكا نڤيسينێن خوه ب رێكا ئينتهرنێتێ، ههموو روژێ ئهز ڤي كاري ناكهم ژ بهركو گهلهك دهم دڤێت و پێدڤيه مێشك گهلهك ب بابهتێن دهروونناسي نههێته مانديكرن، ژ بهركو پتريا زانايێن دهروونناسيێ د دوماهيا ژيانا خوه دا عهقلێ خوه ژ دهستدانه.
وار: د بهرنامهيێ ته دا نينه سهرهدانا ههرێما كوردستانێ بكهي؟
- د ڤي دهمي دا د بهرنامێ من دا نينه بێمه كوردستانێ بهلێ من دڤێت كۆنسێرتهكا خێرخوازي ساز بكهم ژ بوي هاريكاريا نهخوهشخانهيهكا دهرووني پێ بكهم و پێدڤيه لايهنێ ئهمني ژي بۆ من دابينبكهن ئهگهر ئهز بهێمه كوردستانێ.
وار: ههتا چهند ئاگههداري هونهر و موزيك و سترانا دهڤهرا باديناني، د بهرنامێ تهدا نينه سترانا ب باديني بێژي؟
-راستي ئهز ل ئهوروپا دژيم و ل ڤێره ژي من دهست ب ستران گوتنێ كريه، من ب خوه ژي خوه فێري پتريا مهقامان كريه و ئاگاداري كارێن هونهريێن هونهرمهندێن گهنجێن بادينانم، بهلێ من شارهزاييهكا باش د ڤي شێوهزاري دا نينه، تهنێ دشێم سترانا پێ بێژم، دێ بهختهوهر بم گهر ب ڤي شێوهزاري كاربكهم، دێ بهختهوهر بم ب ڤي شێوهزاري سترانا تۆمار بكهم.
وار: كار و پرۆژێن ته يێن نوو چنه؟
-من پرۆژهيهكي مهزن ل گهل رێڤهبهرێ خوه ههيه، ل كوردستانێ مه بهحس كريه، بهلێ پێدڤي ب سپۆنسهرێن گهلهك زهنگين ههيه، چونكي ڤي پرۆژهي پارهيهكێ مهزن پێدڤيه و تهنێ ب كۆمپانيايهكێ ناهيته ئهنجامدان، د ڤي دهمي دا من پێ باش نينه بهحسي ناڤهرۆكا وى بكهم. سترانهكا من يا ئامادهيه كو بهحسي عهشقێ دكهت و ژ بهركو كارهكێ نوو نينه لهوما من نهڤێت ئهز كليپبكهم، پشتي كليپا سترانا "پاداشت" من پروژێ كارهكێ دي ههيه، چيرۆك و تێكست و ميلۆدي يا وێ من ئامادهكريه، ئهڤه كارهكێ تايبهت و جودايه و دويره ژ خوه رويسكرنێ، بێگومان دێ چاكسازييهكا جڤاكي بيت. |
|
|
|
|
|
|
