| |
|
|
| 2012-05-15
|
|
پتر ژ 70 كهسان ب سهدهمێن نێچيرێ هاتينه گرتن |
 بههدين نهێلي
بۆ زێدهتر پاراستنا سيما و جوانييا سروشتێ ههرێما كوردستانێ، هێزێن پێشمهرگێ پاراستنا ژينگههێ ل پارێزگهها دهۆكێ، كارينه هژمارهكا سهرپێچيكاران، ب كريارێن گرتنا ماسيان و كوشتنا گيانهوهرێن كووڤي ل دهڤهرێ رابووينه دهستهسهر بكهن.
بهرپرسێ هێزا پێشمهرگێ پاراستنا ژينگههێ ل پارێزگهها دهۆكێ بۆ وار خوياكر، هێزێن وان كارينه 24 كهسان ل سهر ئاڤا ديجلهي كو مژوولي گرتنا ماسيان بوون دهستهسهر بكهن و گۆت: ههر بسهدهما گرتنا ماسييان، وان 14 كهسێن دي ل سنۆرێ دهڤهرا شێخان گرتينه. عهبدولكهريم ئێتووتي ئاشكراكر، ههر د چارچۆڤێ لێگهريانا هێزێن وان دا، 19 كهس بسهدهما نێچيرا كووڤييان ل ناوچهيا نههلێ، ژ ئاليێ هێزێن وان ڤه هاتينه دهستهسهركرن و زێدهتر گۆت: بتنێ ل ههياما دو مههێن دهربازبوويي، ههر ل يهكێ مهها سێ تا نها، هژمارا وان كهسێن بسهدهما سهرپێچيێن ژينگههێ ژ ئاليێ وان ڤه هاتينه گرتن زێدهتري 70 كهسان بووينه.
ئێتووتي خوياكر ژي، ههياما قهدهغهيا راڤا ماسيان تا پازدهيي مهها شهش دێ ڤهكێشيت و دياركر، پشتي ههياما قهدهغهكرنا راڤا ماسيان ژي خلاس دبيت، وهلاتي دكارن ب رێكێن ياسايي راڤا ماسيان بكهن و ههر وهلاتييهكێ رێكێن نهياسايي بۆ گرتنا ماسيان بكار بينيت، دێ ب توندي رووبرويێ پێرابوونێن ياسايي بيت و تهكهز ژي كر هێزێن وان د بهردهوامن بۆ گرتن و دهستهسهركرنا كهسێن سهرپێچكار.
|
|
|
|
|
|
|
