| |
|
|
| 2012-04-17
|
|
تركيا وهكى پۆليسێ دهڤهرێ |
 ئارمانج گوههرزي
پشتي ههڕفتنا دهستههلاتا شاهێ ئيرانێ لسهر دهستێن خومهيني، ئهمريكا تووشي ئالۆزييهكا سياسي كر، ژبهر كو ل رۆژههلاتێ ههڤپهيمانهكا خوه يا ههرى بهێز ژدهستدا، ئهڤێ رهوشێ ژي ههڤڕكييهكا بهێز پهيداكر ل مابهينا رۆژئاڤايێ و رژێما نوو يا ئيرانێ و شهڕێ ئيراقا ئهرهبي و رژێما نوو يا ئيرانێ خوهيابوونا ڤێ ههڤڕكييێ بوو، لێ دهوسا شاهێ ئيرانێ ب سهدامى نههاته گوڕێ ل رۆژههلاتا ناڤين، پشتي كو ئهوقاس ههڤكارييا ئهمريكايێ بۆ رژێما بهعس كرى، زێدهباري بارگرانييێ چو مفايهك دن نهما، لهوا تركيێ كو دهولهتهك لگۆر سيستهما كاپيتاليزمێ تهڤ دگهڕييا و ههمژي ئاڕێشهيێن كهڤنار دگهل بلۆكێ سوسياليزمێ ژي ههبوون، ژ بلي جهێ وێ يێ جيوپۆلتيكي بوو ئهگهرێ ئهلترناتيفێ رژێما شاهێ ئيرانێ ل رۆژههلاتا ناڤين، كو تاكو نها وهكه رهشهكێ ئهمريكا و ئهورۆپايێ تهڤ دگهڕه، تركيێ ئارمانجێن كهڤنار لژێر گهلهك پهردهيان ل ڤێ دهڤهرێ ههنه، لهوا دخوازه پێكبينه و بههڤڕا كهتينه ههڤپهيمانێ. ئهڤ ستراتيژييا دڕندهيا ڤان هێزان بوويه ئهگهرێ مهزنترين كارهسات بۆ گهلێ كورد، كو ئێك ژ خالێن بنگههينا ڤێ ستراتيژيكا دڕنده ژ لايێ تركيێڤه تێكشكاندنا گهلێ كورده، وهكه چهندين جاران ژ دهڤێ بهرپرسێن ههره بلند هاتينه دهر، وهكه تانسو چيلهرێ دهما گوتي، ئهو كورد يێ باشه ئهوێ مري، يان گهر دهولهتا كوردي ل ئهفريقيايێ بهێته دامهزراندن ئهمێ پێكۆلا ههڕفاندنا وێ بكهين!! ئهڤهژي ههم رهگهزپهرستييا تركانه و ههم ژي ئارمانجا وان دياردكه، كو ڤهگهراندنا ئاخا ئيمپراتۆرييا ئوسماني دخوازن، خوه وهكه گهلهكێ ژێهاتي و پيرۆز بدهن قهبوولكرن، وهكه ئيسرائيلا نها، لێ تاكو نها مهزترين پرسگرێكا وي گهلێ كورد كو ب ههموو پێكۆلا خوه ب ههڤكارييا ئهمريكا و ئهورۆپايێ، زێدهباري ناتويێ، نكارييه بێى چارهكرنا پرسا گهلێ كورد پێشڤه بچه و دهورهكێ كاريگهر بگێڕيت ل دهڤهرێ، بۆ ميناك، دهمێ بهري دهمهكى موقتهدا سهدرێ سهركردهيێ بالهكێ ههره بهێزێ شيعه گوتييه، ئهردۆگان گهر تو يێ ژێهاتيبي پرسا گهلێ كورد چارهكه و خوه نهكه زهلامێ ئێكێ ل رۆژههلاتا ناڤين، ئهڤهژي دهورێ ئهردۆگانى دياردكه كو ب وێ پيلانا كو لژێر ئيسلاما ميانڕهو دهركهتييه هولي ب پشتهڤانييا هێزين ئيمپرياليزم نكارييه، ژ بلي مهزههبێ سوننه كارتێكرنهكا باش ل دهڤهرێ ههبه، يا ههرى گرنگ ديسان ل ههمبهرى دژوارترين ئايدولوژي بێى چاره مايه، كو ئهوژي ئاپۆسيزمه، كو بۆ ئێكهمين جاره گهلێ كورد لژێر ئايدولوژييهكا ههره رێكخستي خودي بنگههـێ ستراتيژي و فهلسهفي دهێته مهيدانێ، ههم كارييه ئهلترناتيف به بۆ سيستهما نها ههمژي ب وێ ئيسلاما ميانڕهو ساختهژي رازي نابه و خودي تيورييهك ههره خورته ژ بوونا ڤێ ئيسلامێ، ئهڤ ژي بوويه ئهگهرێ شهپرزهبوونا دهستههلاتا فاشيزما ترك، كو وهكه جاران نكاره گهلێ كورد لژێر سۆزدارييا ديني گهل بخاپينه، ل باشۆر ژي كو بههر ئاوايهكێ به كورد دهستههلاتدارن ل كێلهكا وێ، وێ بڤێت نهڤێت ستاتويهك خوهسهره، ئهڤهژي ديسان هێزهكا دهرووني و ئابووري و جڤاكي و ئيكونومي و پۆلتيكييه بۆ كوردان، ل بيرا مهيه دهما بارزاني گوتي، گهر تركيێ نهراوهسته ژ گهفێن خوه، ئهمژي دێ مايتێكرنێ ل ئامهدێ بكهين، گهر ئهم وهكه شهڕهكێ پرۆپاكهنده ژي ژ ڤێ بهزرين، ديسان بنگهههك مێژويێ و ههڤڕكييهكا درێژا كهڤنار ديار و خوهيا دبه د ناڤبهرا گهلێ كورد و رژێما تركيێده.
ل سووريايێ ژي نها بهارا ئهرهبي برێڤهيه، كوردێن رۆژئاڤايێ ژي هيڤييا ساتويهك و ههبوونا ناسنامهيا خوه و وهلاتێ خوه دكهن، لهوا تهڤلێ شۆڕشێ بووينه، كو سهركهڤتنا وان هندهك مايه وێ پارچهيا رۆژئاڤايێ ژي يا گهلێ كورد بگههه مافێن خوه، ئهڤهژي ديسان تركيێ ئێخستييه دناڤا ههولداناندا پێخمهت نهگههشتنا گهلێ كورد ب مافێن خوه يێن رهوا.
كونگرهيێن ئۆپۆزسيۆنا سووريايێ ل تركيێ ئهڤێ چهندێ دياردكه كو نهبههسكرنا مافێن گهلێ كورد هاته كرن، نهژي كورد وهكه هێزهكا ئۆپۆزسيۆنێ بهشداركرن، كو تركيێ سهرپهرشتييا ڤى كۆنگرهيى دكر، لێ كۆنگرهيێ ههولێرێ لژێر چاڤدێرييا سهرۆكێ ههرێمێ مسعود بارزاني ديسان هيڤييا وان خورتتركر و ههبوونا كوردێن رۆژئاڤايێ وهكه هێزهكا كارێگهر و وهكه ئۆپۆزسيۆنا سووريايێ بۆ رايا گشتي خوهيا و بهرچاڤكر، ئهڤ ژي وهكه مه گوتي پارچهيا باشۆر رۆلهكێ كاريگهر ههيه بۆ سهرئێخستنا پارچهيێن دن، گهر ب دلسۆزي تهڤ بگهره بۆ مافێن گهلێ كورد دوور ژ بهرژوهنديێن بهرتهنگ.
ئيران ژي كو دناڤا گێلهشۆكا ئاڕێشهيێن رۆژههلات و نێڤدهولهتيدا مايه وهكه هێزهكا نهكاريگهر و پێگههێ خوه يێ ئابووري ژي هێدي هێدي ژدهستددهت، كو ئهڤهژي ئيفليجبوونا رژێما ئيرانێيه، ژبهر كو پرانييا گرۆپهيێن دهڤهرێ وهكه حهماس و حزبوللا يا لوبنانى و چهندين رێكخراوێن دن يێن تيرورێ لژێر دهستێن رژێما ئيرانێ خوهديێ يارمهتيێن ئابوورينه ژ ڤێ رژێمێ، گهر ئهڤ پێگههێ وێ بێى هێزبه مژارا ههڤكارييا وان يا ستراتيژي ژي دبه وێ بهێته گوهۆڕين، يا دن گهلێ ئيرانێ كو ههست ب پاشكهڤتنێ و پاشڤهمانێ دكه بهرامبهرى دهولهتێن دهردۆر ل ههموو واراندا، نهخاسمه مژارا ئازادييێ (هاتنا تاكێ ئيراني بۆ كوردستانێ مێشكێ وي ژ ڤێ ئازادييێ سهرسام دبه، ئهڤه ب خوه من ل ئيرانێ ب دهڤێ چهندين گهنجان بهيست و پڕ داغباربوون)، ئهڤهژي بوويه ئهگهر بالێ سبزكو خوه وهكه ئۆپۆزسيۆن راگههاندييه ژ لايێ گهنجانڤه بهێته پشتهڤانيكرن و ببه بالهكێ ههره خورت، كو داخوازا ريفروما سيستهما دهستههلاتێ دكه، واته، ئيران ژي لسهر لێڤا قهبرييه، ژ بوونا ل ڤێ پارچهيێ ژي كورد ههنه و خوهديێ چهندين پارتێن بهێزن و دههر كاودانهكيدا ئيران تووشي شۆڕشهكێ ببه دكارن مافێ خوه بدهستبێخن و خوه ل گهلێ خوه دهربكهڤن.
تركيێ ژي ڤێ باش دزانه، لهوا ههرتم ههولا پشتهڤانيكرنا وێ ددهت، گهر هنهك جاران بههڤڕا بچن، لێ د بنگههدا خوهدييێ ئێك ستراتيژيكن ل ههمبهرى گهلێ كورد، ئهڤهژي گهلهك جاران رۆلێ كو رۆژئاڤا دايه تركيێ ل ههمبهرى ڤان دهولهتان دئێخه دناڤا ناكوكيێدا، مينا لێدانا ئيراقێ ژ لايێ ئهمريكايێڤه، كو تركيێ رازينهبوو ئهمريكا لهشكرێ خوه ل هێلا سنۆرێ تركيێ بهێنته ئيراقێ، ئهنجامێن پۆليسييا تركيێ گهلهك كێمه ل دهڤهرێ، نه ژ بوونا كاودانێن سهردهمێ ئيمپراتۆرييا ئوسمانييه، نهژي چاخێ شهڕێ ساره، نهژي گهلێ كورد رێيا ڤي رۆلى دده، يا دن هێزێن شيعهنه، كو خوهدي هێزن و ئاڕێشهيێن كهڤنار ههنه دگهل مهزههبێ سوننه، كو تركيێ خوه وهكه سهركێش دبينه، ئهڤجا گهر تركيێ وهكه دهولهتهكا ديمۆكراسي دوور ژبن پهردهيا ئيسلاما ئهورۆپايێ ل دهڤهرێ تهڤ بگهره، دبه وێ پێگههێ جاران بدهستبێخه، ههم بۆ رۆژئاڤايێ و ههمژي بۆ رۆژههلاتا ناڤين، گهر ژي كهماليزمێ تێكهلي ئيسلاما ئهورۆپايێ تهڤلي ههڤ بكه و لگۆڕي ڤێ تهڤلي ههڤييا ههردو ئايدولوژيێن جيواز و مهترسيدار تهڤ بگهره، وێ ههر تشتێ خوه وندا بكهت و پێگههێ خوه يێ ستراتيژي ژدهستبده و نهدووره ب ئێكگرتنا گهلێ كورد كوردستانهكا مهزن ستراتيژييا رۆژئاڤايێ ب تهمامي ل ههمبهرى رۆژههلاتا ناڤين بگوهۆرينه و ببنه خوهدي هێزهكا ههره كاريگهر، ههم بۆ رۆژئاڤايێ و ههمژى بۆ رۆژههلاتا ناڤين.
|
|
|
|
|
|
|
