| |
|
|
| 2012-04-15
|
|
پێشمهرگهيێن ئيلۆنێ و زانكۆيا دهۆك سهرا مهزارێ نهمران ددهن |
 جوڤان، سامي
وهك وهفادارييهك همبهر خهباتا بارزانيێ نهمر بابێ رۆحيێ نهتهوا كورد دو شاندێن زانكۆيا دهۆك يێ پێكهاتي ژ سهرۆكێ زانكۆيێ ب وهكالهت د. لقمان محمد و مامۆستا و فهرمانبهرێن زانكۆيێ و كۆمهلا مامۆستايێن شۆڕهشا ئيلۆنێ ب سهرۆكاتييا عهبدولواحيد ديبهگهي سهرا مهزارێ نهمران ل بارزان دان.
شاندێ زانكۆيا دهۆك ژلايێ شێخ خهلات كورێ شێخ عهبدوللا بارزاني هاتنه پێشوازيكرن، پشتي خواندنا سورهتا فاتحێ و دانانا گولا ل سهر گۆڕێ نهمران، پهيڤا زانكۆيا دهۆك ژلايێ سهرۆكێ زانكۆيێ ڤه هاته پێشكێشكرن و گۆت: ئهڤرۆ وهكو وهفادارييهك بۆ خهباتا بارزانيێ نهمر و كاك ئدريسێ جوانهمهرگ وهكو زانكۆيا دهۆك هاتينه مهزارێ نهمران داكو بێژينێ ههوه ب چهكێ خوه بهرهڤاني ژ مه و ئاخا مه كرييه ههتا ئهم گههاندينه ئهڤرۆ و ئهم دێ ب قهلهمێ خوه پارێزين و خهباتێ كهين.
ژ ئالييهكێ دي ڤه شاندهكێ كۆمهلا مامۆستايێن شۆڕهشا ئيلۆنێ ب سهرۆكاتييا عهبدولواحيد ديبهگهي سهرۆكێ كۆمهلا ناڤهاتي سهرا مهزارێ نهمران دان و ژ ئاليێ شێخ عهبدوللا بارزاني نوونهرێ سهرۆك بارزاني ڤه هاتنه پێشوازيكرن.
|
|
|
|
|
|
|
