| |
|
|
| 2012-04-12
|
|
نهزانينا پيرۆز 8-12 |
ئازاد دارتاش
ئازادي ب كۆمهكا مهرجان گرێدايه، ژوانا پراكتيزهكرنا ئازاديێ، ب گۆتنهك دي ئهڤ مهرجه ب ناخێ تاكهكهسي گرێدايه، يان تا چهند تاكهكهسێ ههنێ دكاريت ئازادييا خوه پراكتيزه بكهت، چهند زيرهك و ڤێرهكه كو ئهو تشتێ د ناخێ وي دا ههيه دهربينيت. ههروهها مهرجهك دن ژي ههيه، تاكهكهس چ پڕۆژهيهك ههيه، چونكه ل وي دهمي، مرۆڤ دكاريت ب ئاوايهكێ تهندروست ئازاديا خوه پراكتيزه بكهت، دهما ههلگرێ ديدهكا رهخنهگرانه بيت و ئهلتيرناتيفهكێ هێزدار و لۆژيكي ههبيت.
پرسيار ئهڤهيه، تا چهند تاكهكهس د جڤاكێن مهدا، بهرههڤه ئازاديا خوه پراكتيك بكهت و ل دهرڤهي كۆمێ هزر بكهت و وهك گيانهوهرهكێ هوشمهند ههبوونا خوه بسهلمينيت؟.
پرسگرێگا سهرهكي و كوژهك ل پرانيا جڤاكێن رۆژههلاتا ئيسلامي ئهڤهيه كو دهسهلاتدار و ئۆپۆزسيۆن وسا خوه پێناسه دكهن، كو نابيت تاكهكهس ل دهرڤهي بازنهيا وان دهربكهڤيت و ب ئاوايهكێ سهربخوه هزر بكهت و ل دهرڤهي كۆمێ بريارێن خوه بدهت. دهسهلات و ئۆپۆزيسيۆنا وهلاتێن ئيسلامي دخوازن مرۆڤ ههردهم ل ژێر كۆنترۆلا وان دابيت و تێز و گۆتن و درووشمێن وان ڤهگێڕيت و بۆ خهلكێ دي ڤهگوهێزيت و ژ ئاليێ مهعرفي وهك مرۆڤهكێ ههژار بمينيت.
كارهساتا مهزن ئهڤهيه كو تاكهكهس ب كوێلهتيێ رازي ببيت، ب تايبهتي ژ ئاليێ هزري ڤه, تهنانهت بهرهڤانيێ ژ كوێلايهتا خوه بكهت، يان بهرهڤانيێ ژ نهزانينا خوه بكهت. مخابن پڕانييا خهلكێ دهڤهرا رۆژههلاتا ناڤهراست دخوازن خهلكهك دي ل جهێ وان هزرێ بكهن و ب ديدهكا پيرۆز تهماشهي گۆتن و راڤهكرنێن وان بكهن، ژ ڤێ نهزانينێ ره دكارين تێگههێ (نهزانينا وێرانكار) بێژين.
ئهڤ دياردهيا كوژهكه كو مرۆڤ هزرێ د پرسێن چارهنڤيسازێن گرێدايي ب نها و ئايندهيێ خوه و خێزان و جڤاكێ نهكهت. لهوما ژي دهما تاكهكهس ب نهزانينا خوه، دهست ژ مافێ بنهرهتي و سروشتێ خوه وهك مافێ هزركرن و راڤهكرنێ بهردهت، و خهلكهك دي يان كهسهك ب تنێ ل جهێ ههموويان هزرێ بكهت و بريارێ بدهت. ئهڤ چهنده ژي دبيته ئهگهرێ دروستبوونا (ديكتاتوران) و پتر كووربوونا هزرێن رهها و يهك لايهن و چاندا تاك پهرهستي د كلتور و هشێ گشتي دا.
ديسان ئهڤ چهنده بوويه سهدهما نههايداربوونا تاكهكهسێ رۆژههلاتي لسهر ناڤهرۆكا گۆتارا ئهوێ دي ب تايبهت لسهر گوتارا ئهوێ رۆژئاڤايي، بهلكو سازيێن دهسهلاتدار د رۆژههلاتا ناڤين دا، ب تايبهت سازييا ئاييني ههول دا ديمهنێ ئهوێ دي، ل هشێ گشتي دا كرێت بكهن، نهخواستي يه تێكههلي لسهر بنهمايهك هوشمهند ساخلهم و سهقامگير دروست ببن.
|
|
|
|
|
|
|
