| |
|
|
| 2012-04-12
|
|
ب تفكرنێ ئهم دێ چاوا ب BDP ێ را گفتوگۆيێ بكهن؟ |
 مههمهد ئهلي بيراند
ئێدي ب وان حسابێن كهڤن يێن بهرێ و ب وي شهڕێ كو دبێژيت تو نهههقي ئهز ههقم، دڤێت ئهم دهستان ژێ بهردن و ئهو ههڤديتنێن كو د چوارچۆڤهيا ڤهكرنا پرسگرێكا كورد لسهر بنگهها قهنديل و ئيمرالي رێڤه دچوون ئهم وان ژي داننه لايهكي و بهرپهڕهكێ نوو و پاقژ ڤهكن، د ناڤ ڤي بهرپهرێ نوودا سێ فاكتهرێن گرنگ ههنه، ئهوژي ئهردۆغان و بهدهپه و ئۆجالان، ئهگهر ئهڤ ههرسێ فاكتهره خوه بدن ڤي كاري دشێن بسهركهڤن.
- دڤێت حوكمهت بهدهپێ جدي بگريت
وهسا دهێته فامكرن كو ئهنقهره ستراتيژييهكا نوو دانايه، ئهڤه دهمهكه بريار هاتبوون راوهستاندن و نها ژي دخوازن ژ نووڤه دهسپێبكن، لێ بهلێ ڤێ جارێ ب ئيمرالي و قهنديلێ را ههڤديتنان ناكن، ژ ئالييێ سيياسيڤه ئهو نێزيكاتي زێده ب ئاستنگبوو ژ بۆ دهولهتێ، ژبهر كو ئهو ههڤتيتنێن دهاتن چێكرن دهما كو نه لدووڤ داخوازا پهكهكێ بن، ناڤهرۆكا وان ههڤديتنان ددان ژ دهرڤه و ئهوه هێلا كو باوهرييا ئهنقهره بشكێت، ڤێ نێزكاتيێ هێلا كو چارهسهري چێنهبيت و وهسا دياربوو كو هێشتا شهڕ دڤێن.
نها برێكا بهدهپێ دێ دهست ب برياران بهێتهكرن لێ ئهڤه ژي مهرجێن وێ يێن گهلهكي گرينگ ههنه، دڤێت ئهردۆغان نهچيته سهر پهدهپێ ژ لايهكيڤه دێ وێ راكهت ل عهردي بدهت و ژ لايهكيڤه دێ گفتوگۆيێ لگهل بكهت، ئهڤ نێزيكاتيێن ب ڤي شێوهيي نابن. خالهكا دييا گرنگ ئهوه كو ب زۆرێ لسهر بهدهپێ بهێته فهرزكرن كو پهكهكێ رهد بكهت نابت، ئهم نهشێن ڤان نێزكاتييان بكن، بهرۆڤاژي دڤێت ئهم بهێلن كو ئهو ب رێكێن خوه ههڤديتنان چێكن ژبهر كو ئهگهر هاريكارييا پهكهكێ نهبت بهدهپێ ژي نينه دڤێت ئهڤ راستييه ژي بهێته ديتن.
خالا سييهمين يا گرنگ ئهوه كو هندهك جاران تهرزهكێ رهق و هشك و هندهك جاران ژي تهرزهكێ دي چێنابت، دڤێت لسهر تهرزهكي و نێزيكاتييهكا نهرم راوهستن و دهستان ژ ڤان نێزكاتيێن رهق ئهم بهردن.
- دڤێت بهدهپه بۆ خوه بهرپرسهكێ بريارێ ببينيت
ههتا نها ههمي پرسگرێك تاڤێتن سهر ئيمرالي و قهنديلێ و وهك لايهنێ گفتوگۆيێ و ئۆجالان ددان نيشاندان، سهلاحهدين دهميرتاش و گولتهن كشاناك د ئاخافتنێن خوهدا ب رهنگهكي ئاشكرا دياردكن كو بۆ بريارێ ئامادهنه، لێ بۆ بريارێ داخوازا مه ژ بهدهپێ ئهوه كو ب رهنگهكي لهز بزاڤێ بكهن و دناڤ خوه دا خهباتهكا جدي بكن بۆ پێشئێخستن و لهزكرنا ڤێ قۆناغێ، بۆ ڤێ ژي دڤێت بۆ خوه بهرپرسهكي بريارێ ببينن. دڤێت ئهو كهسايهتييا كو بهێته دهستنيشانكرن ل دهسپێكێ ئيمرالي و قهنديل پێ باوهر بن، ژ لايهكي دناڤ كوردان و ژ لايهكي دناڤ تركان دت ب رهنگهكي راست نێزك ببت، وێ دهمێ دێ قۆناغا بريارێ رهحهت و باش دهرباسببت و ههر سهرهك دهنگهك ژێ نادهركهڤت.
ئهم نها كهڤتينه دناڤ قۆناغهكا گهلهك ههستيار و گرنگ و دڤێت ئهم ههمي ژي هاريكاربن و ئهم چهند هاريكاربن دێ ههمي بهرپرسياري و بارێ ههره گران لسهر ملێ بهدهپێ بيت.
- ئێدي پهكهكێ ژي دڤێت بريارهكێ بدهت
دڤێت پهكهكێ ژ ئالييێ ستراتيژيڤه خوه رێكوپێك بكهت. ئهگهر ئهم تهماشهيي دهورووبهرێن خوه بكهين، ئێدي چو كهسهك تهكۆشينا ب چهكان قهبوول ناكهت، ل تركيێ ژي دهما چهك دهێته بكارئينان خوه رهق دكهت و رێكێن ئاشتيێ دهێنه گرتن. ژ لايێ نێڤدهولهتيڤه ژي تهكۆشينا ب چهكان ناهێته قهبوولكرن و ئهڤ چالاكيێن ب ڤي رهنگي ژي وهك چالاكيێن تيرۆري دهێنه لقهلهمدان. نها ئهز تهماشهيي پهكهكێ دكم لدووڤ هندهك ههڤپهيمانان دجيته سووريێ و ئيرانێ، بۆ قۆناغا نها ئهڤه تشتهكي نهيێ خرابه، ئهڤ پارتي دخوازيت چ بكهت و ژ كيژ لايهكيڤه دێ ستراتيژييهكێ ديار بكهت و ئهڤهژي دهێليت ئهنقهره بكهڤيته دناڤ رهوشهكا نهديارڤه. پهكهكه ژي نها ب تنێ تهماشهيي رهوشا ئهنقهره دكهت، كو دخوازيت دهست ب قۆناغهكا نوو بكهت و پهكهكه ب وێ قۆناغا نوو ياكو ئهنقهره دخوازت دهسپێبكهت زێده پێ نهباوهره و دبێژه ئهم دێ سهحكهنێ كا دێ چاوا بيت.
ب كورتي دو كليل ههنه، ئێك د بهريكا ئهنقهره دايه و كليلا دي ل چيايێ قهنديلێيه و دڤێت بهدهپێ د نابهينێدا رۆلا رێكێن چارهسهريێ بخوهڤه ببينيت.
|
|
|
|
|
|
|
