| |
|
|
| 2012-04-12
|
|
نهدووره قهرهبۆكرنا گوندێن سنۆرى ههتا پێنج مههێن دى بهێته راگههاندن |
 ههڤپهيڤين: بورهان
وهكو رێككهفتنهك دناڤبهرا حوكمهتا ئيراقێ و توركيێ فهره وهلاتيێن گوندێن سنۆرى يێن كو شهرێ pkk و حوكمهتا توركيێ لێ دهێنهكرن، بهێنه قهرهبووكرن، كو حوكمهتا توركێ ب ڤى كارى رادبيت، لێ حوكمهتا ئيراقێ خۆ بێدهنگ كرييه! ل ڤێره پارێزهرهك ب ناڤێ (ههڤال وههاب رهشيد) رابوويه ب ڤى كارى كو دۆسيهيێن وهلاتيێن ڤان گوندان بۆ دادگهها تاوانان ل بهغدا بلند بكهن و ئهو ژى بهێنه قهرهبووكرن. ل دۆر ڤێ پرسێ كا چهند مامهله هاتينه وهرگرتن و چ شێوازه؟ گرێبهست دگهل پارێزهر و وهلاتييان ب چ رهنگه؟ و چهندين پرسێن دى ل ڤێ ههڤديتنێ دگهل پارێزهرى هاتينه بهحسكرن.
پارێزهر (ههڤال وههاب رهشيد) ل دۆر جوداهييا ڤى قانوونى دگهل يێ ماددهيا 140 و كا كيش گوندان ڤهدگريت، دبێژيت: “چ گرێدانا ڤى كارێ قانوونى ب ماددهيا 140 ڤه نينه، بهلكو ئهڤ بابهته ژ هندێ هاتييه كو رێككهفتنهك د ناڤبهرا حوكمهتا ئيراقێ و توركيێ دا ههبوويه كو ئهو گوندێن ل سهر هێلا سنۆريێن ههر دو وهلاتان؛ ژبهركو ئهڤه ژ سالا 1968ێ ههتا سالا 2003ێ و ههتا نوكه ژى ژبهر شهرێ پهكهكێ و حوكمهتا توركيێ نهشياينه بچنه سهر گوندێن خۆ بهێنه قهرهبووكرن، ههتا نوكه توركيا يێ قهرهبوويا وهلاتيێن خۆ دكهت، لێ ئيراق چ بۆ هندێ نهكرييه، لهوا مه ديت كو ئهڤ وهلاتيێن ڤان گوندێن سنۆرى چونكو نهشێن مفاى ژ بهرههمێ گوندێن خۆ وهربگرن، دڤێت بهێنه قهرهبووكرن و ئهڤه مافێ وانه، ههر ژبهر هندێ ئهم دێ ڤێ كێشهيێ ل دادگهها تاوانان ل بهغدا تۆمار كهين و دێ داخوازا مافێ ڤان وهلاتييان كهين، چونكو ئهڤ دادگههه ههتا ههتايێ نامينيت. ئهو دهڤهرێن مفادار ژ ڤێ قانوونێ (ههموو گوندێن نێروهييان، ههموو گوندێن رێكانييان، دۆسكى ژۆرى، شهتئينيسى، بيرى، نهێلى و دو گوندێن بهروارييان). ديسان ناڤبرى دياركر كو ههر ئهو ب خۆ يێ ب ڤى كارى دكهت و چ لايهنێن حزبى و ميرى پشتهڤانييا من نهكرييه.”
ل دۆر مهزاختنێن ڤى كارى هاتينهكرن و شێوازێ گرێبهستا ناڤبهرا پارێزهرى و وهلاتيێن پارێزهر ههڤال دبێژيت: “ههتا نوكه مه 10 هزار مامهله ژ وهلاتييان وهرگرتينه، و ل ڤێ مههێ دێ بۆ لايێ بهغدا چم، و ههتا قۆناغهكا دى نوكه چ مامهلهيێن دى ناهێنه وهرگرتن، لێ ئێك دينار ژى ژ كهسهكى نههاتييه وهرگرتن، بهلكو پارهيهكێ مهزن ژ لايێ من ب خۆ ڤه ههتا نوكه ل ڤى كارى هاتييه مهزاختن، لێ گرێبهستهك د ناڤبهرا مه و وهلاتيێن خودان مامهله ههيه كو ئهگهر هات و ئهڤ مامهله سهرگرت 7% ژ وى پارهيێ وهردگرن دێ بۆ من و پارێزهرێن دى بيت، كو نوكه ههفت پارێزهر دگهل من كار دكهن، لێ ئهگهر سهرنهگرت ئهم چ پارهى ژ كهسهكى وهرناگرين.”
ل دۆر ئهو جۆرێ بابهتێن هاتينه وهرگرتن، و ماوهيێ گههشتنا ئهنجامان ههڤال دبێژيت: “ل دووڤ قانوونا دادگهها تاوانێن بهغدا، ب تنێ ژ وان خێزانان دگريت يێن كو ل ناڤبهرا سالا 1968ێ ههتا 2003ێ خێزان پێكئيناينه، گهلهك كهسێن نهمفادار پێشكێش كربوون، لێ مامهلهيێن وان نههاتينه وهرگرتن، لێ ئهگهر هات و ئهڤ قۆناغا مامهلهيان سهرگرت، بۆ قۆناغا دووێ دێ يێن دى ژى وهرگرين. چێدبيت ههتا پێنج مههان ئهڤ بابهته ڤهكێشيت ههتا كو بگههيته ئهنجامهكى، لێ ئهز چ سۆزێن سهرگرتنێ نادهمه كهسهكى.” |
|
|
|
|
|
|
