| |
|
|
| 2012-04-12
|
|
بهرنامهيێ نێزيك دناڤبهرا ريكلام و ديارييان دا .. زێدهبوونا بهرنامهيان و گرێدانا بينهري |
 بێوار محهمهد تاهر
زێدهبوونا بهرنامهيان و گرێدانا بينهري ب شاشێ ڤه تايبهت كهنالێن كوردي يێن نافخۆيي، گرنگيا ڤان بابهتان يان بهرنامهيان د ناڤا جڤاكێ مه دا، تێلهڤزيونا دهوك ئهڤه چهندين بهرنامه پێشكێشي بينهرێن خۆ كرن، ههر ژ بو ڤێ يهكێ دابينهرێ وێ ببيته ئێك ژ كارمهندێن تێلهڤزيونێ ڤێ تێلهڤزيونێ گهلهك بينهر ل خوه كومكرينه و گهلهك بهرنامه پێشكێشكرينه، وهك باغێ بينهران، پشكڤين، و ستێشن و گهلهكێن دي، يا خويا د ڤان نيزيكان دا بهرنامهكێ دي و بناڤودهنگ كهفتي ئهو ژي بهرنامێ نيزيكه، ههر بو ڤێ يهكێ مه خۆ نيزيكي چهند جهان كريه داكو پتر رهوشا ڤي بهرنامهي بزانين، د ڤێ دووڤچۆنێ دا.
لدهستپێكێ رێڤهبهرێ بهرنامهيان ل تێلهڤزيونا دهوك (عهدنان يوسف) وه ها پهيڤي وگۆت: ههر كارهكێ ئهم ئهنجام بدهين ژ بو وێ يهكێ داكو خزمهتێ پێشكێشي بينهرێ خوه بكهين، چهندين پلان پێ دڤێن، لێ ئهگهرێ پێشكهفتنا بهرنامهيي ئهم چهندين ئارمانجان ددانين كۆ گهلهك خهلك د شاشێ دا دهربكهڤن، لهورا مه هزر د بهرنامهكي دا كر ئهو ژي پشتي كو خۆدانێ بهرنامهيي ب خوه هاتي و بهرنامهيێ خو پێشكێشكري، مه گۆتێ ههره بو خوه هندهك پونسهريان بگهره داكو پتر بهرنامه پێش بكهڤيت، ديسان پشتي چهندين كومپانيان خوه ل بهرنامهيي كريه خودان، بهرنامه كهته د كاري دا، ديسان گۆت: د ڤي بهرنامهي دا پتر ژ 40 تا 50 كهسان د شاشێ دا دهردكهڤن، ديسان ئهڤ كهسه دێ بێژنه چهند كهسوكارێن خوه دێ چهندين خێزان تهماشهكهنه ڤي بهرنامهيي، ديسان مهرم ژ ڤي بهرنامهيي ئهوه كو پێزانينان لجهم خهلكێ مه پهيدابكهت، ديسان لدور ديارين ببها گۆت: براستي دياريێن ڤي بهرنامهيي ههمي ببهانه و ههر كهسێ پرسيارا خوه زاني دێ دياريێ وهرگريت، مهرما مه د ڤي بهرنامهي دا ئهوه ههمي دياري و خهرجي بو بهرنامهيي بن، چ بو تێلهڤزيونێ نهبن داكو بهرنامه پتر ب رهوش بكهڤيت، ديسان ل دور مانا بهرنامهيي گۆت: براستي ئهم ب خوه روونشتنان لسهر بهرنامهيان دكهين، كا ئهڤ بهرنامه راوستيت يان دێ يێ بهردهوام بيت، بو ڤي بهرنامهيي ئهز دبێژم دێ يێ بهردهوام بيت، چنكو يێ سهركهفتيه، نها گهلهك كومپاني د ڤي بهرنامهي دا پشكداربوينه و گهلهكێن دن داخوازيا پونسهريێ دكهن، د ڤي بهرنامهي دا، دێ يێ بهردهوام بيت هندي پشتهڤاني ههبيت و ژلايێ خهلكي ڤه يێ خوش بيت، چنكو ئهڤ بهرنامه خو نيزيكي جهێن كهيفێ دكهت د ناڤا خوشێن خهلكێ دا، لهورا خهلك حهز ژێ دكهت، ديسان لدور زۆريا نفشێ مێ د بهرنامهي دا گۆت: ههلبهت ئهڤه پرسا ههمي لايهكيه كا بوچي نفشێ مێ د بهرنامهي دا پتره، لێ ئهڤ پرسه راسته خهلك دكهن چنكو ههر ئاههنگهكێ يان ههر سمينارهكێ تهماشهكهينێ باراپتر زهلامن، مه دڤێت كچێ ژي ژ ڤێ يهكێ بێبههر نهكهين، لێ د ڤي بهرنامهي دا دبيت چ جيوازيا وهسا مهزن نهبيت بو كچ و كوڕان، د ڤي بهرنامهي دا دبيت كچ سهرنجراكيشتر بيت بو شاشێ، ئهم پێكولان دكهين وهكي ئێك بيت داكو خوشتربيت و سوپاسيا رۆژنامهيا وار دكهم بو ڤێ دووڤچوونێ.
سهركهفت رهشيد راهێنهرێ وهرزشي ل كوليژا ئادابێ گۆت: ههبوونا ههر تشتهكي كێمي و كاسي ههر دێ ههبن، لێ بهرنامهيێ نيزيك تانها چ كيماسي نهبووينه و بديتنا من ههبوونا بهرنامهكێ وهكي بهرنامێ نيزيك زويكا بناڤودهنگ كهفت و بو جهێ سهرنجراكێشا خهلكي و زويكا خهلكهكي داخوازكره د ناڤ ئاههنگ و خوشيێن خوه دا، لڤێره تشتهك دياردبيت ئهو ژي بدياريێن خوه يين پر بها شيا تشتهكێ جوان پێشكێشبكهت، چنكو پرسيار يان ژي دهركهفتناكهسهكي د كهنالهكي دا دڤێت دياريهكا وهسا وهربگريت كو سوباهي شهرم ژ خوه نهكهت، ههبوونا بهرنامهكي د ناڤا جڤاكێ مه دا چ دياردكهت، ئهم وهسا تهماشهيي هندهك تشتان دكهين كو جڤاكێ مه هێشتا خوه نابين جڤاكهكێ مهدهني وهكو ههر جڤاكهكي لێ ههبوونا بهرنامهيان د ناڤ سهيرانان دا يان ئاههنگان، د ناڤا خێزانان دا دێ هێدي هێدي خهلكهك خو نێزيكي وێ چهندێ كهت كو ئێدي ب وێرهكي خوه د كهنالهكي دا ببينيت، سوپاسيا ههر كهنالهكي دكهم كۆ ئيرۆ خوه بخودان بزانن، راگههاندنێ بشێوهكێ جوان بگههينن.
ئهحمهد مزووري وهك گهنجهك وهها گۆت: براستي بهرنامهيێن نها ههمي وهكو ئێكن دبيت مرۆڤ چ خوشيێ لێ نهبينيت، دخوازم كهنالێن مه وهكو يێن جيهانێ بهرنامهيێن وهسا دابهزيينن كو خهلكێ مه پێڤه مژول ببيت و ببيته جڤاكهكێ سهردهم، ديسان گۆت دڤێت هاريكاريا بهرنامهيان بهێتهكرن داكو ئهڤ بهرنامه سهركهفتي بن، گهلهك جاران من گوهلێ بوويه كو خۆدانێ بهرنامهيي ههمي مهزاختيان ئهو لێ دكهت، ديسان دڤێت كومپاني خوه لڤێ يهكێ بكهنه خۆدان، سهبارهت بهرنامێ كاك مللهتي راستي خۆشيهكا لجهم ههيي، دڤێت پێشكێشكهر يێ بزهوق بيت و بگرنژين بيت، مللهت ئێك ژ وان كهسێن وهسايه كو زويكا دچيته دلێ مرۆڤي دا داخوازا سهركهفتنێ بو كاك مللهتي دخوازم، براستي بهرنامهكێ سهركهفتيه.
مللهت عهبدولخالق وهك رهوشهنبيرهك گۆت: ههر كهنالهك خوه مادي بكهت دێ ئهو كهنال ب بهرنامهڤه يێ سهركهفتي بيت نهخاسمه ئهو بهرنامهيێن گهلهك خهلك تێدا دهربكهڤن، سياسهتا ههر كهنالهكي ئهوه ئهو بو خوه بينهري پهيدابكهت، چاوا بيت خوه ئهو بينهر چ تهمهن دا بيت هندهك كهنال وهسا خوه دياردكهن، كو ئهو بتنێ تشتێ باش نيشانددهن هندهك بهس ستران و موزيكن دبينم ئهگهر كهنال يێ تێكهلبيت، بديتنا من ئهف كهنالهيێ سهركهفتيه، كهنالێ دهوك يێ نافخويي ئێك ژ وان كهنالانه ئهڤێن پتري ههمي كهنالێن نافخويي بينهر ههين، براستي ئهف كهناله مانديبوونهكا مهزن دبينن تاكو بينهرێ خوه رازي بكهن، ديسان بهرنامێ نيزيك گهلهكێ جوانه و يێ جهێ خوه دايه، بينهرهكێ زۆر د دهمهكێ كێم دا ل خوه كومكريه، ديسان گۆت: ديارێن ڤي بهرنامهيي ههمي ئهو ديارينه ئهڤێن كهسهك وهربگريت مفايي ژێ وهربگريت، ب ديتنامن ئهڤ بهرنامه دێ گهلهكێ سهركهفتي بيت داخوازا سهركهفتنێ بو ستافێ ئهڤي بهرنامهيي دكهم.
ههوار عهبدولكهريم وهك بينهرهكێ ڤي بهرنامهيي گۆت: دبيت ئهڤ بهرنامه نه هندێ جيوازبيت ژ بهرنامهيێن دن، لێ بتنێ خوشيهك لجهم بهرنامهيي ههيه كو دياري گهلهكن نه ئێكا بتنێ يه بو سهد مرۆڤان، لێ ههر كهسهك دياريهكێ وهردگريت ئهڤه ژي نيشانا هندێ يه كا ئهڤي كهسي چهند سهركهفتن لجهم ههيه، ئهگهر ئهم تهماشهيي بهرنامهيي ههميێ بكهين دێ ئهڤ تێبينيه بهرچاڤێن مرۆڤي كهڤيت، ئهوژي كا بۆچي نفشێ مێ پتره ژ يێ نێر و بلا ئهڤ پرسياره بو رێڤهبهرێ پشكا بهرنامهيان بيت ل تلهڤزيونێ، داخوازا سهركهفتنێ و بهردهواميێ بو كاك مللهتي دخوازم.
كچهك بناڤێ ميديا فندي گۆت: ئهز ب خوه وهك كچهكا دهوكێ وهسان دبينم كو تێلهڤزيونا دهوك ئێكهمين تلهڤزيونه ل پارێزگهها دهوكێ دا و پهخشێ وێ دگههيته ههمي دهڤهرێ و بهرنامێن وێ ههمي دلڤهكهرن و تلهڤزيونهكا جڤاكي يه، لێ بهرنامێ نيزيك وهكي گهلهكێن دن زويكا جهێ خو د ناڤا دلێ خهلكي داكر، دهستخوشيێ ل ههمي ستافێ كاري دكهم و كاك مللهتي دخوازم ههرێ سهركهفتي بيت.
ههر لدور ڤێ دووڤچۆنێ پێشكێشكهرێ بهرنامهيي ( مللهت ئهمين) گۆت: براستي من هزر د ڤێ يهكێ دا نهكر كو دێ بهرنامه وهسا پێشكهڤيت، ئهڤ چهنده ژي بو تێلهڤزيونێ دزڤريت ئهو زهحمهت و مانديبوونا وان دگهل من دا، ههر ديسان كاكێ من يێ وێنهگر (سيهاد دێوالي)، مونتاژ برايێ من (جهگر جهمال)، چنكو دبيت خهلكهك ڤان ههردو كهسان نهبينن، ئهڤهژي ئهون ئهڤێن ڤي بهرنامهيي درۆستدكهن، ههر ديسان گۆت: ئهڤ سهركهفتنا د ڤي بهرنامهي دا ئهوه كو چهندين كومپانييان سپونسهري تێداكريه، ديسان خهلكێ مه رهوشهنبيريهكا مهزن لجهم پهيدا بوويه، ههر كهسێ ته دڤێت تو دشێ پرسيارا بهرنامهيي ژێ بكهيي، دێ بسينگهكێ بهرفرهه وهرگريت و پرسيارێ بهرسڤدهت و ديسان سوپاسيا خهلكێ مه دكهم بهرنامهيي داخوازدكهن و سوپاسيا ههر لايهنهكێ هاريكاردكهم، كو بووينه هاريكار دگهل من دا ديسان سوپاسيا رۆژنامهيا وار دكهم بو خهمخوريا وان د كارێ وان دا.
|
|
|
|
|
|
|
