| |
|
|
| 2012-04-12
|
|
شيرهتكارى |
|
دێ ئهڤرۆ ژي وهكي دوهي پيچهك باسێ وهلاتێ ئيماراتێ كهين، چونكه مهژێ وان يێ سنۆرداركريه و ئهو ب خۆ ژي ڤێ چهندێ دزانن، نهچار بوون پهنا بره شيرهتكارێن بياني، ئانكو، لسهر ئاستێ وهزارهتان و حوكمهتێ ب گشتي، كومهكا مهزن يا شيرهتكاران ژ ئهمريكا و ئهورۆپا ئستيرادكرن و دانانا دناڤ دهزگههێن حوكمهتێ دا و موچهكێ باش بۆ دابينكر، ههمي ژي فعلهن شيرهتكار و خودان سهربۆرێن درێژ يێن كاري بوون، ههر وهزيرهكي پهنا دبره وان شيرهتكاران بۆ ههر كارهكێ ههبا، ئهو ژي دا ب رۆلێ خۆ رابن و يا دروست و راست بۆ بێژن دوور ژ بهرژهوهندي و چ نهزانينێ، ئينا ئهو بوو ئيمارات گههشته ڤێ پلا نۆكه ههي، ئهز بكهمه پرسيار، ئايا مه چهند شيرهتكار دناڤ حوكمهتێ دا ههنه و كانێ رۆلێ وان و چ كريه و چ دكهن؟ ژبلي ئهوێن ل مالێن خۆ ب پلا شيرهتكار و بتنێ موچهي وهردگرن و ژبلي ئهوێن ههر نهزانن شيرهتكاري چييه و دێ چ كهت، بهري ههر تشتهكي دێ بيني رێڤهبهرهك ئێكسپاير بوو، چاڤێ ههمييان يێ لێ كانێ دێ كهنگي تهقاعد بيت دا جڤاك مورتاح بيت، ته هند ديت ژنشكهكێڤه ژ پلا رێڤهبهريێ ئێخست و بره وهزارهتێ كره شيرهتكار!! واااا!!! جوامێري ئهگهر تێهنهك مابا تێدا ههما بلا لسهر كارێ خۆ با وهكو رێڤهبهر دا باشتر بيت، شيرهتكاري ژي ئێك ژ بهرپرسياريێن گهلهك مهزنه و ههر خهلهتيهكا بكهت لسهر وي حسابا، بهس حسابا چ حالێ چ، ئهگهر شيرهتێن خهلهت ژي بدهت و پرۆژێن وي فاشل ژي ببن و هندي پاره ژي لێ بهێنه مهزاختن و دبهر ئاڤێ دا بچن گهلهك نۆرماله، جهنابێ وهزير نه پرۆفيسوره يان نه فهيلهسۆفه يان ژي نه عهلامه يه ههما ههمي تشتان بزانيت، ئهز دشێم بێژم نيڤهك پشت بهستنا وي يا لسهر شيرهتكاران و ڤێجا شيرهتكار و شارازايي و تێگههشتنا خۆ، يا ژ منڤه يان بلا ئهم ژي پهنايێ ببهينه هندهك شيرهتكارێن بياني و بينين وهكو كا چهوا مه مامۆستايێن ئهرهب ئيناينه زانكۆيێن خۆ و مه خاني داينێ و دهرمالێن ب نيڤا دلێ وان داينێ، بلا هۆسا ژي ئهم شيرهتكاران بينين و هندي پاره بڤێن بدهينێ و چ شهرمي و كێماسي تێدا نينه و چ قوسيري ژي نينه، بهلكو بهروڤاژي مللهتێن زيرهك ئهون يێن كو شارازايي و تێگههشتنا خهلكهكي بۆ خۆ ب پاره دكڕن و شولێن خۆ پێ ب رێڤهدبهن. |
|
|
|
|
|
|
