| |
|
|
| 2012-04-11
|
|
سزايێ مهحكۆمان ب 30 % و سێداره بۆ ههتا ههتايێ دێ كێمبيت |
 : تايبهت
پهڕلهمانێ كوردستانێ دوهي قانوونا لێبۆرينا گشتي ب پرانييا دهنگان پهسهندكر، ل دووڤ وێ سزايێ مهحكۆمان ب 30% و يێ سێدارێ دێ بۆ ههتا ههتايێ هێنه كێمكرن.
سهرۆكێ ليژنهيا كاروبارێن جڤاكي ل پهڕلهمانێ كوردستانێ بۆ وار راگههاند، ئهڤ قانوونه تايبهته ب وان حوكمان يێن هاتينه دهركرن ژ دادگههان بهري دهركرنا ڤێ قانوونێ، ههروهسا ئهوێن ئاشتبوون لسهر هاتينه كرن كو رێژهيا 30% ژ سزايێ وان يێ مايي دێ هێته كێمكرن و گۆت: 14 تاوانێن گران يێن د ماددهيا 6 دا هاتين قانوون ژێ ناگريت، ئهو ژي تيرۆر، قانوونا ژماره 8 يا ههلگرتن و مامهلكرن ب تهقهمهنييان (متفجرات)، زۆرداريكرن ل ئهندامێن UN ێ، تاوانێن زيان ب ئاساييشا ههرێمێ گههاندبيت، دزيا كوشتن دگهل، بازرگانيكرن ب ماددهيێن هۆشبهر و دهرمان و خوارنێن ئێكسپايير، كوشتنا ب بههانهيا شهرهفێ، زنا و دزيا پارێ دهولهتێ و شوونواران.
عهبدولسهلام گۆت: بۆ ڤاڤارتنا ڤان حالهتان ليژنهيهك ب سهرۆكاتييا دادوهرهكي دێ هێته پێكئينان و دڤێت د 3 مههان دا كارێ خۆ ب دوماهي بينن و دياركر، 2663 مهحكۆم ل ههرێمێ ههنه ژ وان 161 يێن سێدارێنه. ژ ناڤا حوكمێن سێدارێ ئهگهر هات و ئاشتبوون لسهر هاتبيته كرن و مافێ كهسي لسهر نهمابيت حوكمێ وان دێ بۆ ههتا ههتايێ ئانكو 25 سالان كێمبيت.
بهرواري دياركر كو داخوازا كۆمهلێ ب ڤهگرتنا قانوونێ بۆ ئيسلاميێن ب ماددهيێ تيرۆرێ هاته رهتكرن و گۆت: د ماوهيێ 25 رۆژان دا قانوون دێ ب كريار هێته بجهئينان و ب دوور ژي زاني هژمارهكا زۆرا مهحكۆمان مفاي ژێ ببينن.
|
|
|
|
|
|
|
