| |
|
|
| 2012-04-09
|
|
رۆبرتۆ چولي و لێگهرِيان ل بهختهوهرييا بهرزه...شانۆ جيهانهك تايبهته، ب دهنگ |
 ههلكهت ئدريس عابد
شانۆ جيهانهك تايبهته، ب دهنگ و وێنهيێ خوه، ئهم نهشێن تايبهتمهندييا وێ بپارێزن گهر مه (شانۆكاران) ديتنهكا تايبهت بۆ ژيانێ نهبيت، مينا وێ تايبهتمهندييا (روبرتۆ چولي) ژ ژيانێ ڤهگوهاستييه سهر دهپێ شانۆيێ، ب خهونێن كوور و وێنهيێن سوريالي و دايلوكێن پرت پرت، لڤينێن ههلبژارتي، سهرجهم ئێش و ئازارێن جيهانێ ب جواني و كرێتي ب زهنگيني و بهلنگازي ب حهقيقهت و فانتازيايي، ل سهر دهپێ شانۆيێ كۆمكرين، ههر لڤينهك ب هزار وێنهيان، ههر وێنهيهك ب هزار پهيڤان و ههرپهيڤهك بێ رامان!! ئهو رامانا بهرزه يا كو تم بهختهوهرييا مرۆڤايهتييێ ل پشت ڤهشارتي (من دڤێت ببمه كهسهك كو جارهكێ كهسهكێ هۆسا ههبوو) بێ گومان ئهڤه نيڤشكێ هزر و بيرێن فهيلهسۆفێ ئهلماني بوون (فريدريك نيتشه 1844-1900) ئهوێ ل مرۆڤهكێ سۆپهرمان د گهريا، .عهدهميهتا (نيتشهي) دهێته گۆتن دناڤ وێنهيێن (سلڤادۆر دالي) دا و د ئهنجامدا (روبرتۆ) دهێته ههبوونێ...
گهر مرۆڤ ب نێڕينهك ساده ل شانۆگهرييێن (كاسپهر و تهڤلههڤ) بنێرت دێ گههته وێ باوهرييێ كو ئالهسهنگي چێبوويه دناڤبهرا جوانييێ و واتهيێ دا، شانۆ ب جارهكێ بۆ لايێ جوانييێ چوويه و واته هاتييه ژدهستدان، لێ يا راست واتهيا كوور دناڤ وێ جوانييێ دا هاتييه پاراستن، گهر ئهم ل شانۆگهرييا (كاسپهر) بنێڕن د ناڤبهرا ئێكێ دا و گيانوهربوونا مرۆڤان بۆ سهدهمێ رهڤينا كاسپهري بۆ سهر وێ دارا هشك. ب رهخ دارێڤه رێكا شهمهندهفرێ يه، ب ديتنا من ئهو شهمهندهفر دێ قورتالكهربيت بۆ كاسپهري، كو ژ ڤێ خهونێ دهربازببيت و بگههيته وێ خهونا راستهقينه (من دڤێت ببمه كهسهك كو جارهكێ كهسهكێ هۆسان ههبوو) لێ شهمهندهفر نههات دێ ل ڤێرێ ژي زانين كا (شوبنهاوهر)ێ رهشبين چهند دهست ههيه دڤي كاري دا!! يان د شانۆگهرييا (تهڤلههڤ) ئهو ب كووراتي دچيته دناڤ ناخێ ژنێ دا. ل دهما ههموو ژن ب گهرمي و پڕي حهز خوه مكياژ دكن. ل دهما خوه جوان دكن كو وهكو وان بڤێت. هندهك زهلام دهێنه ژوور، ب هزرا من ئهو دبێژت: جوانييا ژنێ ب تنێ بۆ زهلامييه. بێ ههبوونا زهلامي جوانييا ژنێ چ بوها و واته نينن، رهنگه بهري نها ژي ئهڤ تشته هاتبيته گۆتن. لێ بنێڕه (روبرتۆ) د چ سهقا دا ئهڤ تشته گۆته مه. بێ پهيڤ، تنێ وێنه و لڤين. وهكو ئهم كورد دبێژن: من ب چاڤێ خوه ديت، ئانكو حهقيقهتا ڤێ حهقيقهتێ، ديسان ل دهما وێ ئهكتهرا ب لڤينێن (ئيكروپاتيكي) و پڕي جواني ئهو پهرتووك دخواند و دگهل خواندنا وێ بهر ب رۆناهيهكێ دچوو، (روبرتۆ) چ تشتێ نوو نيشا مهنهدا وهكو هزر، لێ رێكێن نوو يێن نيشادانێ نيشا مهدان. دخوازم بۆ ههوه چيرۆكا (روبرتۆ) و سودفێ بێژم. وي بۆ مه هۆسا گۆت: من جارهكێ كارهكێ شانۆيێ دكر. بۆ ئێكهم رۆژا نمايشێ ژ كارێ من. ئانكو جارا ئێكێ بوو دا كارێ خوه نمايشكهم، (15) ئهكتهر ل سهر دهپێ شانۆيێ بوون. ديمهنێ ئێكێ ئهو (15) ئهكتهر بۆ ماوێ (25) خۆلهكان دگهل مۆزيكێ سهمايێ دكن. شانۆگهرييێ دهستپێكر و دڤێت مۆزيكه كاربكهت. بهلێ خهلهتييهكا تهكنيكي چێبوو و مۆزيكێ شۆلنهكر. ئهز گهلهك عاجزبووم و من گۆت (گوي) ل سهر شانۆيێ بيت و ئهز ژ هۆلا شانۆيێ دهركهتم و من بڕياردا بچم مهيێ ڤهخوم و خوه سهرخوهش بكم و خوه بكوژم. بۆ ماوێ سێ سهعهتان من ل مهيخانهيهكێ مهي ڤهخوار و ئهز سهرخوهش بووم. من زاني كو نمايش يا ب داوي هاتي و من ڤيا بزانم كا چ چێبوويه. ئهز بهرهف وي جهي چووم يێ كو ستافێ كاري دێ ئاههنگێ لێگێڕن كو پشتي ههر نمايشهكێ ئاههنگهكێ ددانن. ئهز چوومه جهێ ئاههنگێ، من ديت ههموو يێ سهمايێ دكن و دكهيف خوهشن. رهخنهگرهكێ گهلهكێ مهزن ل وێرێ يێ ئامادهيه. ديتنا وي بۆ كاري گهلهك گرنگه. ئهو رهخنهگر بهرهف من هات و ب گهرمي ئهز ههمبێز كرم و گۆت: ئهڤه كارهكێ بلنتربوو ژ داهێنانێ، من دڤێت بزانم چهوا وه شيايه (25) خۆلهكان سهمايێ بكن بێ مۆزيكێ بكاربينن... هينگێ ئهز گههشتمه وێ باوهرييێ كو شانۆ سودفهيه...
|
|
|
|
|
|
|
